nicht registriert

Hei Lula

Jaja s isch so http://www.20min.ch/schweiz/bern/story/S...y-West-21189563

I wett dete säuber nid ga hürate, aber i ha e andere gedanke: Wahrschindlech wärde itze de wider meh im "ordentleche" zivilstandsamt hürate und wiche nid uf die bsundrige us, de geits vilicht es müü ringer dr Wunschtermin z verwütsche U "notfaus" gängi scho dete ga hürate. I kenne aber öpper wo dete ghürate het woni nid so es guet verhältnis meh ha und irgenwie muesi nid grad ou dete ga hürate....

I weiss gar nit öber wo mir kenne, derte zivil hetti ghürote... Has mim aber scho verzellt...

So Mädels i meld mi au no ganz churz....

Sry i bi eifach zfuul alli sitene nozläse

Ganz churz, i ha gestert äs Email as Zivilstandesamt Murte gschickt zum en Termin z reserviere...(chash ab Oktober fürs nögste Johr) d'Antwort isch super gsi....

Sehr geehrte Frau.......

Wir nehmen die Reservationen ab Oktober entgegen und das wäre schon ab Montag. Ich habe Sie für den 24. Mai 2013 eingetragen; bitte melden Sie sich anfangs nächstes Jahr für die Formalitäten.

Ha mi mega gfreut dass das scho "erledigt isch bevor mer id Ferie gönd...

Bis baaaald....

guete morge ihr alli! ich ha mal e frag us de perspektive vomene hochzitsgast :-)

bald sind mer ane zivili hochzit iglade vo öpperem, wo eigentlich im usland wohnt und jetz sini fründin da hürated. es hät gheisse, sie wünsched sich kei gschänk, aber öpis chlises muess natürli scho mit... eifach geld schenke findi i dem fall komisch. es dörf au nöd öpis allzugrosses sii, will sie reised scho bald wieder hei. d bruut känni gar nöd... es isch also chli e knacknuss. hetted ihr e idee für es herzigs gschänk wo mer i dere situation cha mache? sie sind e wuche vor de hochzit no bi eus, chönnted natürli eifach uswärts go esse und die beide ilade...

en guetschii für es esse isch dänki immer guet ... dänn chamer sich au bitz besser kennelerne (wenn du seisch dass t bruut nöd emal kennsch) wär grad e super glegeheit däzue ...

Hallo Mädels

Bi wieder do! gniess grad mi letschte Feriedag bevor i morn wieder muess afo schaffe!

@ himbeer het jetzt au gseit en Guetschin für es Esse oder ebe will dir euch nid soguet kenned en Gutschin für e Gmeinsami Unternehmig... Z.b brunch i dä Berge oder e Dag amenä See oder im Winter öbis speziells(bi mir grad nid sicher vo wo du bisch, süst wüsst i es paar sache meh..)

@me hz technisch hei mir nüt gmacht i de Ferie aber jetzt chas so richtig losgoh.... Euses gschäft isch fertig baut und fast igrichtet!!! Cha kei Farb und putzsache meh gseh!
Am samstig gang i ad Modeschau und bi ganz gspannt uf d kleider vo de neue Kollektione!

Freii Traauig: wer nehmed dir wo euch traut? Ha jo div. Agfrogt und alli choscht e mega geld... Guet ig bi jo au drfür jede het si job und dä muess zahlt si aber finds doch chli happig 2000.- für es halbs stündli... Ha mir jetzt überlegt doch dr kath pfarrer zfroge öb er e traauig macht ohni religiöse hintergrund... Schliesslich zahl i jedes Joohr e hufe chilchestüre.... Was meinet dir? Het do öber erfahrige?