i han no nia im Reisebüro buacht immer nur selber per Telefon oder übers Internet und han döt eba immer müassa Passnummera ageh, drum hani gmeint das seg normal.
wenn du aber seisch du heissisch nocher Müller und buachsch au uf Müller und am zivila überchunsch dr Pass sött das schu goh.
Da mir 1 Wuchä nach dr Hochzit gö... machä mir de das Pass und dokumänt la ändärä gstürm aus ersch nach dä flittis... süsch hani nur no meh unnötigä stress
ig ha dä namä när fürä räscht vo mim läbä und da hani de no gnuäg zyt mi dra z gwöhnä...
ah s standesamt hät mer grad gschribe, es gseht nöd sehr stressig us zum d päss vorher no bstelle. sött keis problem sii... ich tue mer das no überlegge die wuche vorallem weg de unkompatible kreditkarte, det gsehni zwar au keis grosses problem.
Gaaaanz öppis angers... ig ha doch scho z eint und z angärä mau klagt dass mir eifach keini Brutschuä gfauä... itz hani geschtr per zuäfau öppis endeckt wo mi auso ziemoli begeischtärät...
Isch ä Neosens Schuä - vo mir us gseh wunder wunder schön... kennt öpper diä Markä... si diä bequem... cha nä de z mittag ga probiärä - si hei mini grössi no müässä la cho
Sanis, dä isch mega schön Kenne die Markä gar nid, aber muess säge dä wör mir auso au no passe - gseht aber fasch so us aus wär er för mis chleid zweni höch Bi gspannt öber bequem isch
asooo hüt gohni nachem schaffe mal is reisebüro go d flitterwoche bueche de frogi grad nomol die sach wegem name, tuen sehr wahrschinli de neu name ahgeh :))
GIRLS froge do no schnell weis jez gar nümm was jez isch wegem Bruutträff am Sunntig in ZH, wer chunnt jez? ned dasi gange und niemert isch dett hihi..
bi de mega spannät... hoffentlich isch är bequem!!!
Brutträff... ig muäss leider passä... mi Neffä het am sunntig geburi... am samschtig gö mir no ga häuffä züglä und de bini am sunntig sicher froh weni voräm apero am nami nid no quer dür d schwiz "Muäss" für cho z käfälä...
Anmelden
