@valey: hen iar d'Flittis schu buacht oder wenn buachen iar dia?

also iar machen jo drei mönet vorher das ehevorbereitigsverfahra. das heisst abem 25.2.13 chön iar eu döt amelda. denn git si eu a bestätigung und mit dära chasch du di bim passbüro amelda zum dr neu pass/ID macha, das wirsch denn aber erst an dr zivila hochzit übercho vum standesamt. und i denka iar buachen jo nid erst denn d'Flittis drum würi mit da alta data in d'flittis und das nocher beaträga. usser du wetsch wia i. denn no alli buachiga in dena 3 täg uf dia neua dokument abändera. was i zwor nid wür an dinera stell, wells miar in däna drei täg eifach z'stressig wär. i han natürlich jetz no as halbs johr zit

Jaa mer hedded jez de welle go bueche. Han eig scho welle medem neue name id flittis :) fend das no schön :) chani echt dene bim bueche ned scho de neu name ahgeh? Chani sicher od? De chönti grad nach em zivile de pass afordere :)

Jaa ebe i gohne mal next week od so is reisebüro geb ehm eifach de neu name scho ah :)) goht sicher

@valey: normalerwis muasch jo bim buacha a Passnummera oder ID Nummera ageh, und z'Problem isch, wenn du eifach dr Neu Nama agisch, dass dr nama nid mim Pass über i stimmt. Drum isch das au bi miar nid ganga. Und bi üs isches z.b. so dass dr neu Pass nid innerhalb vu 3 Täg chasch go macha loh und au grad kriagsch. i han mi letscht wucha agmeldet und chan am fritig verbi goh.

So vell i weiss musch d Passnommere em Reisebüro ned müsse age. Emo i has nonie müsse mache. Ond de neu Pass chonsch jo au grad am zivile öber (wend ne em vorhinein beatreischt). muesch ebe eifach bim reisebüro de name so ageh wie er nachetene em pass stoht!

ja das mit de kreditkarte etc. ha mer au scho überleit, aber susch hät ja min fründ au no eini. also ich ha bis jetz au no nie müesse en uswiis zeige bim zahle mit kreditkarte. und en pin hät sie ja au no. irgendwie würdi halt würkli gern mitem neue pass id ferie, au wenns chli ufwändiger isch :-)