Hallo Saerli

Du sprichsch mir us dr Seel.... Leider ischs mini Veralagig, und schlank wird ig eh nie si, und dass will ig au nid. Mis gröschte Problem und au verhängnis isch halt scho, ig iss eifach mega gärn sehr guet. Ig ghör nid zu dä Schoggi freaks oder bruch Siesses, aber bi speziellem Esse (man muess ufhöre vom Esse schriebe, bi doch uf Diät)

Hesch du drmit guet abgnoh?

Bi mir isch das leider s'einzige wo nützt und sit ig mit rauche ufghört ha, het halt s Gwicht zuegnoh.. Aber ebe lieber das als zrauche. Mir gohts hauptsächlich eifach do drum dass ig gsund wett abneh in masse und halt ebe eigentlich eifach drmit ig i mim Traumkleid nid wie ä wisse Schneemaa usgseh bechum jo jetzt scho immer d Krise wenn i Kleider chauf, wie ischs echt denn? Do ig halt (leider) weiss wie ig mit 63 kg usgseh wär ig halt gärn wieder so.. Emel für d Hochzyt...

Uf s einzige wo ig wirklich cha problemlos verzichte isch Meeresfrücht..... und Fleisch reduzierä aber das isch genau das wo du immer dörfsch ässe.

Mi Dag geschter isch guet gange zNacht ha ig mega hunger becho aber bi denn is Bett... Hüt ha ig am Morge kei Hunger meh gha und ha denn ä Fruchtsaft trunke zum uf mini Kohlehydratpünkt zcho. so jetzt muess ig überlege was ig zum Mittag choch.. Dörf jo Kohlehydrat....

Bi euch andere wie lauft dr 2. Dag? Oder Woche oder oder....??

Hallo muus

Bi eus isch es ebe genau glich, mir ässe zobe zämmä und das isch eusi richtigi Mohlzyt.. Mi Schatz schafft körperlich sehr hart dr ganz Dag und denn möcht er zobe öbis rechts... Und ebe... Choch halt jetzt für ihn eifach no Härtöpfel oder Ris drzue!

Bi eus isches au so, dass eusi gmeinsami Mahlzit am Abig wär. Mier lueget halt das mier am Wuchenänd immer chönd zäme ässe und da gönn ich mier dänn amigs au öpis. Kennt öpert gueti Rezept (online, Buech etc.) mit wenig Cholehydrat und Fett aber eher eiwisshaltig?

@ Schmetterling
Bi eus esch es au so... GG het am Obig mega hunger, will er het am Tag ned so dMöglichkeit öpis rächts zEsse und denn chochi halt was zum zNacht. Gester hets Salat und Riis geh... Das goht jo no. Mer ässed scho eher gsund, aber ebe, smeiste het Kohlehydrat dinne.
Aber er brucht au mol en Teller Pasta und do chan ich ned eifach näbedra sitze und öpis liechts ässe, wo ich nach 10 Minute weder hunger ha

I ha im Januar en Lebensmittelvergiftig gha. Das het dezue gfüehrt, dasi en Wuche fast nüt gässe ha, bzw. was ine esch (wenn i öberhaupt was ha chönne ässe), esch grad weder use...
I ha den rächt müesse luege was ich isse, bzw. i ha au ned alles chönne ässe und ha au ned uf alles Lust gha. Ha sehr viel Wasser und Tee trunke und ned viel, defür rächt gsund gässe.
I ha 4kg abgno...
Ein positive Punkt vo dem ganze
Aber i ha alles sit em April weder druffe.......

I ha knapp 57kg bi 1.61 Körpergrössi... Optimal wäred 54kg... Wunschgwicht wär 52kg (Ilusion)
Solang i mi wohl fühle esch jo alles guet. Aber i fühle mi im Moment ned wohl und darum frustets mi, dass es "so schwierig" esch wäg 2-4kg sech so müesse abzrackere wie z.B. dAngi.

@ Angi
Mach der doch kei Gedanke wend 1kg meh oder weniger hesch. Gseht mer das den so guet?? Also bi mer gseht mer da glaub ned.
I verstoh din Frust

@ Muus
Jo Eiwiss esch glaub emmer guet


I glaub grundsätzlich set mer sech eifach im Mass und gsund ernähre. Mer set ned müesse verzichte, aber mer muess Grenze kenne. Vellecht mal chli weniger oder gar kei Butter dra mache, zObe am beste kei Kohlehydrat Esse, defür chli Eiweiss, Süesses am beste nach de Mahlzite und ned zwüschedure und vorallem viiiel trinke.
Was dezue chonnt esch nat. Bewegig... ohni die goht nüt. Do muessi mi ebe au ade Nase neh...

angiyves:

---

Rela:

---

Bi eus isches au so, dass eusi gmeinsami Mahlzit am Abig wär. Mier lueget halt das mier am Wuchenänd immer chönd zäme ässe und da gönn ich mier dänn amigs au öpis. Kennt öpert gueti Rezept (online, Buech etc.) mit wenig Cholehydrat und Fett aber eher eiwisshaltig?

Hani au grad welle froge Also, was het viel Eiwiss???

Hui, dir gäbet aber Gas!

Nur kurz, habe heute viel zu tun: ebalance: Ich hab's schon 2x gemacht, fand es super, v.a. weil man dort mal lernt, was wie viele Kalorien hat (ich war z.B. ziemlich erschrocken, als ich Apfelkuchen durchgerechnet habe - man kann eben auch eigene Rezepte eingeben). Übrigens, es gibt auch einen ebalance-Thread!

LG Muus