morgä mädels

wiä gahts eu so?

ich muäs jetzt eu rasch mini story mit mim chleid verzellä:

also ich bin im august mal im chez janine gsi, isch super bediänig gsi und alles, han au mis traumchleid vo maggie sottero gseh. im chez janine wärs 2000 stutz gsi. bin dän mal uf d homepage vom hersteller und han gluägt öbis nöd diräkt vo amerika chan bstellä. han dän gseh dases für 450 dollar chasch bstellä.
paar wuchä spöter isches sogar no abägsetzt gsi uf 360 dollar. han dän voll eis uf risiko gmacht und hans bstellt, bin mer nöd mal meh sicher gsi öbs white oder ivory gsi isch aber han eifach ufs buchgfühl glost. :-)

jetzt isches gester cho und ich bins nomal go aleggä und s passt perfekt. s isch also tupfgenau s glich chleid und das so günstig. :-) bin grad mega happy will s het ja au chönä sie dases än fake isch oder ich di falsch grössi/farb bstellt het.

jetzt hani ä frag, wiä machet ihr das wäner s chleid händ, bruchä no äs jäggli und än reifärock und undä muäs es no chli apasst werdä vo dä schniderin. sölli zerst dä rock chaufä oder zerst dä schniderin alütä?

nicht registriert

Hallo valey

Bisch wieder zwäg? Tönt ja super was alles bstellt häsch. muesch denn föteli mache gäll

nicht registriert

Hey Mona

das isch ja genial. Wow freu mi gad für di Im Internet chleider bstelle isch ja immer chli e risiko.

i glaub i wür zerst de reifrock go kaufe. muesch di aber do glaub guet berote lo und denn s ganze mit de schniderin aluege.

i bruch kein reifrock. han ganz viel tüllschichte wo da gar nüme nötig isch. i tue hüt mis chleid nomol aprobiere und werds denn die restliche 64 täg (hilfee goht das schnell) bi mir lagere.

He Mona

Soo cool dass dis Kleid so günstig öbercho hesch :) Do hesch schon viel Geld chönne spare/wengier usgeh..

De Reiffrock bruchsch so oder so wend sKleid wetsch go ändere. Vo dem her chasch de fang chaufe. Muesch der nor öberlege wie wiit er sie sell. Jeh nach Volume wod wetsch bruchsch en chlinere met eventuell nur einem Reiff, du chasch aber au bis uf mehreri Reiffe wähle, damits voluminöser werd. Vellecht chasch jo nomol is Chez Janine go ond met em Kleid (vom Lade) zäme Reiffröck probiere ond grad det eine chaufe. Oder wend eh scho weisch wie voluminös dass es sii sell, denn chasch jo eine im Internet bstelle (han ich so gmacht via Ricardo).

Wägem Jäckli... Hmm, dFrog esch ob eis bruchsch. Eventuell esch es au ganz schön nor met ere Chiffon- oder Pashmina-Stola (jeh nach Johreszit vo de Hochzit).
I ha mer au öberleit es Jäckli zkaufe. Has den aber ned gmacht. I ha nur kurz verusse sJäckli brucht für de Weg zum Fotoshooting. Det hani mini Jeansjacke agleit, het cool usgseh Händs alli stylisch gfonde
Us Erfahrig weissi eifach, dass veli wo es Jäckli extra chaufed oder mache lönd, meischtens sJäckli gar ned bruched a dem Tag. Das esch jo den au schad för sGeld. Ossert du kennsch öper wo scho ghüroted het ond der eis cha uslehne? Da chas au geh :)

nicht registriert

@valey: da freut mi das dir chli besser goht.
süessi idee mit de 2 chüssi. gsehnd sehr schön us die sache

Ou jo, das esch natürlich au super im Winter, kuschelig weich und schön warm. Bruchsch es ja warschindlich eh nur dusse oder wenns zieht. Aber sust sets ja guet ohni go. Finds ebe au schad, extra was go chaufe und unter Umständ leit mers de glich ned a.