ab donnerstag nur noch 50%? geht das überhaupt? bist du denn in der probezeit oder so? sehr seltsam.

@lilly: mir gönd wahrschinli das weekend ad big love in wollerau, aber det gahts ja in erster linie um ring. ich ha aber vor im januar ad mess in züri zgah. mir händ zwar die meiste dienstleister scho (eigentlich alll) aber vilicht gits ja nochli inspiration.

Hey Lilly

aso i be in ZH gsi im Januar und ha echt paar cooli sache gseh gha...
und ich gohne am Samstig uf Zug.. ha ebe scho gluegt wases alles so hed und tönt sehr interessant..
finds au no cool hed amigs ebe au no so Unterhaltig sache und Deko sache usw..

wenn gohsch gseht me sich ja velecht ;) hehe

Bi Assistentin vo dr Gschäftsfüehrig gsi. Nüm in dr Probezyt. Im April wärens 2 Johr gsi. Sichr goht das eifach eso. Müenn jo numä d Kündigungsfrist ihalte.
Die 50%, bzw. 0% ab Januar isch es Agebot vo ihne, wils e 'schwierigi & schmerzhafti' Entscheidig gsi wäri (jo isch klar...) Bechumm abr 100% Lohnusglich bis 31.01.13.
S git so vil was jetzt anders wird si.. mir hend au e Dogsitter für euseri Hündin wo mir jo denn au nüm würde bruche, abr ich wett ihre nit künde, wil sie jo au ufs Geld agwiese isch. Abr wenni numä no 50% schaff bruchts sie jo nüm...
Und wenn ich nüt neues find, muess ich min Stall und mis Ross abtue. Und und und...
Ha grad e Wand vorm Grind :'(

Liebe LadyWolverine

Das duet mir mega leid.... vorallem wenns so us em nüt chunnt.. aber so wie du verzellsch hesch jo en guete Job gha, du findsch sicher öbis neus.. Und mach dir jetzt nid zgross Sorge weg dr Zuekunft.. au wenn du ufe 1. Feb. nid grad öbis findisch, stohsch denn jo nid mittellos do.. schaffsch jo gnueg lang scho in CH, dass du aspruch uf Arbetslose hesch..
und ebe, gueti Lüt finde immer e neui Stell.. und hesch jo au zyt zum sueche.
Gniess es doch es bitz mol reduzierter zschaffe, Lohnibuessi hesch jo keini...
Druck dir ganz fest d Duume dass du wieder öbis findisch!