demfall würd ich mir au mal e kompletti reportage zeige lah. und ich find halt dass hochzitsfotografe sicher viel erfahrige mit hochzite händ, so eifach isches ebe glaub nöd. also wenn öpper scho viel hochzite fotografiert hät isch das sicher en grosse vorteil i mine auge. und schlussendlich sinds "nur" 1000 franke. mir isch eifach am wichtigste dass die bilder schön werded und so wie ichs mir vorstelle. schliesslich gits kei möglichkeit zum die eifach wiederhole.

mine isch ja au so super foti begeistered!!! mir händ drum s'shootin guf e halb stund beschränkt. d'fotografe hnde denn scho gseit dass denn das nöd viel föteli gäbi i dere ziit... denn hät min schatz scho freud gha!!
na ja, ich hett hald gern so föteli womer chli chabis druf mached, chli cooli nöd alltäglichi fotene. aber ebe..wird warschindli nüt... ja nu, hauptsach mer händ paar schöni bilder vo eusem fäst! ich finde hald schöne, wenn mer paar schöni bilder hät. bilder und d'ring bliebeder nachem fäst, alles andere isch denn weg...alles für nur ein tag...

Wenn mir scho bi dä Föteli si... heit dir irgendwelchi Idee wie und was dir weit für die "gstellte" Föteli?? Ig wett mega gärn i Wald und ev. uf es Fabrikgländ.. Bi eus i dr region hets es shcloss aber alli Päärli göh dört goh föteli mache. echt chas nüm gseh!
Und denn no öbis.. het öbber s gliche Problem, dass dr Partner viiiel grösser isch? Ha mir scho überlegt uf es Tabourettli zstoh für d Föteli.. bi eim dörf mehs denn au gseh:-)

Lilly: genau es viedeo wa mäh cha aluege isch doch mega viel wert.. und ebe es paar föteli fürs album und dankeschärtli, dr rest söll spontan entstoh!

eusi fotografin hät eus au en park vorschlage, aber ich woll eher nöd so vie klassische bilder. ich ha mal mega lässigi gseh imene parkhuus, und mir gönd sicher id altstadt. ich hett au gern es paar im tram oder so. eifach möglichst nöd zu kitschig :-)

ja parkhuus isch nonig sicher, ich ha nur mal super bilder gseh i eim aber eusi da sind nöd so schön. aber vo de architektur her sind die ebe no oft sehr spannend, drum chönnt mer das no vorstelle.

nicht registriert

Foto Location... isch bi üs nä rächt offä da mir im Februar hüratä ischs sehr wättr und witterigs abhängig... wes trochnigswättr isch und schnee het de wettä mir z Interlakä im Naturschutzgebiät am See äs paari machä... dert hets no ä Ruinä und Grossi Böim und überhoupt ischs dert sehr schö...

Wes im ungerland kei schnee het gö mir uf grindelwald... der hets uf dr Talabfahrt - fasch z ungerscht so nä schür grad diräkt ar skipischtä und dert chönnt mä bis ufä fahrä mit äm outo... ds fändi ono heiss... so mit skifahrer im hingergrund...

und wes chatzä haglät und horizontal seicht de... tüä mir öppä bim Ziviler (Shcloss iNterlakä) indoor und dert wo mir när gö ga z nacht ässä...