Ä chlini Frog a alli Brülleträgernine... Werded ehr a euem grosse Tag Kontaklinse träge oder eu e à neui Brülle göne? I ja mer scho ä neui Brülle kauft i dä Farbe vom Chleid bin aber trotzdem am überlege öb i ev Kontaklinse söll inetuä...

Mer seit jo eigentli dass mer sich ned söll gross verändere ar sinere Hochzit....

So no en schöne obe..

Ich bin zwar kei Brülleträgerin aber ich wür wennt immer ä Brülle ahhäsch das au so am HZ mache. Aber wennt sowieso Kontaktlinse ab und zue trägsch machsch das was dir wöhler isch. Verstelle findi ebä nöd so guet...

Yeeeeeaaahhhhh..... Es isch nüd passiert und mir sind uf de 1000 Siete

juhuuu... 1000 siite!

@brille. i haöpe di halb zit e brelle a ond di halb zit lense denne. aber i füehlemi vell höbscher ohni brelle ond i gseh mi au nach johre nonid als brelle trägerin :) has eifch zom schaffe a, aberide freizit dueni emmerd lenseine. aber i wörds somachie wid di wöhler füehlsch. wenn mer selter lense denne het, de füehlt mesech doch ned wohl ade hochzit.

Zuletzt bearbeitet am 09.12.12 21:45

1000 Siite

@Brülle
Ich denk au du setsch so go, wie du bisch und wie du au sunnsch usgsehst.
Ich finds immr schad, wenn Lüt wo sich z. B. im Alltag nit gross use putze denn uf dr Hochzyt plötzlich agmolt si wie e Fastnachtslarve und e Frisur hend wo überhaupt nit passe tuet.
Ich find so goht d Persönlichkeit vrlore.

nicht registriert

Guete More Froue

Wow 1000 Site... und ds Forum steit no Wahnsinn

@Brülletregerinnne
I ha sit dr 4 Klass e Brülle gha u gseh sehr schlächt, so dass i ohni Brülle nid mau e Stäge cha abeloufe ohni dases ohni Chnochebruch ändet Dür das dasi äbe sone höchi Korrektur ha hani haut ou so Fläschebödeli Hami nie würklech wohl gfüeut. Itze trageni sit 5 Jahr usschliesslech Linse und bi happy. I würd aber weni immer no e Brülle hätt nid äxtra fürs Hochzyt linse inedue, das wär ja nümme ig.... Und wemersechs nid so gwöht isch und de plötzlech müeh het unds fat afa bisse.. findi de ou nid luschtig

