@vivala010
Ig cha nume für mi sälber rede.

Ig bi ja nume i eis Gschäft ga Brutchleider luege für mi. Und bi mim Chleid hets würkli grad klick gmacht und ig bi sicher gsi - das isch es.
Schue, Unterwösch etc. bi ig när aber ines anders Brutmodegschäft ga chaufe. Und de ha ig au Angscht gha - was isch jetz we ig no es anders gseh wo mer würd gfalle, ha jo scho bstellt und e azahlig gmacht? Oder we ig eis im Internet gseh wo mer gfallt?

Aber ig bi gar nie i Versuechig cho. Verstah mi nid falsch, mir gfalle ganz vili Brutchleider, aber es isch immer no mis chleid. Und wo ig's de s'erschte mol a gha ha, mit allne Accessoirs, de Schueh und scho liecht abgsteckt - isch au dr chlinschti Zwifel wieder wäg gsi. Und ig bi nume no glücklech gsi.

Liebe Gruess


** verliebt 7.7.1992 * verlobt 16.6.2007 * verheiratet 7.5.2010 **

nicht registriert

@soefeli82 oje... da got glaub vielne brut so.. git au soviel uswahl a chleider gell... ich denkes aber wenn du dis chleid entli dörfsch alege wirsch do ganz anderst si.. usserdem isch dis chleid wunderschön... hett was speziells ;)

@ hexli joo mir gots genau glich han MIS chleid gseh im internet und wonni glesä han das ihre sis mami schniderin isch hani denkt ohhhhhhh nei isch sicho für sie gmacht aber denn hani ihre gschriebe und bin gad happy gsi wonni han erfahre das sis bstellt hett ;)

Zuletzt bearbeitet am 23.04.2010

mer gots genau glich...
ech ben söscht scho en sehr emotionale mönsch... ond etz, i dere vorbereitigsziit ond je nöcher de termin chond, no meh... aber es god au mim partner eso...

mer blibt etz ned emol meh ein monet bes zom hochziit... ond sed ech die "monetsgränze" öberschrette han, schwapped mini gfühl erscht rächt nome no so öber...
ech han zwor kei tagebuech gfüehrt... aber die ziit esch i mer enne no ganz, ganz starch presänt... ond das werd si au blibe... för mech köhrt das zom hochziit, genau wie de tag sälber den au...

zom forum...
es esch wörkli toll, all die verschednige meinige z'läse... die verschednige asechte vo so onderschedleche mönsche ond charaktere... ond es hed mer scho bi einige froge oder einigi mol wo ech agstosse ben, wiiter gholfe...!

ond no als allerlegscht zom chleid...
mer esch es genau glich gange! wo ech mis chleid usgsuecht han, esch es mis TRAUMchleid gsi... es passt perfeket zo mer... ond ech fühl mi wohl drenn ond ech ben i dem chleid au emmer no ech sälber... wenn au chli prinzässinehafter aber je mech infos ech im internet gsuecht ha, je meh beldli vo chleider ech gseh ha oder au do im forum... desto onsecherer ben ech worde... ond plötzlech han i angscht becho vor em aprob termin... aber wo echs den weder akah han, send alli zwiifel wäg gsi... well i eifach weder gmerkt ha, es esch för mech DAS chleid. drom allne wo zwiifel hend... wenns ergendwie möglech esch, gönd s'chleid eifach weder emol go alegge, das macht sooo wahnsennig vell us!

@chichi
der morn ganz en wonderschöne tag... met em wätter hend ehrs jo toll preicht...
gnüss ne in volle zög ond ech hoffe du chasch alles intensiv ond bewusst erläbe.

-- ~ mer verTRAUED üs ~ -- ~ 21.05.2010 ~ --

hallo zäme!

schusseli; das häsch du wunder, wunderschön gschriebe.. hätisch die ziit nid besser chöne beschriebe.. i chan mi da nume aschlüsse u bi froh, händ mer relativ viel fotis gmacht, u vorallem isch die ganz ziit ganz fescht i mim herze.. :-) äs isch ä eimalige ziit, au mit em fründ, eltere u trauzüüge, das ganze mitfiebere u verzelle, isch eifach super! u natürli au sforum, isch lässig hät mer so sini lüüt, wo irrgendwie doch mitfieberet..

chichi; i wünsch der vo herze ganz ä schöni hochziit! gnüss din tag, u swetter macht ja au mit! enjoy your moments!!!

