hey livipivi, danke fürs nahfröge... wie's mir gaht? es gaht mri so ziemlich versch.... also mit em mb gahts einigermasse, han jetzt inere wuche 2 kg abgnoh, obwohl mir am samschtigabig uswärts gsi sind go ässe, aber das hani bruucht und ich hans gnosse und es isch irgendwie mis highlight gsi vo de wuche! han eifach de aschiss, wil ich muess spare und abnäh und mit beidem sind mini lieblingsbeschäftigunge verbunde... somit chani momentan kei ferie bueche, nöd go shoppe und ässe dörfi au nöd, was ich will, das fruschtet! zudem hani geschter schier en zämebruch gha wäge mim papi, er macht mich fertig mit sine problem, chume krise über! ja dementsprechend hani geschter en mega gschissne sunntig gha woni am liebschte öppis feins gässe hetti, aber nei.... bin fascht verhungeret bis zum znacht ja und jetzt hocki wieder im büro und sueche mini motivation! hett no es paar projekt offe, woni sött in agriff näh, aber mit dem aschiss momentan chani mich eifach nöd ufraffe, es isch zum hüüle.... ja und drum suechi verzwiflet jede tag irgend es chlises highlight für mich, andersch gahts nöd momentan! gopf, chans irgendwie eifach nöd si, eigentlich sötts mer ja guet gah, han en liebe maa, gueti fründe, es dach über em chopf und en job... was will ich no meh? hach nei, momentan chan mehs mir eifach nöd rächt mache... aber weisch was? mis highlight die wuche sind definitiv ihr wiiber... ich freu mich so uf de mittwochabig, das wird sicher uh lässig!

und wie gahts dir livipivi? han gläse, din papi hät vo de intensiv dörfe uf die normal station? ich hoffe, er erholt sich guet.... min papi isch leider genau wie diine, er nimmt so züügs immer zwenig ernscht und will grad sofort wieder go schaffe, er chan eifach nöd emal ein tag ruhig bliebe und sich erhole, es isch zum schreie! uf all fäll hoff ich, dass er bald wieder uf de bei isch und igseht, dass er sich jetzt halt e chli muess schone, so e op isch nöd eifach es zuckerschläcke.....

lg nimbini

nicht registriert

Hoi Nimbini

Ach je- das tönt ja echt alles anderi als guet bi dir! Aber isch es ned super das du scho 2Kg weg hesch? ich meine lupf mal 2 Kg das ich mega viel und schwer und du hesch das i so kurzer Ziit gschafft. Isch doch suuuuper !!!

Mit em Schaffe gahts mir au immerna gliech- hüt hani wieder en mega Hänger und bin total unlustig überhaupt en Finger z rüere- vo de andere Stell wo so super würd passe hani na nüt ghört, aber ich weiss das die amel echli lang hend vo minere Schwägerin. Mini ganz Hoffnig liet momentan det. Well söss hets im Moment kei gueti Stelle ume- wo ich passe würde.

ha nur Absage becho. Das macht mich au fix und fertig

Wegem Papi, ja bin u froh das er wieder uf de normale Station isch. Ha mega Angst gha um ihn und anschiinend berechtigt..., was het den din Dad für Problem wo dich au na belastet? Ui das isch mega doof. Ich lah mich au immer vo anderne ihrne Problem so abezieh...

Freu mich riesig uf eu Mädels uf Morn und mir werded sicher en glungnä Abig ha

Hand in Hand... ein Leben lang, seit dem 07.05.2011

nicht registriert

Ja du hesch sicher Recht Tiffany, ich weiss das au- aber je länger das mer nüt ghört desto unrealistischer wirkts uf eim , das doch na was wird...- ich versuure da i dem Job. Bin eifach nüme froh und ufgstellt- wo ich söss doch immer bin. Da gahts mir wie de Nimbini. Dihei und i de Freiziit gahts mir super, aber da.... wie en umdreihti Münze

Ach aber ja, mir chönd üs ja uf morn freue und das isch mega cool- und uf mis super Wucheend im Seedam Plaza Leck s Pur isch s best Resti wo ich je gsi bin, freu mich meeeega druf

Hand in Hand... ein Leben lang, seit dem 07.05.2011

nicht registriert

@livipivi: Mir gohts genau glich.....dihei und i de Freizit gohts mir super...aber do im Büro...*bähhhh*, s löscht mir richtig ab...voll schlimm. Und ebe..ich kenn mi au nöd eso. Oje...bin gspannt, was mir morn alles z bequatsche hend...das isch jo nöd nur s Thema HZ, sondern au MB, de Job usw usw...freu mich scho...mues nur no überlegge, was ich uf de grill schmeisse wot hahahaha

...Today, Tomorrow And Forever...You'll always be my love...8. Oktober 2011

nicht registriert

livipivi: ja das hani ou dänkt. aber mi entschluss MB ds machä, isch no ganz früsch. Hüratä tuä ig im April 2012. I luägä hüt abä mau wi das usgseht, je nach je, verschiäbä ig dr Termin im Butgschäft de grad - wär evtl. scho besser, da mis Wunschgwicht scho 10-15 kg weniger isch aus idsä.

lg

nicht registriert

Livipivi: ja das ha i mir äbä o la sägä. ha scho 8kg abgno, letschd jahr, u ids wott ig no dr räschtä machä. ja das isch viu... isch scho gschider. muäs de ihnä morn alütä. wow, 2 chleidergrössinä mega!

ah oke, vili sägä drum, müglächscht früäch - isch chli äs hin und här. aber i ha ja no zyt. dankä dir für dä tipp. lg