@me
Mis Wucheändi isch aso dürzoge gsi vo lache, gränne, wuet, truurig si und absolut happy si
Am Fritig am Abe bini ja nam Schaffe hie z Bärn zum Coiffure wo de am HZ zur Trouzügin hei chäm cho Frisiere. I hami ufene entspannende Coiffurebsuech gfröit, usecho isches chli anders Si het suuper gschnitte und gfärbt isch ou ganz e liebi, da gits gar nüt uszetzte. Aber i bi die letschti Kundin gsi (am 15.45!!) und de het d Lehrtochter scho afa putze, um mi Stueuh ume afa suge und fäge etc. I bimer so chli aus Störefried vorcho I ha ds Päckli für mis Gottemeiteli no derbigha und ha das bim Igang deponiert gha bide Jagge. D Cheffin hetsech verabschidet gha, het es paar sache is outo glade gha und isch gange. 40min speter chunnt es Telefon i Salon, öb dä Sack mit de Bebesache er Kundin ghöre Mir isch dr Lade grad abe, hani doch gwüsst i bruche das Gschänkli am Sunnti!! Glücklecherwis wohnt d Cheffin nume 1 Dorf näbe mir und so bini nachem Coiffure heitäselet (ha dr zug zum Glück nume no verwütscht wüuer 2 min. Verspätig gha het), bi hei ga ds Outo sattle und uf Wichtrach gfahre mini Täsche ga hole. Nätterwis hets ja so schön gschneit und isch arschglatt gsi... und es isch ja nid so dass die obe z oberst am Hoger wohne... nei.... I bi eimu heile heicho und bi eifach nume erschlage und kaputt gsi!!
Am Samsti morge hani ja dörfe ga chleider probiere. Bismer hei chönne losfhare isch ou diverses schief gloffe, aber das dueni hie itze nid no lang usfüehre Mir si bim Hostettler Brutmode sehr nätt empfange worde und si zude Brutchleider (aso ig, mini TZ und mis mami). I ha ja z Thun scho es Chleid gfunde gha und i bi drum sehr beruhiget a dä Termin am Samsti. Die hei aso e enormi uswahl ou für grösseri Grössine, i chas nume empfähle!! De hetsi afa Chleider füresueche und bi eim hani scho wosis het fürgno gwüsst: Ouuuuuuuu DAS!!!!!! S hetsech ou bestätiget: i bi drigschlüffe und ha eifach grad gwüsst das das dä schnitt isch womer eifach gfaut. ufem Hüftchnoche geit wie ds Chleid so chli uf das e Spickel füreleugt... es bildli vome ähnleche Chleid dueni de hinde ahänke.
Es isch eifach es Troumchleid, fiine Satinstoff, ds oberteili liecht bestickt, eifach wunderschön, e ganz churzi ganz schlichti Schleppe. Wow, i bi begeisteret gsi! Bi i däm Chleid umegloffe und ufs Schämeli ufe und abe.... eifach WOW!!
De seit d Verkäuferin: Si heig nomau sones Chleid mit em genau gliche Schnitt, eifach chli anders: Bi däm isch ds Oberteili ganz schlicht, defür isch dä spickel wo ds andere nume stoff het hie us spitze.... s het ou vieu die lengeri Schleppe wo uuuuu schön verziert isch. defür isch dr stoff nid ganz so fin u glänzend Das isch eifach ou dr Hammer gsi!!!!!
Mim Mami het ds erste besser gfaue, mire TZ ds zwöite. u i ha plötzlech es komisches gfüeu becho, die zwöi Froue si eifach nid so uscho zäme. d tz het d meinig vo mim mami ganz schlimm gfunde und het nume dr kopf gschüttlet Das het mi so beschäftiget Ud ussag wo mire TZ: Aso wenn si hürati nämm si nume öpper mit, aus andere sigi ja e Katastrophe..." het mi und mis mami rächt troffe. I bi froh um verschideni Meinige gsi, das het üs zum diskutiere und vergliche animiert. We beidi ds gliche Chleid schöner gfunde hätte, de hätti mi äue ehnder la überrede.. weises nid...
I hami de eifach nid chönne entscheide weles Chleid. Mini TZ het das nid chönne verstah. Bim erste hani mi chli wohler gfüeut drinne (het ou dermit z tüe dass sis het chönne zuetue, bim 2. ischs mer z chli gsi und si hets immer müesse häbe hinde), ds 2. Chleid isch aber spezieller und i gseh vieu fiiiner drinne us
d Verkäuferin isch de no los und mit eme Schleier cho Ha de glächlet u gseit: mir hürate "nume" zivil, da isch doch e Schleier total übertribe? si het gseit, mir söu so hürate wies eim gfaui, übertribe sig nüt u wosimer dr Schleier (ca. bis mitti rügge chunnter) het id haar gseckt hani plötzelch gwüsst: Stefanie, itze bisch komplett
Föteli het mer leider nid dörfe mache dete aber d Trouzügin het heimlech hurti 2 Föteli gschosse so dasi daheime chli dr verglich ha gha. I ha itze das übers Wucheändi chli da ruhige und mittlerwile isch klar weles das ds richtige kleid isch: es wird das mit dr Spitze und dr wunderschön verziere, uuu lange schleppe :lov