*mitmach*

hihi cool :)

aso ich schrieb mal par tipps ine wo mier grad so in sinn chömed

salatsauce sälber mache!
salat ässe isch gsund, aber meischtens sind fertig-saucene rächt fettig. ich mache mini salatsauce immer sälber:
oliveöl (würkli nur wenig)
himbeeressig
balsamico
blanc battu (http://fddb.info/db/de/lebensmittel/migr...attu_02prozent/)
mit chli wasser verdünne, würze, fertig
mer cha natürlich je nach dem was mer gern hed anderi sache dri due oder öpis weglah


wer gern suppe hed, söll die au sälber mache. grad jetzt wos wider chälter wird isch en gmüessuppe öpis mega feins. ich mach mier immer en riiise pfanne vo dem chönd er die ganz wuche ässe. ich mach d suppe immer so:
zwiebele und chnobli mit ganz wenig öl i de pfanne adünste
gmües dri (mer chan fascht jedes gmües bruche zum suppe mache)
1 - 2 heröpfel dri amits chli dick wird
mit bouillon uffülle bis gmües deckt isch
alles choche, püriere, würze fertig


was mier am afang sehr guet ghulfe hed isch tagebuech füehre und alles gnau ufschribe was ich trunke und gässe han de ganz tag. wenn er das mached, sind würkli ehrlich und schribed alles uf. am beschte isch wenn mer denn hine dra grad no aneschribt was wie vill kalorie hed. am abig zämezelle und denn hender schwarz uf wiss was ier gässe hend. wenn er sport mached dörfeds au mal chli meh kalorie si.
setzed euch am beschte en kalorie-limite und probiered die ned z überschrite.
mit de ziit hed mer im gfühl was mag liide und was ned

Also ich bin na lang nid am ziel, aber ich würd mal en zwischebricht abgeh.

Ich bin 1.73 gross
Novemeber 12 / 126 kg
Juli 13 / 99 kg
sit do leider stagnierend... aber hauptsach nüme 3 stellig :)

Was han ich gmacht:

einersits hanis WW gmacht (Motiviert dur en gueti Kollegin wo miss WW 2012 worde isch), allerdings gahni nid is treffe, ich han mir eifach einisch so es onlineset bstellt (ca. 200.-) und sit do tuni pünktli zelle (statt kalorie). ich tuns mir au ufschribe wie d novia, das hilft das mer gseht was gar nid guet isch und was besser. am afang het mer alles müässe nacherechne ect aber mitlerwile gahts uswendig, und ich han nur na so en zäller zur kontrolle.
kombiniert dezue gahn ich ab und zu zu de ernährigsberater, die git mir au na tipp, und mir treffend amel chli abmachige, woni bis nöchstmal muen ihalte. z.b. 1x i de wuche kai cholehydrat zum znacht.
ich isse leider praktisch kai gmüäs und salat, was die ganz sach chli schwiriger macht.
de 3. punkt isch, das ich 1-2 mal i de wuche is zumba gah, es macht na recht spass und ich merke richtig, wie besser ich mag.

im moment bini eifach chli stillstand plaget, was aber ev. au chli mit minere disziplin z tue het. aber das nid ufegaht, isch es ja nid so tragisch...

es isch min erste versuech gwicht z verlüre (ev. au en grund, warums relativ guet klappet).
es ziitli han ich mich au mit enere OP befasst, durs degege entscheide het's bi mir klick gmacht zum entlich selber öpis mache.

@lela: würkli en super leischtig das scho so vill abgnoh hesch!
ich dänke wenn mit WW und ernährigsberatig scho so vill erfolg gha hesch bisch ufem richtige wäg. so stagnatione sind normal, au wenns frustrierend isch. evt. muesch mit de kalorie nomal chli abecho denn wird s gwicht au wiiter abe gah. und möglichscht vill bewege, au wenns nur chlini sache sind!

das isch mega wichtig was du säisch es muess klick mache. und mer muess es würkli welle susch gahts ned!! bi mier heds vom einte uf de ander tag de schalter umgleit und denn han ich grad gstartet