Guete Morge zäme! Wow , isch das en schöne Tag! Da chönnt mer fast shco chli niidisch werde uf d Chichi! ;) aber nei, ich glaube gaaanz fest dra, das mir alli so bombastisches wätter werded haa!
@Carmile: was isch denn mit dine Schueh? Jetzt chum i gar nümm drus! Du häsch doch dini Schueh scho?! häsch denn jetzt anderi gno?
@Brutchleider: ich lahn mich gar nid in d Versuechig cho. Ich han mir scho vo Afang a gseit, wenn ich mis Kleid han, denn lueg ich kei anderi meh a und so mach is jetzt au! Ich han e riese Freud a mim Chleid und lueges immer wieder a, im Internet und uf de Föteli, wo mir gmacht hend, wo ichs kauft han. Wenn jetzt aber öpper sis Kleid alueged und kei Freud hät, dem würd i au empfehle, doch namal go luege. Oder eifach namal in Lade, und sis Kleid probiere, viellicht änderet mer ja denn d Meinig.
@Hoch-und-Tüf: au ich han die. Im Moment bin i grad inere mir ischs Hochzit glich Phase. Debii sött i no ganz viel Iladige bastle, was i au wirde mache das Weekend, wil sie müend use. Han au min Ring scho uu lang nümm agha.... Aber ich finde, au wenns mal so Phasene git, nid ufgäh und dra dänke, dass mer es wunderschöns Hochziit vor sich hät und mer alles richtig macht!
Gester han ich defür no en Uufsteller gha, vo dem ich eu gern würd brichte. Bin im Depot gsi und han mini Windliechtli wo ich eigentlich scho usgläse han, hinderfräget und jetzt no öppis gfunde, wo mer viel besser gfallt! Han es Bildli in Ahang tue und bin gspanne uf eui Meinige!
Ich wünsche allne es wunderschöns Hochzits-Vorbereitigs-Weekend, die wo händ en tolle Polterabig (bi mir ischs in zwei Wuche sowit) und sust eifach e gueti Ziit und viel Erfolg bi allem, wo ihr tüend!
Hebed Sorg!
die Krönung unserer Liebe am 4.6.2010 und 2.10.2010
Hey Carmile, jetzt han i grad im andere Thread dini Schueh-Gschicht gläse. Oje, tuet mer ja mega leid, d Schueh sind würklich de Hammer! Aber weisch was, du wirsch so oder so e MEga-Bruut sii! Und wie scho gschriebe, die "alte" Schueh chasch ja gäbig no sust alege!
*Drückdich*
die Krönung unserer Liebe am 4.6.2010 und 2.10.2010
oje carmille, loh die ned eso loh abezieh wäge de Schueh. Ech chan der zwar extrem guet nochefühle wie's der momentan gohd, aber he... es send nor Schueh! Du wersch trotz allem en wonderschöni Bruut si... Kopf hoch!
mer händ jetzt wörklech es wahnsenns Wochenänd vor üs. Ei Termin jagt de ander. Wahnsenn! Eigentlech die ganz Woche scho. Letsch Sonntig händ mer de Termin met de Fotographin gha, ond mer send absolut begeischtered vo dere Dame. Mer händ üs diräkt bi de Chele troffe, dass sie sech echli en Idrock chan mache. Ond denn händ mer alles wiitere metenand besproche. Mer send sehr happy! I dere Woche händ mer au no üses zwöite Gspröch met em Theolog gha. Au do chönd mer nor säge: WOW! mer send so glöcklech met ehm ond chönnted üs ned vorstelle, das üs öpper andersch chönnt traue. Mer händ bereits zwe Täg spöter vo ehm per E-Mail en Vorschlag öbercho för de Trauuigssproch. Mer send nor no Träne gloffe woni vorem PC ghocked ben, wells eifach genau uf üs zuegschnette esch ond super schön gschrebe. Hach, ech freu mech riesig druf. Höt händ mer am Nomi no de Termin met em Apéro-Organisator. Mer hürotit i de Schlachtkapälle in Sämpach ond mönd somet s'Restaurant näh wo grad näbedra stoht. Ech han echli bammel devor, well ech grad sovell positivs wie negativs ghört han. Loh mi eifach emol loh öberrasche. Morn händ mer en ruhe Tag ond am Mäntig gohts de wiiter. (Han extra es mega langs Wochenänd, damet mer alli Termine emol chönd wohrnäh). Äbe am Mäntig gönd mer i d'Location go Probetesche ond Deko usprobiere ond aschliessend gon ech go mis Chleid go abstecke. Das esch wahrschiinlech mis Highlight vo allem! :-) Am Ziischtig de no s'Menü uswähle met em Caterer ond de send mer parat. No do ond dete es paar chlini Sächeli baschtle ond denn chas los go! Juhuuu! :-) Osserdem hed de Schatz am Friitig sin Azog poschtet. Chan nor säge: dahinschmelz! är gsehd soooo super us.
