| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 467 .. 932 933 934 935 936 .. 2347 .. 3757
21.11.12 08:17
Daninici10

nicht registriert

 Re: Bräute 2013

Hey Lus

Ou ja du dörfsch ja go chleider aprobiere Chasch di würklich freue druf

Bi mir gohts etz no gnau 30 Täg. Han gar nöd so zit zum nervös si und gross drüber nadenke
Weiss etz nöd ob da guet oder schlecht isch

21.11.12 08:19
Lus

nicht registriert

 Re: Bräute 2013

I gloube das isch guet so, d Nervosität chunnt de no gnue früeh
I chami de aube fasch nümme konzentriere wenni nervös bi, ha richtig Buchweh... Phuuu das git mer wider öppis de
Geschter hani wider nid chönne ischlafe wüui Angscht gha ha, i verwütschi der Termin ufem ZA de nid womer gärn hätte. Ha äxtra ds ZA no agfragt, wenn dasi darf alüte u da hetsimer gschribe, i mües grad sofort telefoniere wenn d Leitige ufdüege, schüsch sigi aues wäg... sehr ufbouend

21.11.12 08:30
Daninici10

nicht registriert

 Re: Bräute 2013

scho? sind die termine döt so rasch weg? i ha au no denkt mir händ sicher keine meh am 21.12. aber sie hän dno 3 termine frei gha. mir händ de letschti gno 15.45

das goht mir ebe au so wenn i nervös. chasch mi fast nüme bruche

nur positiv denke, ihr chömed euen wunschtermin über und am samstig findsch dis chleid
bi gspannt was für eis es wird. chleider ussuche isch scho was vom schönschte a de ganze vorbereitig
21.11.12 08:42
Lus

nicht registriert

 Re: Bräute 2013

Ja da mir nid ime "ordentleche" ZA hürate si di Termine wie warmi Weggli wäg. Und mir müesse eine vode erschte Termine (13.00 oder 13.30) verwütsche, schüsch passts när nid
Jaja i ha d Arbeitskollegin scho vorgwarnet, dasi de am 25.2.2013 am Morge nid asprächbar bi und vorem Tel. hocke oder de sogar frei nime
Ig u nervös si isch e Katastrophe, ha Buchweh, s ischmer schlächt u i mues au 5Minute ga bisle Steue mer das suuuper vor, wede mau ds Brutchleid scho anne hesch
I bi sehr e positiv dänkende Mönsch eigentlech und ja, mir wärde der Termin becho und i wirde hoffentelch mis Chleid finde Weles dases de wird si wirdi hie im Forum aber nid verrate, mi GG isch ou scho bim Stöbere im PC für Hochzytssache hie ufs Forum gstosse

21.11.12 08:44
MsJenaya 

Re: Bräute 2013

@Lus si bi üs ufem Standesamt het ou gseit i müessi de grad a däm Tag sofort wenn dTelefonleitig uf gönge alüte. Will mir amne ussestandort hürate wo me nume 1nisch im Monet e Termin het chani mer scho no vorstelle, dass die 6 Termine schnäll wäg sind. Mir wend im Juli, das isch natürlech no e beliebte Monet. Mir hätte eigentlech no 2 Uswiechdate definiert gha: 2. August, 20 September. Jetz isch aber eso dass dr Trouzüge am 2. August i de Ferie isch und mi GG am 23. grad is Militär muess. Und i ha kei Lust grad 10 Täg uf ihn zverzichte, wenn mer früsch ghürate sind. Drum stiegt jetzt dr Druck dr Termin am 12. Juli zbecho. Süsch müesse mer üs entweder e neue Trouzüge sueche (was mega schad wär) oder i muess mi GG grad nachem Hochzyt la gah....beides ned eso toll.
21.11.12 08:50
Daninici10

nicht registriert

 Re: Bräute 2013

@Lus: goht mir amigs gnau glich
nimmsch extra frei? find i guet denn cha di niemer störe

die manne du denn muesch ja bös ufpasse was schriebsch

@MsJenaya: ah ja denn isch klar bi so wenige termine

Druck eu beide jedefalls ganz fest dumme das ihr eui termine krieged
21.11.12 08:50
schmetterling84 

Re: Bräute 2013

Hallo zämmä

So langsam laufts wieder i dem Forum.. chum aber noni ganz druss öb alles jetzt wieder bim alte isch...

