Ig bi ganz euchrer Meinig.. E tüüri hochzyt heisst nid grad dass sie denn au schön und toll isch! Do cha so e richtigi Waldhochzyt tuusig mol luschtiger, schöner und romantischer si! und eis dörfe mir nid vergässä.. es goht drum dass mri eusi Schätz zum Maa nehme und nid ums fest.. Klar grad mir ischs drum und dra au wichtig, aber nid um jede Pris und d Trauuig an un für sich muess perfekt si.. wenn öberem denn s Esse oder d Lokalität nid gfallt.. ihres Pech!

Klar wenn ig im Lotto gwünn bis denn gits au e mega sause... aber so wirds eifach so wies für eus stimmt..

Ah zum Thema mitsproche recht.. Do bi ig ganz strickt.. au wnen d Eltere zahle, es isch eusi HZ. Berote ok, aber drirede goht gar nid... süscht gib i lieber s Geld zrugg!

35.-?? das isch wüki recht viel ... nei, dänn hät ichs au so gmacht, mer muess es halt eifach usrechne ob es sich lohnt und suscht glich en wii vom reschti näh - so wie ihr jetzt!

bi dä blueme händ mir e super lösig gfunde, i dä nöchi vo dä chilä häts es bluemeatelier vonere stiftig, uh herzig und die machet das richtig schön und voller freud + verlanget natürlich au nöd so viel ... drum hämer ihne dä uftrag gäh für t bluemedeko i dä chile und für min bruutstruss :) im reschti isch dänn öpert andersch, aber au det werdet mir nöd übertriebe, ich wür das gar nöd welle, alles schön im rahme! aber glich summiert sich alles sehr schnell zäme und ich han lieber bitz vorig als dänn schlussentlich z wenig! das wär blöd

nemo, mir händ die glich djane sie macht wüki en super idruck! afangs 2013 sitzemer dänn mit ihre zäme und besprechet alles gnau, freu mi scho mega !

@Lula
Das isches jo ebe. Bi eus isch so vil zwüsche dri cho, dass mirs eifach hend müesse lo laufe.
Mir hend nüt budgetiert und euses Hochzytskonto isch vo afang a uf 0 gsi und nie meh worde.
Ich ha halt immr grad wenn ich chli öppis füürig gha ha öppis an Material kauft o. ä.
S Brutchleid het mir min SchwiPa vorgeschosse. Das bini no am abzahle... Und so wirds au mit villnem andere sii.. Mir werde also no lang öppis vo eusere Hochzyt ha..zum zahle... :(
Macht mich nit grad glücklich, abr bi mir isches finanziell das Johr dütlich bergab gange und mit de kommende Arbeitslosigkeit gsehts denn au nit besser us.
Mir luege scho wo mir chönne spare, abr irgendwie lasst sich s Ässe und s Trinke nit minimiere.. Mir hend scho Gästelischtene kürzt, ich bastle alles sälbsch etc. pp.
Weiss langsam nit wo no iispare ohni dass d Hochzyt eifach gruusig wird :(

nicht registriert

@Lula
Üsi budgetpöschtä si nach üsäm Fescht grichtät


Ziviler Gebühre
Fotograph
Drucksachen
Kleider & Assesoirs
Blumen
Make-Up / Coiffeur
Deko
Essen mit Familie
Lokation für Party & Apero
DJ
Candy Buffet
Fotobücher
Limo
Ringe

+ no chli öppis für Diverses

nicht registriert

Da dueni mi doch ou no grad mit ere Frag mäude wenn dir scho übers budget heit
Mir si itze uf dr Suechi nachemne Fotograf. Üse TZ isch klar der meinig, dases eine mues si wo uf Hochzyte spezialisiert isch. I bi dr Meinig, d Föteli müesse eifach guet si, öb Laie oder Profi.

Itze hani e Fotografin gseh wo uuu schöni und spezielli Föteli macht. Kosten für 7 Stund Präsenzzyt mit Webgalerie und Föteli uf DVD: Fr. 2'200.--. Ok, findi tüür, aber die macht würklech top-Föteli.
När hani e Kollegin vo mire Schwo agfragt. Die het ou es Fotostudio und macht e huufe Shootings, isch aber eher Hobbymässig. Ihri Föteli uf dr HP heimer ou sehr gfaue, ou wenn si vilicht nid ganz soooo usgfaue si wie bir andere. Kosten für 7 Stund Präsenzyt, Webgalerie, Föteli bearbeitet uf DVD: Fr. 950.-- !!! Si ja riiise Unterschide.

Was meinet dir? Isches öich wichtig, dass d Föteli vome Profi si?