@chichi: söderle churz vorem is bett gah weti der noh mini allerbeschte wünsch mit ufe wäg gäh. durs mitläse und schriibe im forum isch es jedesmal fascht chlih wimmer sälber ade räihe isch :->

gniess morn üche tag - nimm de momänt, d`emotione und all die magie vo dem tag mit in alltag ine. dänke a dich!

guete morge ihr liebe

min schatz schloft no und ich? i gang drum gad no kurz is forum.

wow chichi, du häsch hüt aber en wunderschöne tag verwütscht vom wetter her. ich wird a dich denke!

mues sägä, das forum het mer au sehr viel brocht. nöd nur a tipps, sondern au zum dvorbereitigszit intensiver wohrzneh und nöd mis ganze umfeld mit details nerve wo sie sich gar nöd chönd vorstelle, da niemert hürotet oder scho verhürotet isch. es isch au so schön gsi ade bruttreff zum mol di einzelne gsichter zgseh. ohni forum wär i aber sicher amigs viel weniger perfektionistischer gsi :-) was mengisch sicher au nöd schlecht gsi wär. me chunt eifach teils uf fast zviel idee durs forum.

es hochzit vorbereite isch würkli e uf- und ab-phase. es hät viel schöni moment geh, für mi persönlich, aber au zviel müähsami. abgseh vode sicherlich 100 absage wo i di letschte monet bzgl. location, fotograf, musik etc. becho han, hanis oft sehr schwierig gfunde mich zentscheide obwohl i das sus nie sproblem han. das isch echt asträngend :-) zudem hend mer dur die vorberietige üsi ganz freizit brucht zum umefahre, bastle, zügs aluege etc. und gar nümm viel zit fürenand ha, do chan me no so sägä, me söll es freis weekend ilegge. dwuche druff gits denn eifach umso meh. i hoff so sehr, dass wenn dmusikfrog def. klärt isch, dass es denn mol endli besseret. i han sonen frust gha noch mim brutkleid aprobiere gest (i han mi so druff gfreut gha, will das sicherlich zu de schönere checklistepünkt ghört --> siehe tread schuhe) und bin eifach nur no schlecht druff gsi, dass es mi scho möge hät. mis fazit usde letschte monet bisher isch: entweder nomol es johr warte und e wedding plannerin astelle oder denn eifach im ganz chline rahme wie ursprünglich denkt ide usa hürotet und döt es package neh wo alles däbi isch. so chan me dvorbereitigszit zeme gnüsse und es isch nöd sonen zitliche stress.

a all die wo sich nöd chönd entscheide wägem kleid: i han jo das problem au gha, gest hani möse sägä, bin froh, dass i nöd es anders gnoh han. es isch würkli sehr schön und passt sehr guet zu mir. wenn er zwiflet, gönd halt nomol go anderi kleider alegge oder inen andere lade wo euches villicht au döt hanget. und sus denket eifach: so, jetzt han mi für das kleid entschiede, pasta. wenn me alles hinterfrogt, denn chunt me irgendwenn ufd krise und es macht gar kei freud meh. i het jo im nochhinein au gschider die schueh gno wo i dozmol zerst han wölle neh (aber nei, i han mini neue superschöne möse go umtusche. ui, isch mer das peinlich gsi gest, wo i denn no di andere gholt han und für mis portemonnaie häts mi au gäärgert). i glaub die nöd-entscheide-chönne problem unterstützet das forum natürli. me merkt plötzlich was öppert ander hät und isch sich nümm sicher, me gseht viel me versch. frisure und und und.

er gsehnd, i han momentan nöd gad e jubbel-trubbel-heiter-phase