nicht registriert

Ich ha so schomol 8kg abgnoh, au keini Kohlehydrate me gässe. Ich ha das wieder welle probiere und s letzte mol hets gar nid klappt... Wieso au immer¨
Jetzt bin ich wieder dra (nume nid so konsequent) aber es passiert glich nid viel...
Ich hass es wenn ich lueg und mach und me seht kei Resultat, denn gits ebbe immer wieder mol e frustässe!
Viellicht isch es die Wuche eifach bsunders närvig und blöd, do mich d Tante Rosa kunnt ko bsueche..
Nägst Wuche sehts viellicht scho wieder anders us und isch gaaar nüm sooo schlimm!


....unser Traumtag war am 21.5.2011...

Ok, dänn vergiss es die Wuche doch, dänn isch mer doch eh immer gbläht und eh nöd guet druff - und wirsch gseh, mit MB gahts dänn würkli besser, dänn stellsch ja wie gseit de ganz Stoffwächsel um, und dänn fühlsch Dich allgemein mega guet!

LG,

Tiffany-Girl

Wir beginnen unsere schönste Reise am 16. / 17. September 2011

Oh livipivi, tuet mer so leid! Aber wie gseit, chan mir nöd vorstelle, wie das sötti dur MB verursacht sii, wänd luegsch, wie die einzelne Type entstönd...

Chasch s Gspröch dänn verschiebe?

LG,

Tiffany-Girl

Wir beginnen unsere schönste Reise am 16. / 17. September 2011

@dia, ja das känn ich, vor de mens hani au immer eso grausami glüscht, isch bi mir letscht wuche so gsi! ich glaube, dem chasch eh nöd vorbüüge, wie tiffany-girl seit, versuechs ab nächst wuche! und vor allem am abig d'kohlehydrat weglah nützt bi mir am meischte.... wänns dich beruhigt, mri gahts momentan au eso, ich han no s'ganze gsicht volle mit pickel und pustle, das hani ja früehner nie gha, woni no pille gnoh han und drum magi mich momentan au chum im spiegel aluege.... aber ja, es chömed au wieder besseri zyte ;o)

@livipivi, ich dänke nöd, dass dini gastritis vo mb chunnt, aber uzschlüsse isch es sicher nöd! kollegin vo mir hät au mb gmacht und so 2 mönät nachdem sie agfange hät, hät sie allergie übercho und dänn hät meh bi ihre e laktose-intoleranz feschtgstellt und das obwohl sie gemäss mb hät dörfe chuehmilch-produkt zu sich näh?! drum bini mir ebe nöd zu 100% sicher, ob dänn das immer alles eso wunderbar isch, wo det uf dene plän drufstaht! sie isch jetzt au ziemlich am liide, es hät sie mega bös verwütscht....

lg nimbini

nicht registriert

@Tiffany: Ja ha chöne uf de Do verschiebe- weisch eigentlich wett ich de Job gar ned- isch nämlich bim Zahni. Aber er tönt nett und ich wett eifach mal go luege!

@Nimbini: Ja ich dörf ja e kei chuemilch- eigentlich dörf ich nur Züg wo ich au söss scho gesse han und det hets mir au ned gschadet..., also ich persönlich chan fast ned dra glaube das es vo MB isch. Aber ebe, de Arzt het gseit es gäbi Lüt wo afällig seged bim Mage. Da ich letzt Jahr drü Gschwür gha han, chans scho si das es mich jetzt eifach wieder verwütscht het.
Ich glaube eher das es de psychisch Stress wegem Job isch.

Hand in Hand... ein Leben lang, seit dem 07.05.2011

@Tiffany-Girl, ja ich finds au rächt krass wäge minere Kollegin, es gaht ihre mega schlächt und sie hät durch das ganze dänn schlussendlich no irgendwie 10kg zuegnoh, sie hät die ganz ernährig wieder müesse umstelle und de mb-plan hät sie chönne knicke..... ich persönlich dänke jetzt au nöd, dass die gastritis vo dem chunnt, aber untersueche lah würd ichs trotzdem emal, villicht gits es paar lebensmittel, wo das chönnted begünstige?! ich han kei ahnig....

pille hani afang april abgsetzt, also vor 5 mönät! mit mim streuselchueche gsicht chumi schier krise über, zudem hani no so juckendi chopfhuut die ganz zyt, obwohl mini haare durchs absetzte eher zu fettig sind, mega komisch! und liiiide muess ich die erschte zwei täg während minere mens, es isch echt horror!

@livipivi, ich gange au devo us, dass es bi dir vo dem ganze psychische stress chunnt, aber abkläre würd ich's trotzdem! bisch es arms.... ich hoffe, dass die medis bald aschlönd und du dich wieder besser fühlsch!