Hach, han jetzt üch eifach MÜESSE die ganze Termine verzelle, well ech so freud han, das ech ändlech weder emol es paar meh Högeli uf de "to-do Lischte" chan mache. Osserdem fend ech das Wätter eifach extrem motivierend sech om's Hochziet z'kömmere.
gäll, so wuchene wo eifach alles wie am schnüürli lauft si eifach super! mer händ letscht wuuche au einiges chöne erledige u äs isch super, wie alles gaht.. mer freuet eus natürli sehr, aber au irrgendwie fascht chli schad, wänn mer merkt äs ruckt immer nächer u nächer.. u dä isch äs plötzlich verbi.. :-))
Also unsere letzte Woche war anstrengend aber sehr ergiebig. Folgendes wurde erledigt: Kleid der Braut abgesteckt Bräutigam fertig eingekleidet (schmaaaacht...) Hochzeitsmenu ausgewählt Wein ausgewählt Letzte Abklärungen über Möglichkeiten an der Location Schiff besichtigt, Zuteilung der Räume und Bestuhlung geklärt Deko besprochen Apero bestellt Kleider mit Mutter und Trauzeugin ausgewählt Probefrisur und Make Up gemacht Ablauf der Trauung aufgeschrieben Ja so vieles ist jetzt erledigt. Leider sind auch noch wieder Kostenpunkte aufgekommen (200.- für's umstellen der stühle auf dem Schiff!) und ich muss mir eine neue Kosmetikerin suchen.. Ich war zum Probeschminken und als ich mich ca. 1h später mit meiner Trauzeugin traf, war Sie überzeugt ich hätte mich bereits abgeschminkt, was ich aber nicht hatte..
Habt Ihr manchmal auch genug davon immer und mit allen nur über die Hochzeit zu reden? Eigentlich hatten wir Freitag auf Samstag ein Frauenweekend und ich hatte mich gefreut zwischen den Organisationspunkten mal etwas abzuschalten.. Aber es gibt nur ein Thema.. Ich freue mich wahnsinnig auf die Hochzeit aber manchmal hätte ich gerne ein anderes Thema!
Gestern machte ich einfach mal gar nix und das war super! Aber dann habe ich die ganze Nacht geträumt ich sei am organisieren und studieren und ich habe mich so über mich aufgeregt Nich t mal mehr zwei Monate, juhui!!
uf bini aber froh das es anderne gliich gahd wie mer: ich tröime mängi nacht vo wäis nid was. sprich vo bruutstrüüs i diverse farbe und forme, vom ässe wo nid klapped, irgend süscht öppis womi vorem ischlafe beschäftiged hed. ha aligs s`gfühl, es gid nüd me anders als hochziit. mues zuegäh: mängisch isch mer das def. z`vill und denn chund noh genau das wo du au gschribe hesch. jede wot immer über das thema rede .... isch jo verständlich. mini ladies wend immer ufem nöischte stand sih aber das häisst für mich: x mal s`gliiche verzelle bis es zu de ohre use chund.
aber ich dänke das ghört halt chlih derzue. das isch d`art und wiis wie s`umfäld d`fröid mit üs wot täile. mer chönd üs ja glücklich schätze, hemmer so liebi lüüt um üs ume. und üse trumpf isch das forum: dah chasch jedi noh so banali frag stelle und es fühlt sich niemert gstresst wills öppis mit hürate z`tue hed.
gahd das anderne au so - sprich: mer chund de chopf nur noh schwär frei und irgend öppis gäischtered immer im chopf ume?
@weekend und task erledige: mer hend au de äinti oder anderi punkt chönne erledige. min gg isch jetzt vo obe bis unde sprich bis zu nöie würkli ganz schwarze socke ikläided.
denn hemmer s`chilebüechlih fertig gmacht und hend üs zum letschte mal mit em pianischt troffe. das stahd jetzt also au.
was die wuche ufem programm stahd: . menucharte entwärfe und drucke . namenscharte printe . s`zwöite mal in tanzkurs gah . tischtüecher, serviette, cherzeständer, platztäller def. bstelle . im caterer d`azahl gäscht wo am obig debih sind bestätige . d`ring go hole (oder evt. erscht afangs negscht wuche) . widermal s`budgetblatt update, demit mer de aktuellei zwüschestand hend . 60 meter chiffon-, organza- oder tüllband bsorge (bih noh immer froh um priiswärti tipps) . bim florischt de struus, trauzüginnegsteckt und d`chiledeko go bestätige . probeschminke . koordinations-obig mit üsere wedding-task-force (mer gönd mit üsne hälferli nomal de ganzi tagesplan dure)
jo das wärs öppe - en gwalts lischte wenni das grad so schwarz uf wiis gseh. das häisst auso de fiirobig guet itäile und plane und denn gahd das schoh.
@ Twin: die Windliechtli sind vom Depot Interio und chostet 3.95 pro Stück. Find i völlig okey de Priis. Kerze und de Dekosand chunnsch ja überall über!
die Krönung unserer Liebe am 4.6.2010 und 2.10.2010
Anmelden
)
