nicht registriert

@nemo
Was isch de das fürne cheibi Liferadrässe

@Sanis
Ja i ha ou scho gläse mit dene Föteli. I chamer zwar fasch nid vorseue, wie uf sones chlises ding no es Föteli söu Die m&ms si chliner weder die wo mir hie hei oder? ehnder smartiesartig?

http://www.lieferadresse-deutschland.de/

da chasch gratis dir e "adresse" lah irichte. das isch in konstanz, gits aber au i anderne grenzgebiet. de muesch bi dinere bstelltig eifach din name und die adresse mit dinere persöndliche nummere agä und denn wird das deht here glieferet. sobald dases dehte isch chunsch du es mail über und denn chasches innert 2 wuche go abhole. fürs irichte vode adresse zahlsch nüt. nacher wenn dini päckli achömed, de zahlsch je nach grössi vom paket züsche 1 bis 10 euro. die mittelgrosse pack (so wie mini amig) choste so 4-6 euro. also voll freiedlich!! wents nöd i dene zwei wuche schaffsch, denn zahlsch eifach nomal de betrag, aber es wird nöd irgendwie zrugg gschickt oder so.
also eifach e geniali sach!

ah das wär au e möglichkeit, euse TZ isch eh no i de usa vor de hochzit. praktisch... :-)

hmm anstat täfeli oder m und m s hani au scho öberleit so ganz chlini törtli lo zmache wo de jede gast cha hai ne. wer au härzig ond au schläckzüg ond glichzitig chönts au no grad namesschildli si!

Datei-Anhänge

	MHZT%20Rosa%20mit%20Namen%20500%20Pix%20B1.jpg (7x) Mime-Type: image/jpeg, 12 kB
	Unbenannt.png (8x) Mime-Type: image/png, 143 kB
	Unbenannt2.png (9x) Mime-Type: image/png, 169 kB

i ha das gseh bi sweet treat in rupperswil AG.
http://www.sweet-treat.ch/index.cfm?dolp...&title=Als_'_Tischkärtchen'
das esch grad ide nöchi vo eus und mer gfalle die Torte meeegaaa guet. kenne zwar d priise ned aber i het so gern e torte vo dete! ond au die chline törtli send sooo härzig¨! muss mol verbi go und mi erkondige!
jo dasch eigentli grad e gueti frog, wie vell im vorus hender euch omd Torte kömmeret?

nicht registriert

@ela
Wär natürlech super wenn dr die ou grad mit dr grosse Torte zäme chöit bstelle, vilicht gäbs sogar chli rabatt I finde die chline Törtli ganz härzig und ou e spezielli idee !!
Mir wärde üsi Torte grad im Restaurant la mache. Dete chasch ud X Variatione usläse, öb ei oder mehrstöckig und was obe druf wettisch. Für mi mues d Turte vor allem fein si und chli hübsch mues si scho si, aber i wett itze nid grad sones exklusivs Ding (wüu i die nid chönnti aschnide wüus doch z schad isch die z ässe )
Mir wärde auso de im Früehlig wemer wägem ässe gö ga luege das de ou no grad entscheide.