@sais und lula: das findi mega e cooli istellig. mir fiered au genau so wie mirs wend und au genau mit dene lüt wo mir wänd. bi eus isch hald jetzt de rahme chli andersch, aber ich das andere nie verurteile. ich finde es söll jede genau so fiere wie er das wet und wies i sim rahme lit.
ich find das au mega krass wenn lüt gönd go kredite ufnä für so öpis, das chani au echt nöd versta. ich fiere doch so, wies mis budget erlaubt. und weni weniger ha, denn fieri für weniger und weni meh han denn für meh. und wenni meh han und wet aber es chlises fäst, denn isch das au total ok.
jede so wies ihm gfallt und wie er d'sschwerpunkt setzt.
grosses fäst für viel geld isch nöd gleich cools fäst. das gsehni absolut au so!

nicht registriert

@Lula
Ja mir hei so nä Planig gmacht... eifaach äs excel wo aui pöschtä ufglischtät si was mir gloubä wasäs choschtät und was mir de effektiv uf gäbä - de hei mir geng chli dr überblick

bi üs faut haut ä rächtä Poschtä furt wüu mir "nur" mit 18 Personä gö ga z nacht ässä... und nid mit 50 oder so... aber o mit dä ringä hei mir scho chli gluägt...
ig ha genau dä ring wo ig fingä är isch perfekt aber äbä är isch us stau und nid us paladium oder so...

bin au däre meinig nemo ... und es chund halt au uf t azahl persone druf a,
da chamer s budget nöd so verallgemeinere ... aber ich han mer gseit, wenni
mal hürate, dänn wotti nöd müesse uf s geld luege, klar tuet mer vergliche !
schlussentlich chunds nöd druf a wie gross oder wie chli es fescht isch, sondern
das mer a däm tag die lüüt um sich hät wo eim wichtig sind und dänn chans nur
es glungnigs fescht werde

das findi au lula.
und bi eus chosted en wii 50.- und sicher nöd meh. das gsehni denn definitiv au nöd ih.
mir händ es riese familie, vor allem er. allei scho 4 brüederer mit ahnang und chind und chegel usw... 7 tante 8 unkle usw... hald ebe gross. mir händ eus jetzt scho extrem igschränkt und meh uf fründe als uf alli verwandti gsetzt. bi eus chömed nur lüt am abig as ässe, wo au viel kontakt mit eus händ.
mir sind am apéro 120 lüt und am abig zm ässe ca 67. das chostet hald eifach öpis. aber es git au nöd es menu für 150 stutz oder so. das gsheni ebe au chli so. es söll fein sie, aber nöd en 8 gänger mit weis ich nöd was. es git 4 gäng inkl dessert und fertig.
ich bin zwar es tschinggeli, aber uf so e richtigi italo hochziit mit 200 lüt und 15 gäng ässe hani echt kei boch gha. und denn kennsch d'helfit vode lüt ersch no nur flüchtig...nei danke!!
ha das bi minere cousine erlebt, das isch fürchterlich gsie!!

@lilly: das chönd mir au. s'problem isch eifach, s'zapegeld isch mega tür bi eus. bim apero 18 franke bim rotwie am abig 35! das findi recht happig. wenni jetzt also min lieblingswii wett b^mitneh, wo d'flsche 28 franke chosted, denn chumi uf 63 franke pro fläsche. das findi denn ebe grad chli viel. jetzt hämmer eine vom resti, de isch 50 fanke d'fläsche und isch echt fein!!

@Nemo: Es geit nit mau drum das zGäud nit ume wäri, aber mir gsehs ebe beidi nit i für ei einzige Tag mega viu uszgäh. (wott aso niemertem uf dFüess Tschaupe!!) I wetti für mis Kleid ou nit meh wie 1'000 usgäh, wenns iwie müglech isch. U min GG laht sech si Azug evtl über Kolleg sin Vater - desse Kolleg in Thailand lah schnidere, u de hätti er e super Azug für 400-500 Franke u das ersch no ohni Reiseköste. Am Apero rächne mir mit 100-150 Lüüt, am Obe wetti mir uf 30 reduziere, viellech gits de ou weniger.

@Sanis: Wie bisch de Du uf di ca Pöschte cho? Internetrecherche oder wie?