nicht registriert

Wir haben letztes Jahr geheiratet und dementsprechend wie die meisten genug für die Hochzeit ausgegeben, zudem sind wir auch schon seit einem Jahr Eltern und daher ist das Einkommen geringer geworden. Seit wir Eltern sind können wir leider nicht mehr so viel auf die Seite legen wie früher. Könntet Ihr euch vorstellen in eine kleinere Wohnung zu ziehen was die Quadratmeter betrifft damit mehr Geld für andere Sachen übrig bleibt? Was seid Ihr bereit für die Miete hinzublättern falls Ihr Kinder habt oder mal haben werdet?

Hallo Tino,

Das isch warschiendlich extrem individuell. So wie all die Lebensweg und Lebensstandard wo mer hät. Gits womöglich X-1000! Aber ich chan mir guet vorstelle das mer gern vo andere mal weis wies isch. Mer müsst ja fast mit konkrette Zahle jongliere suscht bringts ja nöt so viel.

Ich glaub wichtigi Frage wo mer sich stelle muss sind:
- Chömmer mit de Ferie zrugschrube, günstiger, nöd immer flüge usw.?
- Wie viel Geld chund ine wenn öpert nöd schaffed bzw. was würded mir gern spare und für was?
- Chömed no meh Chind, wenn ja i wellem Abstand öpe?

Will wenn aktuell keis Chind planed isch und mer sich vom Zügle nöd scheut und mer eifach us "Luxus" e grossi Wohnig het den würdich mich fürs Zügle entscheide und evt. die nächste 2-4 Jahr wo no keis wiiters Chind chund sparre. Das macht ja scho um die 500 CHF pro Monet us.

Aber wie gseit es chund warschiendlich drufah wo mer wohnt ob mer mit de Ortschaft flexible ist... Gits z.B. zwei Auto im Huushalt und wenn ja isches nötig. Isch extrem schwer so izscheze.

Uf jedefall isch mir ganz klar, dass mir den au mal weniger ha werded wenn ich nüme oder nume wenig schaffe. Darum gäbed mir jetzt würklich no Vollgas mit sparre und versueched Eigemittel für es Hüsli asammle. Will ich eifach au nöd wott, dass das mim Schatz sini Ufgab sie wird. Und glich chömmer no id Ferie und grossi Sprüng mache... Hm, ich han jetzt viel Gschmois gschriebe. Weiss garnöd ob das jezzt für dich die erwünschti Antwort isch. Mal luege was suscht no chund...

LG Pfingstrose

Also ich wür ez nöd ine chlineri Wohnig zieh, will es isch ja grad mit Chind extrem wichtig, dass mer gnueg Platz het. Denn würi bi anderem spare, evt nur no eis Auto oder Ferie günstiger gstalte.