guete morge!
ich ha voll de stress gha am weekend... zweimal usgang, zweimal früeh ufstah wäg zügle und messe-isätz und geburifiire und gester no es raceltte mit 10 persone... bi total uf de felge und das am mäntig morge. wunderbar :-)

ich ha d benachrichtigunge eh abgstellt, aber ich gseh zb i de forumsübersicht das forum nie an erster stell, au wenn öper grad öpis gschribe hät. es isch immer erst sichtbar wenni uf "hochzeitstag" klicke. isch das bi eu au so?

ja hüt abig isch no en geburtstag aber ich bi mer echt am überlegge zum absäge... morn hilfi no anere kollegin bim ipacke, die zügled au no am samstig... am mittwuch gangi anen vip-verkauf bi navyboot... haha voll de stress wieder dasjahr.

euses isch eigentlich no im grüene bereich so wies usgseht. sind halt viel pöste au nonig fix sondern erst gschätzt... guet die grosse sache wüssed mer ja jetzt. aber ich ha no sehr viel deko-ideä :-)

ich ha no e frag... wer vo eu hät e gschänkli-wunschliste im internet und uf wellere website händer das? mir wünsched eus ja nur geld für d flittis, aber ich würd gern die beträg ufteile und es paar bildli hinterlegge demits chli persönlicher wird. das würd no sinn mache wenn das online wär denki, bi 100 gäst wirds chli schwer zum e liste umegeh oder so...