Ach so, jo das isch öppis anders. Däne Lüt chasch ganz klar säge, dass si do öppis falsch verstande händ, dass du si gärn bi de Trauig und em Apéro drbi händ aber dass sie Zobe nid drzue ghöred. Das händ die eifach z begriffe.
Bi mir händ sich au vier Lüt als Gladeni agmäldet, wo nid glade gsi wäred. S einte sind d Eltere vo mim Gottibueb mit ihm. Ich ha denn bimene Träffe gseit, ich mües do no öppis piinlichs aspräche zum Thema Hochzit, si händs denn aber sofort begriffe und gmeint, denn freue mir uns uf de Apéro. Und de viert isch eine vo mim Samariterverein, wo nach minere Ufklärig nid ufghört het sich z entschuldige, dass er sich falsch agmolde het onine, är hätt das gar nid so welle.
Schlussändlich müend alli begriffe, wenn ihr eures Fescht im chlinere Rahme mached. Ich mein, bi üs hets denn au scho gheisse, wenn d Göttibuebe vo mim Maa debi sind mües ich min Göttibueb und d Eltere au ilade. Aber ebe, das sind denn wieder zweiehalb Lüt meh, und d Göttibuebe vo mim Maa, hocked zämme mit de andere Gööfis am Chindertisch, zudäm sind d Eltere vo däne Gööfis unseri Trauzüge. Irgendwo mues me halt eifach afange mit de Gränze...

@ speedy

also ech gseh das au so.
i han doh knall herti gränze gsezt.
ech han die ihglade wo mer passed odn die woniw ott gseh, doh heds quer dor s band lüt debih ond lüt eifach ned debih, han nor en teil vo onkle ond tante ihglade, eifach die won ech möchte, vo muetters siite sogar alli 4 bis uf ein brüeder met sinnere frau ond de 3 chend, wenn dä wott doof due seler, esch mer egal. ech wott die 5 ned debih.

mi frönd hed das jetzt ned chönne, er hed eifach denn halt kei onkle ond tante ihglade, als es chrieg ide family gäh hätt, er esch chli heikler met dem.
mer hends möglechscht chli welle bhalte, das hemmer au gschafft met 30 persone.


mer hürotet am 26.06.2010 - i 3 kantön! ;)

Boa neee... liebi Brüüt
Mir hend au zimli müesse siiiible, wer dörf cho und wer nöd. Gwüssi Lüüt hend au gar keis Chärtli übercho. Aber das hät alles sin Grund. Han aber gad das Wkend d Erfahrig zwei mol müesse mache dass sich zwei selber no hend wele zum Apéro iilade. Ganz noch em Motto, hey gäll ihr hüroted, wenn scho wieder? Ah jo stimmt, mer chömed denn au id Chille und an Apéro.
Hmmm... bin gad chli gschockt gsi... Han denn au gseit, dass mer d Chärtli scho es ziitli verschickt hend und nu die Lüüt iiglade sind wo au es Chärtli übercho hend. So isch es, und vorallem sind das so Lüüt wo mer süs nie öpis ghört.

Sicher isch es e ungangnehmi Sach, aber es chämti mir nie in Sinn jrgendwo an es Fescht z goh oder mi selber iizlade... won i doch nöd iiglade bin. z z z


lg zerah


wir heiraten am 21.08.2010

Bis jetzt haben wir zum Glück noch keine solche Reaktionen erhalten. Aber ich denke, dass noch solche kommen werden. Gerade von meinen ehemaligen Nachbarn (dort wo ich aufgewachsen bin und meine Eltern immer noch wohnen). Ich bin mal gespannt...

@ Joene: ich würde diesen Freundinnen auch das Apérokärtli geben. bei uns im Kärtli steht ganz klar "kirchliche Trauung mit anschliessendem Apéro" und ich denke so dürfte klar sein, für was sie eingeladen sind.

_____________________________________
Wir heiraten kirchlich am 4. September 2010