Sali himbeer

Wie viel sind ihr denn? Ich ha innerä anderä Diskusion glese ihr heit euch wellä treffä... Het das klappt? Isch das guet gis? ;-)

ou kei ahnig wie viel das mer gnau sind, es schribed meistens da i dem thread immer chli die gliche, aber es chömed au immer wieder mal neui dezue...

so wie ichs mitübercho ha häts treffe nöd klappt, aber s uswichdatum isch irgendwenn im januar :-)

Guete Abig Zäme

Meld mi au mal wieder. Bin ja ä fliessigi mitleserin aber zum schriebe chumi immer erst am Abig und am WE däzue aber denn isch da inne Mega ruhig

Herzlich Willkomme Steffi84. Wennt möchtsch dörfsch dich gern am Treffe ahschlüsse, es isch aber in Züri und wird am 19.1 stattfinde. Dnn hettemer na ä GwundernaselisteHoi 2013 wo dich chönntsch ihträge, det gsehsch all 2013 Brütlis wenns, wo hüratet

Sust gits HZ Technisch nüd neus, has sehr streng bim schaffe und bin jedes WE unterwegs. Morn gahts ab nach Straßburg an Christchindlimärt mit minere Beste Fründin, freui mi sehr. Dänn ab nächst WE mussi mich denn wieder de Ihladige widme, muss ächli Gas gäh. Denn im Januar möchti mich ufd suechi nach Ring mache. Uiiii denn gahts nur na 6 Mönet

Grüessli

Hihi Lucylu,bi grad zruck vo Strasbourg: isch meeega schööön aber ar*** chalt gsi ha am Wiehnachtsmärt sogar mini Tischdeko für dObe Location gfunde

Hallo Emma13

Ich gang am mentig go ussuche. I freu mi mega. Bi mir chunt mis mami , mi schwö und mi besti fründin mit. Ich bi vor 4wuche mol gsi go schnupperä und ha äs paar chleider chöne probierä. I ha au föteli mache loh, es het ä fotograf dört ka, ich ha aber voll d krise gschobe wo ich die gseh ha. Eifach nur schreklich.... Wo ahne gohsch den du?

Uiiii jaaaa das wär doch na öpis, das Weekend die 1000 Grenze Knacke. Nur doof das ich nachher abfahre uf Straßburg. Aber ebä, meistens läuft ja nöd viel am WE da im Forum. Ich wür gern amigs wieter schriebe am WE, also looossss all wo amigs Ziit händ und Lust sölled doch au mal für die wo nöd dur d' Wuche chönne fliessig schriebe

Ouuu Mime, was Schaffsch denn du??? Jetzt isch würklich meeeeega chalt und es hät ja Mega Schnee anegleit..... Krass!!!!

Hei Steffi: du häsch bi de Gwundernaseliste gschriebe das en Doppelname willsch, das gaht aber abem 1.1.13 nüm will's denn es neus Namensgsetz git!!!! Wellä nimmsch denn? Sust müsstisch na i de nächste drü Wuche Hürate damit de Doppelname chasch ha

Wünsch eui allne en schöne verschneite Samstig!