Hallo metenand,

Ech ha jetzt scho es paar mol i andernä Themenä gläse, dass vo eu au scho es paar wirrs Züg vo de Hochziit träumt händ. Darom hani dänkt ich mach jetzt do mol es seperats Thema för schrägi Träum uf.
Wär no witzig wenn ehr do vo üchnä komischä, loschtigä oder au weniger loschtigä Träum rund um dHochziit wörded verzellä....

Ech mach soscht grad mol de Afang:
Ha letschti vo minerä Hochziit träumt, aso gnauer vom Zivile ond es send meeeeeega vell Lüüt det gsi (obwohl mer am Zivile werkli nor met de Familie düend fiirä). Ond ech ha ganz es komischs Chleid agha. Alli händ gseit, wow du gsehsch de super us und händ mech bewondered... Ich ha jo au werkli "traumhaft" usgseh Ha es wiisses, langs Chleid agha, wo vore offe gsi esch, aso wie en Mantel ond dronter hani schwarzi Leggins agha, en silbrigä Glitzer-Mini ond es buchfreis silbrigs Glitzer-Top Ond ich ha zu allne gseit, das sig so es Hammer-Chleid, well am Chirchlichä chön ichs de eifach zuemache vore ond de hebi es richtigs Hochziits-Chleid, mann, be ech stolz gsi uf mis 2 in 1 Hochziits-Chleid
Wo ech de ufgwacht be hani eifach nor no müessä lache....

Zuletzt bearbeitet am 01.07.2010

...han au grad müesse lache

ich han vor es paar wuche au en komische, für mich würkli fascht scho en albtraum gha

s`bruutkleidgschäft hät aglüted, ich chöni verbii cho für en abstecktermin, s`chleid segi cho. ich bin völlig us em hüsli gsi und han mini 2 lüüt zäme trummled, wo dänn ebe au mitchömed. komischerwiis sind dänn plötzli uh viel lüüt i däm gschäft gstande. das wär ja no gange. dänn chunt verkäuferin mit eme kleid, won ich NÖD bstellt han - es beige/bruuns öpis, zwar s`gliiche modell, aber ebe farb isch ganz gruusig gsi und es isch au so i fetzä abeghanged - grausam.... dänn hani gseit, das hegi so nöd bstellt wodruff verkäuferi behauptet doch das hegi und gaht go dä vertrag usähole wo genau das druffstaht. ich het sie chöne schüttle die frau...
bin froh gsi woni verwached bin


******* Zivil: 27.08.10 & Kirchlich: 4.09.10 *******

ich habe letzthin geträumt, dass ich einen schwarzen BH unters kleid angezogen habe weil ich irgendwie vergessen habe den trägerlosen mitzunehmen.

dann habe ich noch geträumt, dass unsere ringe nicht bereit waren am hochzeitstag und der theologe der ganzen gesellschaft gesagt hat, dass jetzt eigentlich der ringtausch wäre aber da die ringe nicht fertig wurden fällt das jetzt weg. wir hatten aber abgemacht, dass er nichts dazu sagt und sind dann völlig blöd da gestanden.

und dann habe ich noch von einem kind geträumt das am abend nur geschrien hat beim nachtessen.

würde gerne mal träumen von was schönem das gut geklappt hat.
------------------------------------------------------------------------
10/01/10 und 28/08/10

Zuletzt bearbeitet am 01.07.2010

hey mini

ui, du chasch jetzt scho nümm guet schlofe? :-)

i han eifach immer wieder mol so träum. jedi nacht es anders thema. bevor i zum coiffeur bin god hoor schön töne und schnide hani träumt sie heb mer en bob gschnitte. han am morge fast en afall kriegt, will i langi hoor han.

will momentan soviel lauft, bini am obet eh immer todmüäd und schlof guet und schnell i. sus würdi chli go sport mache und am obet a di frisch luft, denn schlofsch au stärker, nöd?

i glaub de traum mit em fehlende kleid etc. chunt denn bi mir no :-()

grüesslis

nicht registriert

Puh ich habe auch schon ein paar mal schräg geträumt.

Was ich regelmässig vor wichtigen Anlässen träume ist dass ich zu spät dran bin oder dass etwas ganz wichtiges Fehlt aber da bin ich scheinbar ja wenigstens die Einzigste

Und letzthin habe ich geträumt dass meine Schleppe irgentwo eingeklemmt ist und ich ein total zerrissenen Rock hatte. Horror.
Ich mache mir auch jetzt schon Sorgen um Rotweinflecken

Lg Belle


Wir feiern das Fest unseres Lebens 28.05.2011