Guete Morge zämmä

Hoff heit alli es schöbns WE gha.. HZ technisch ha ig wiedermol nüt gmacht... usser Brutfrisure studiert... (beschäftig mi im moment am meischte)

@Nici und was gfalle dir fürigi denn??? glaub wird vielne no so goh, dass si churz vorher no umplanige mache .. Mir chömme die beste Idee au immer erst churz vorher i sinn!

Und denn muess ig no bitz "Ärger" abloh do bi euch... also mi schatz tribt mi no i wahnsinn, ha gester mit ihm nomol welle rede weg em Pfarrer oder Teolog.. denn frogt dä mi doch tatsächlich: "du, chönne mir das au erst im Dezember entscheide??" klar chönne mir aber d Pfarrer mache JETZT ihre Plan für nächscht Joohr.. und denn ha en au no gfrogt wenn er vor het goh dr Azug chaufe.. (ha keini Bedenke, dass er nüt findet, aber...) er meint denn nur so, er gech denn i das Modehuus und dört findet er scho ein.. irgendwenn.... Entweder bi ig eifach zu unentspannt aber ig find er muess doch i es Hochzytsmode Gschäft und nid eifach en normale Azug chaufe... oh man, dä triebt mi no i wahnsinn mit sinere glasseheit.. das isch ebe dr grossi unterschied a eus. ig muess immer alles grad jetzt mache und er nimmts locker.. Sorry füre lang text aber wenn i dra denk bechum i grad wieder d Krise über..

nicht registriert

@schmetterling: manne sind glaub allg. bi so sache viel entspannter als mir fraue. häsch ihm gsait das er in e fachgschäft söll weg em azug? isch doch viel eifacher.

no en höchere. eigentlich passt de wo i ha aber wenn mir dusse föteled wärs vielicht scho besser wenns chleid nöd ganz so am bode isch. also entweder eifach en 14 cm pumps, schwarz mit so silbrige niete am absatz oder evtl stiefelette weg de chälti damit i nöd dauernd us de schueh userutsch

nicht registriert

ah übrigens, am Wucheändi heimers ändlech ar Schwigermueter gseit dasmer hürate... äääändlech Itze isches "offiziell" u ändlech dörfes ou aui andere wüsse

Morge Mädels

@Lady: U wenn de zBärn mau i Brutschuelade giengsch ga gugge?

@Schmetterling: Cha mi dr Ussag vor Lus aschliesse, isch gloub eifach e Männerkrankheit, mine isch da ou so. Nee, mir tüe no gar nüt aluege, es geit ja no soooooo lang...

@Lus: Was heit dr de für ne Site entdeckt? U gratuliere! Wie het sis ufgfasst? Bi de ou froh, wenn mir nes gseit hei...

nicht registriert

D Schwigermueter het überraschend guet reagiert (mir hei ja so angscht vor dr reaktion gha). Klar isch d frag cho öbi schwanger sig (aus ob das dr einzig Grund fürne Hürat wär) und öbmer würkelch meh Stüre wöue zahle. Aber aus i auem ischsi scho glücklech und het emu scho gfragt, wasmeris wünschi
D Sanis vom Forum hie het uu schöni Ringe us Damaszenerstahl zeigt. Die heimer uf Ahieb ou gfaue, si eifach sehr speziell u schön! I ha de mau chli ds Internet dürforschet und in Thun eine gseh, wo ou so Ringe macht, eifach sehr schlicht. Da mi GG uf aues steit wo us däm Damaststahl isch (Chuchimässer ahoi ) und er brueflech vieu mit Metallverarbeitig z tüe het (er isch Mech) hei ihm die vo Afang a u gfaue. Mir wei itze de zmingscht mau ga luege

hallo zäme

mir händ es cools hochzitsweekend gha. am dunnstig abig hani amene event per zuefall öper känneglernt wo es bluemegschäft hät. und hebed eu fest: s gschäft isch 20 meter vo eusere location entfernt

mir sind drum am samstig namal i eusi location go luege und chönd jetz definitiv zeremonie det im hof mache. wägem schlechtwetter hät de gueti maa gmeint, mir chäned ohni problem zelt ufstelle aber er würd eus empfehle das mer erst e wuche vorher lueged wie s wetter wird, er regli das denn scho. stüehl und alles chaner au selber bringe... es seged denn halt nöd alles die gliche aber mit dem chani scho läbe.

aschlüssend sind mer grad no is bluemegschäft go luege und es tönt würkli super. sie hät eus sogar no tips geh für fotolocations i de altstadt und hät gmeint sie hälfi au ufstelle und so... hihi.

usserdem hani offerte cho lah für ring (mir hetted gern für mich sonen memoire-ring und sie sind echt no zahlbar wenn mer nöd grad 24 diamante driituet vo afang ah) und die chönd mer mitti dezember go aluege, sie bstelleds extra i eusi filiale.

und am samstig isch no es save the date chärtli cho vo kollege vo eus :-)

planig cha also i die nächst phase gah, hihi