jo wied himbeer scho gseit het esch bimer de chleiderchauf sehr nüechtern abgloffe. i denke i ha eifach zvell erwatige gha a de moment. öber all em tv gseht me wie alli brüele wend brut us de kabine uselauft und alli schreie "das esch es! das esch dis chleid" und au em forum lesst me das vell. ond de hani s gfüehl gha das muss doch bimer au so si. i be det gstande, s chleid het mer gfalle, es stoht mer mega guet und de priss esch super gsi. aso hani mini TZ gfrogt, fendsch es guet", ond si "jo es esch super" und i so, oke demfall chaufis. :)
wenn mi jez ame die chline zwiifel öberchöme de denki mer emmer, hey es esch es chleid ond ned meh. em nachhinein werdi die einzig si wo sech as chleid erenneret. em früelig beni anere hochzit iglade gsi, i ha gester müsse d föteli aluege weli ke ahnig meh gha ha wie eres chleid usgseh het. :)
klar för eus fraue esch das mega wechtig, wel mer (meischtens) nome 1mol em lebe es brutchleid alege. aber i probiere trotzdem ned allzu vell bedütig zschenke, wels jo s chleid wörkli nome es chliises detail esch. mengisch eschs schwerig da so zgseh aber i zwenge mi emmer, das echli locker zgseh :)

ui mir gahts genau glich elea. aber ehrlich gseit känni mi ziemlich guet und ich ha gwüsst dass es so wird ablaufe... au im vorfeld isch s chleid nöd s wichtigste gsi für mich. klar muesses guet usgseh, aber ich denk es git mehreri modell wo eim stönd und am schluss muess mer sich eifach für eis entscheide. ich bi froh isch mis jetzt relativ schlicht, will ich würd gern mit de rote schueh und chopfschmuck nochli akzent setze.

ich ha eis agha wo all sooooo super gfunde händ, usser ich. ich ha nöd mal gnau chöne säge warum... aber das isch scho immer so gsi, ich weiss eifach ziemli gnau wasi NÖD wott und susch bini recht flexibel :-)

also ich find euchi chleider uu schön himber und elea :)

elea dis stoht der eifach.. :) i meine wenn me sich im kleid wohlfühlt und eim selber gfallt und es stimmt alles de gets kein grund de ned z kaufe :D

Elea hesch der überleit weg de schuhe ob die glich farb wellsch wie s band? :)


aso wo ich be s kleid go sueche (mis isch ja grad s erste gsi woni probiert ha) hani mi scho bez gfühl wie en prinzessin :)) hihi

haha emma... du machsch das scho richtig. lueg für mich isch eifach wichtig gsi dasi mich cha drin im spiegel aluege und eifach "ja" säge. ich ha bi andere chleider ganz klar chöne "nei" säge, und am schluss bi de letzte entscheidig zwüsche zwei hät denn au no de priis e rolle gspielt.

ich find de hype ums chleid oft mega übertriebe. als wär de tag weniger schön wenn mer nöd s perfekte chleid hät... es git immer irgendwo no es anders wo au schön wär, genauso wies au no locations git, oder anderi farbkonzept, oder anderi bruutfrisure was weiss ich... wenns stimmt, muess mer eifach nägel mit chöpf mache findi. und wenn mer denn no am hochzitstag strahle cha und make up und haar etc. au no gmacht sind isch mer eh die schönst :-)

valey, loschtig dassd frogsch weg de shcueh. be grad vorher rasch ine schuelade go luege. aber die hend nome winterstifel gha, kes einzigspaar pumps! muss auä warte bes em früehlig oder z zöri mol go luege :)
ond du hesch jo au es prinzessine chleid, aso musch i au wine prinzessin füehle :) i dim chleid wördi mi sogar wie cinderella füehle ;)

jö emma, schön hemmer der anschinend de drock echli chöne ne. wenn du dech wohlfüehlsch em chleid onds der guet gfallt und du der chasch vorstelle denne zhürote, denn eschs dis chleid!
i denke ergendeinisch het doch jedi brut mol 5min zwifel a erem chleid, oder ned? vorallem chauft me s chleid monate vor de hochzit und het dementsprechend au monate zit zom sech de chopf dröber zerbreche obs jez s rechtige chleid esch (fraue_hirni halt )

jo i gsehs genau glich wie di himbeer, schloss entli chame a allem zwifle und ebe es geht emmer öpis wo schöner esch.
wenni weder e minute ha woni afo omespenne wege de hochzit, de denki emmer a de moment wo mi frönd me gfrogt het obi en wet hürote ond de beni sooooo glöcklech und denke mer de grad, esch doch egal was es för wii bim apero get, i be so oder so happy!

valey, was het si denn metem alte kleid gmacht? em internet verhcuaft? me wörds nome scho wegem geld röie :)

jo genau för öpis nemsc jo die lüt met zom chleider probiere! i ha mini alllller bescht fröndin metgno (TZ) wo genau de glich gschmack het winich und i ha ere gseit si sel tod ehrlech si, und das esch si au gsi (zom glöck). wen si ned gis wer, i wörd höt no i dem lade stoh und mi vorem spiegel dreieh i bruche öper womer helft und mi i mine entscheidige bestärcht. und wenni zwifel ha de frogi se und si seit grad " nei s chleid esch super ...." und de esch alles weder guet! i denke am beschte eschs au met öperem dröner zrede ond ned monatelang edanke mache, wel das füehrt denn ebe dezue dass me 4 woche vor de hcohzit es neus chleid goht go chaufe!