@sterndli
Also mir froge mol s Cathering a was si alles chönnte mitbringe (Tischtiecher, Serviette) ha aber süscht gseh, dass mäh dört wo ig d Stuhlhusse bstell, sehr günstigi Stoffserviette cha ha.. si nid mol gross türer als die Serviette wo so Fliesähnlich si.. Denn würd ig ebe Lila farbigi chaufe... Muess aber no luege... Läufer bstell ig au..

@Lus
oh das tönt jo ganz schlimm mit em Termin für d HZ. Find das eifach verruckt, dass die ZAs nid friehner ihri Termine vergäbe as es halbs Joohr vorher... mir hei euse zum Glück 1 Johr vorher chönne abmache... verstand dini nervosität. ig bi au imemr so nervös wenn ig genau amene bestimmte termin nur das cha mache (ebay auktione und Ticket chaufe isch ganz schlimm bi mir...)
Druck dir denn d Duume wenns sowyt isch...

@me ha hüt z Nacht mega dr Horror Traum gha über mi HZ.... agfange het er do si mir scho am Torte esse gsi.. denn isch dr Beäcker mit dere cho und si isch gar nid sogsi wie ig ha welle, denn ha mi so umme gluegt und dr DJ het gfehlt... dr Saal isch nid dekoriert gsi... und wo dr DJ cho isch isch d Lichtalag ganz mikrig gsi... uii bi ig froh gsi wo ig verwache bi... zum Glück bi ig mit eusem uf dr sichere site.. Guet passiere cha jo immer mol öbis! Aber wird sicher no viel so träum ha.. wie gsehts bi euch us?
21.11.12 08:51
Lus

nicht registriert

 Re: Bräute 2013

I hami so gnärvt dasmer dä Termin erscht 6Monet im vorus cha reserviere. Blöd. I meine, es hanget aues a däm Termin (Restaurant, Apero, Fotograf etc.).
Mir hei itze gseit, wenn mer dä Termin nid verwtüsche luegeni für am gliche Tag im "normale" ZA in Thun. Das wär ou bi üs ir Nöchi und ev. isch dete d Chance grösser füre frei Termin. Es isch haut eifach nid sooooo schön dete.... U schüsch müessemer aues grad aues umdisponiere und e nöie Tag sueche, würd mi grad närve.
Es chäm no es anders "usserordentlechs" ZA i Frag, aber da wär der Termin 1 Wuche vor üsem Wunschtermin, sprich: i müesst dä ja ou früecher reserviere. Aber äbe, 2 Termine reserviere chamer nid... isch doch e Seich

21.11.12 08:55
Lus

nicht registriert

 Re: Bräute 2013

@schmetterling84
Hihi nach sooo eme böse Troum cha ar Hochzyt ja nume aues klappe!! Aui Horrorszenarie hesch ja scho düre itze drum wirds ar Hochzyt scho guet cho

@MsJenaya
I gseh, du hesch öppe die glich Zwickmühli wie ig mit dene Termine! I hoffe sehr, dass dir öie Termin ou verwütschet. S wär ja uu schad wenn dr wäge dessi no müesstet dr Trouzüge wächsle und dass dr früsch agetrout ma grad nachem Hochzyt wäg mues wär ja ganz blöd

21.11.12 08:55
Daninici10

nicht registriert

 Re: Bräute 2013

@Lus: ja i find da au ganz doof. v.a. hürated ja vieli fäng nur standesamtlich. es git ja doch einigi ämter wo scho chasch e jahr vorus reserviere. sött doch überall chli glich si

@schmetterling: ui was träumsch du wieder für sache
du bisch glaub scho nervöser als i

 1 .. 467 .. 932 933 934 935 936 .. 2347 .. 3757
eigentlich   wirklich   eigentli   gspannt   bearbeitet   natürli   schnell   Kollegin   schaffe   Problem   langsam   Hochzit   natürlich   richtig   irgendwie   Zuletzt   himbeer   Zeremonie   vorallem   einfach