Maaaaaannn, chum isch mer e Wuche wäg, isch de gueti Ruef au scho dahin !

Also d Tiffany-Girl findets nöd schlimm, wämme am Wuchenänd nur zweimal isst, sie findets nur schlimm, wämme innerhalb von weniger als 5 Stund isst, ich glaube, mir händ Eus deet emal missverstande gha !

Uf all Fäll gratulier ich Euch allne zu Eune Fortschritt und Erfolg, das isch ja super, Mädels!

Mir sind e Wuche ide Provence gsi, und ich säg Eu, die Geisse- und Schafschäs - seufz, en Traum! Und die händ au massig söttig, wo nöd geisseled, da merkt mer gar nöd, dass es nöd Chuemilch isch!

Müend jetzt aber nöd meine, ich heig die ganz Ziit brav gässe, oh nei, ich han gschlemmt ... Drum gits für mich die nöchschte drüü Wuche während de Arbetswuche wieder Phase 2, zum de Körper wieder chli entgifte, ussert am Wuchenänd, will die nöchschte drüü Weekends hämmer drüü Hochziite aagseit - haha, die letscht wär dänn Eusi !

@PrinzessinN: Ja, bi mir isch d Mängi Chäs au gliichvill wie d Mängi Tofu. Falls es doch mal söttisch welle probiere - in Sojasauce marinierts Tofu isch gar nöd so schlächt... Aber mer muess es scho rächt lang mariniere, am beschte en Tag... Und heisst das bi Dir würkli "Schummelmahlziit"? Bi mir heisst Schlemmermahlziit, findi au besser, das mit em "Schummel" macht eim doch grad es schlächts Gwüsse ...

LG,

Tiffany-Girl

Wir beginnen unsere schönste Reise am 16. / 17. September 2011

nicht registriert

@Tiffany-Girl: Ich han mini Phase 2 ohni Öl super überstande und i dene zwei Wuche 1.8 KG abgno. Gester bini uf de Woog gstande und han gseh, dass ich trotz Pizza & Muffin vo de Schnubel (übrigens, de isch cheibe fein gsi) am Samstig, nomol abgno han . S 5i isch nur no ca. 2 kg wit entfernt vom jetzige Gwicht *freu*

Ähhhmmm nei, du hesch natürlich recht...es heisst Schlemmermahlzit

Han e Frog...isch Phase 3 nöd s gliche wie Phase 2, eifach mit meh Lebensmittel? Wil du jetzt seisch, du machsch Phase 2 i de nächste drü Wuche...chume nöd so ganz drus. Bin bis jetzt jo no nie i de Phase 3 gsi

Finds aber scho Mol guet, wil ich gwüssi Lebensmittel esse dörf, woni vorher nöd gha han. Freu mi druf.

Und viellicht probier ich das mit em Tofu nomol...aber de letschti Versuech isch e Katastrophe gsi *brrr*

...Today, Tomorrow And Forever...You'll always be my love...8. Oktober 2011

nicht registriert

Gell, ich bin au stolz uf mich. Und das, obwohl ich mir meh wie die 3 Tasse Kaffi mit Milch pro Tag gönne.

Ach so, das hani gar nöd gwüsst. Denn mueni bi dene Lebensmittel wo dezue chömet luege, ob ich die verträge. Obwohl...glaube nöd, dass die mir nöd guet tue werdet...sind feini Sache

De Unterschied isch au d Schlemmermahlzit. Das ist e grossi Änderig gegenüber de Phase 2. Aber ich han gfunde...bin vor dene zwei strenge Wuche scho ewigs i de Phase 2 umetümplet...jetzt gohni direkt is 3 ine...

Und i de Phase 3 tueni witerhin d Lebensmittel abwäge. Irgendwie hani das nöd so im Griff, wenn ichs ohni Woog mache söt. Isch mir lieber so. Und au d Kohlehydrat tueni nöd erhöhe. Han gmerkt, dass mir das langet...ich han en Bürojob und bewege micht nöd gross...do bruchi glaub echt nö meh Kohlehydrat.

Wichtig isch, ich fühl mich mega wohl...me merkt scho, dass es eim guet tuet. Gester Obig hani z.B. es Magnum Glace gesse...und das isch mir nochher irgendwie total schräg im Mage glege...wird das jetzt eher nüme esse...das het mir nöd guet tue...schad eigentlich

Wie lang bliebt me denn i de Phase 3 und was isch d Phase 4?

Sorry, wenn ich so froge...aber es interessiert mich und ich wot wüsse, ab wenn me denn wieder "normal" esse dörf....und was me berücksichtige muen, damit me d Ernährig dauerhaft umgstellt het.



...Today, Tomorrow And Forever...You'll always be my love...8. Oktober 2011

nicht registriert

Oh je livipivi, gohts dir mit de Medis nonig besser? Bisch aber nid am schaffe,oder??
Ich hoff, dass de gli wieder fit bisch und du hüt au no ans Vorstelligsgspröch kasch go!
Druck dir dr Dume!

Ich bi im Momänt so unzfriede. "Grummel, grummel"
Sit däm kilo wo ich in de Ferie zuegnoh han, fühl ich mi sooooo dick und unwohl.
Gestert Zoobe han ich mit minere Kollegin abgmacht, eigentlich ganz unkompliziert in dr Stadt zum öbbis trinke. Ich bi sicher e halb Stund vorem Spiegel und em Kleiderkaste gstande und ha nid gwüsst was a zieh!!
Has Gfühl bi jedem T-shirt seht me mini Schwümmring (nei, nid ich has Gfühl, es isch so!!!!)
Ich kas kum abwarte bis MB bi mir afoht, aber das goht jetzt no 2 Mönet... Ich hoff eifach nid, dass ich jetzt no Frust iss! Ha ich sunst no nie ka...
Ich hoff mini inneri Zicke goht gli wäg, ich mag mi nid so wenn ich so bin...

Lg, dia

....unser Traumtag war am 21.5.2011...

@dia: Häsch scho mal das versuecht, wo d livipivi vorem Hochziit gmacht hätt, nämli Kohlehydrat starch reduziere oder wäglah? Das bringt scho mal vill, und mer fühlt sich au relativ gschnäll besser, im Sinn vo weniger ufdunse und so... Und im Übrige isches würkli so, mer gseht sälber Sache, wo anderi gar nöd bemerked!

LG,

Tiffany-Girl

Wir beginnen unsere schönste Reise am 16. / 17. September 2011

Weisch, nur scho reduziere bringt vill, mueschs ja nöd ganz wäglah!

LG,

Tiffany-Girl

Wir beginnen unsere schönste Reise am 16. / 17. September 2011