mini eltäre händ au immer gseit dass sie eus öpis dra gänd, aber händ nie gseit wieviel.
sini eltere händ nie en aschin gmacht, bis mir sie denn ganz klar durf aghaue händ. jetzt chömemer vo sine eltere 1000 franke über.
ha denn das mine eltäre gseit und die händ denn gfunde, ja guet, sie heged scho dänkt dass vo dere siete nöd meh chämi, darum deged sie eus unterstütze. händ aber immernoni welä säge wieviel...
also ich finde 1000 scho viel. es isch viel geld. aber bimene betrag vo ca 30000 schients denn grad als wenig....
han denn letschit mal zu mim mami gseit: los, ich wär mega froh, wenn ich ungefähr wüssti, mit was ich rechne chan vo eu. ich spare ja au scho a allne ende i, han keis schöns extra auto gno woni cool gfunde hetti, vieles in de kauft zum spare, de azug vom gg au in de kauft usw...

jetzt hani letsch wuche erfahre dasi vo mine eltere 10'000 franke überchume fürs Hochziit!!!!!!!! han irrsinnig freud gha!! finds meeeeeeeeeeeeega grosszügig!! mis mami hät mir ja scho mis chleid kauft usem erbe vom opi!!! finds mega, han u freud!!

@schmetterling: das stimmt. ich ha au nöd demit grechned, drum hani au so riesig freud!! ich han denkt sie schnänked mir s'chleid und denn isch guet. bim chleid hani immer gsiet, meh als 2000 wetti nöd defür usgä und jetzt sinds hald 2400 worde. aber de opi hät mir immer gseit dass er mir mal mis chleid zahlt und er häts jetzt hald leider nüme gschfft. darum hät s'mami de part überno. findi mega herzig!!

Jo klar Nemo do het i au e riessse Freud...
Mini Eltere breichts halt nächscht joohr grad doppelt, will mi schwöschter au hürotet. aber denk au sie werde grosszügig si wie immer.....

Das mit em Kleid verstand ig guet, het dir sicher sehr weh do, dass di Opi s nid cha erlebe.... aber so wies dis Mami glöst het ischs au sehr schön und uf e Art ischs jo denn glich vo ihm..
Ha au so en "bruch" wo ig unbedingt so will.. mis Mutti lebt zwar no aber isch nid so zwäg.. sie het wo ig no chli gsi bi, mir immer s "Chläpper-Münz" i e alte Bierchrueg do und denn ha ig mir drmit immer öbis dörfe chaufe.. wo mir ihres Huus grummt hei isch dä füre cho und propevoll gsi mit Münz... ha en mitgnoh und hiet en sither und will mir drmit öbis chaufe fürs HZ.. (oh man jetzt chömme mir grad träne) ig hoff si cha wenigstens bi dr Trauuig drbi si... (hürote grad vis-à-vis vom Altersheim)

Zuletzt bearbeitet am 07.11.12 09:49

guete morge mädels

ja das stimmt, ich han am afang au s gfühl gha mit 20'000 chömemer dure (dänkste!)

also ich han vo mim schwiegermami s hochziitschleid gschänkt becho und sie werdet eus no t flitterwuche zahle (hani erscht grad letschti erfahre) meeeega lieb, grosszügig ... mini eltere schänket eus eusi ehering und tuube womer flüge lah werdet ich weiss, ihr findet das nöd so toll aber ich find das sooooooooo schön

am mentig hämer no euse videograf buecht, müemer au 2'200 aneblättere ... aber so eine wämer unbedingt! däfür sparemer bi dä fotografin recht, will sie e bekannti vo eus isch ...

jaa mer send au drübert med de Koste as mer eig. am afang vorgha hend..
aber jaa.. liiht no denne..

und fends echt uuu lieb das eusi eltere no was dezue gänd :)

mer send eus au am überlegge ob mer am obe seled en dj neh (en kolleg vo eus) müesstemer sicher ned vel geh od nüt.
oder es duo engagiere wo öppe 2500 kostet

@schmetterling
Ich suech eifach öppis im Büro.. Sachbearbeitung odr au Empfang odr odr odr...

@Eltere

Bi eus isch eifach no es Problem, dass mini Eltere mit ere dütsche Rente (min Papi isch grad in Rente gange, mis Mami isch bis uf 20 Johr immr Huusfrau gsi) nit eso es Gäld ha. Sie würde abr gärn öppis überneh. Dr Vater vo mim GG vrdient sehr guet, abr vo dört isch no nüt cho ussert dass er s Ässe nit wird überneh...
Und wie scho öpper vo euch gseit het (wais grad nit wer, sorry): So lang vo sine Eltere nüt chunnt, wett ich vo mine, wo sich's viel meh müenn abspare, nüt aneh.
Mis Mami het zwar scho mis zivile Chleid kauft (isch mit 100 CHF würklich günschtig gsi) und möcht mir gärn min Schmuck sponsore. Ok, das isch e Sach zwüsche minere Mum und mir und ich lueg jo au, dass es nit ganz eso tüür wird denn.
Abr an die gemeinsame Sache wie Ässe etc. möcht ichs eifach nit. Entweder alli odr keiner.

Mir hend jo de Wunsch geüsseret, dass mir wend kais Huushaltszüg zur Hochzyt gschenkt ha, sondern Gäld (jetzt wichtiger denn je). Jetzt welle sich abr die Eltere vo mim GG (sind jo gschiede) drüber hinweg setze und eus es Geschenk mache, für das sie meh müenn usgeh als sie eus bar würde geh (scho mol e komische asatz für es Gespröch). Jo ebe sie wend eus es Pfanneset (glaub 27teilig und exklusivi Qualität) schenke.. Mit läbeslange Garantie und mer cha drmit Turmchoche und und und... Jetzt hend mir abr scho vil gueti Pfanne vo Thomas und WMF.. Jo, die chönnte mir jo denn vrshoote, het mis Schwiegermami gmeint...
Was würdet dir sagä? S ganze Set het scho e Wert vo öppä 2'000 CHF, abr ich bruuchs nit würklich... Abr es sig jo sooo toll und du hesch jo ewig Garantie und mer cha drmit dies und settigs und und und... Min Schatz finds e gueti Investition.. Abr wer kocht am Schluss? Ich...

Das mit em Filme werde mir au so mache, dass e Bekannte wird filme.. Ha eifach Angscht, dass ich denn enttüscht bi hinterher... :/