| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Tag vor der Hochzeit
 1
08.04.09 16:00
maju 

Tag vor der Hochzeit

Hoi zäme
mi nähm mau wunger, was dir so am Tag vorem Hochzyt machet. I bi im Moment no vou am schaffe u ha mänggisch gar nid zyt zur Rueh z cho! u drum ha i mir überleit, dr Tag vorem Hochzyt, ouso am 1. Mai, mit mim Schatz irgendwo ufene Berg ga z mörgele oder uf d Schiff oder süsch eifach öpis gmüethlichs zäme z mache, damit mir üs chöi gmeinsam bewusst wärde, das dr Tag druf üse gross Tag isch u mir zäme chöi fiebere
was machet dir?
mir hürate am 02.05.2009
08.04.09 16:05
Piglet 

Re: Tag vor der Hochzeit

Mer händ vor, dass mer beidi dr Tag vorhär ou frei näme. Genau os däm Grond dass me chli cha abefahre ond sech of dä grossi Tag istöue.
E fende das en super Idee met emne chline Usflog!
08.04.09 16:07
Schoseli 

Re: Tag vor der Hochzeit

Hi

aso mir möchid au en gmüetlich morge, met eme feine zmorgen uf dä terrasse,
je nach wetter!
am Nomi go ech met dä kollegine go dä ruhm dekoriere! und am Obig
dömer denn eifach no gmüetlich dä hei verbringe mete eme feine Znacht!
be mer no am öber lege ob ech för üs no en Paartnermassage sell organisiere

jo das met em Berg oder ufs Schiff währ jo mega gmüetlich!

LG
08.04.09 16:10
Frangipani 

Re: Tag vor der Hochzeit

Ich cha leider nöd freineh am tag vor de hochziit... aber ich gange eifach chli früener, und gang dänn no id manicüre und pedicüre. am abig werded mir au eifach no en gmüetliche abig dehei verbringe.
min Maa hät dä tag vor de hochziit aber frei, und wir sich dänn no um die chline sache kümmere wie tischkärtli is restaurant bringe, etc.
08.04.09 16:50
Snoopeldy 

Re: Tag vor der Hochzeit

Ich habe sogar die ganze Woche vor der Hochzeit frei Wir haben das Zivile plus die kirchliche Hochzeit in der selben Woche und wollten das Ganze in Ruhe angehen können.

So haben wir genügend Zeit - für letzte Vorbereitungen, Verschönerungen bei der Kosmetikerin und auch noch gemütliches Zusammensein und Einstimmung auf den grossen Tag!


*** ~~~ *** ~~~ *** ~~~ *** ~~~ *** ~~~ ***
unsere neverending story nimmt am 5.9.09 eine neue Wendung.
08.04.09 17:19
sabo 

Re: Tag vor der Hochzeit

ich han än tag vor äm hochzig no sooooo viel z'tuä: Kosmetikerin, Hochzigsturte hole und is Resti bringe, Chile mit dä Florischtin go schmücke....
däfür machi am Dunnschtig au no frei, und dänn wirdi hoffentli dä Tag bitz chönne gnüsse

!!Am 06. Juni 2009 ist unser Tag!!
08.04.09 19:26
Yasi 

Re: Tag vor der Hochzeit

mir händ am Tag vor de kirchliche Hochzig no die zivili Trauuig. mir wärde sicher en lockere morge ha und am Nomittag isch denn Trauuig. am Obig tüend mir mit oisne Liebschte im Garte grille. jede nimmt en Salat mit und mir mached ois en gmüetliche. aber spötestens am 9 am obig müend denn all hei, damit mir no Zyyt für ois händ.

es Früehstück ufem Schiff wär also würkli no e Idee. wohned jo am See. mol luege...

Mir froied ois extrem fescht uf oises Hochzig am 1. August 2009!
09.04.09 09:38
dodo1 

Re: Tag vor der Hochzeit

Mir hend szvilie und kirchle hochziit au i dä gliche wuche gha und hend nur bis am Dzischtig gschaffet. Am Mittwuch hemer na all die chline Sache erledigt (Tischchärtli is Rest. bringe, Geld wechsle fürd Flitterwuche, mis Kleid go hole etc). Hends aber mega gmüetlich gno. Am Dunstig morge bin ich zum Coiffeur, am Namittag ischs Zivilie gsi. Am Fritig sind min Ma und ich ganz gmüetlich zäme go usrite am spate morge, hend dä Stall für eus gha und hends eifach chöne gnüsse. Dänn simer natürli früeh is bett, dass mer am Samstig lang fit gsi sind....

Ich bin froh gsi, hemer scho ab em Mittwuch frei gha, hend aus Zivile i volle Züg chöne gnüsse!

Grüessli dodo1

glücklich verhüratet sit em 14. Juni 2008
09.04.09 09:51
Schoseli 

Re: Tag vor der Hochzeit

Hallo Dodo

esch no loschtig be üs esch es genau glich wie be euch, vom mittwoch e wäg frei, denn
gömer Decko, Tischtücher usw. in Saal go bringe, am do morgen zum Coiffeur, am
do nomi s zivile, am fritig no chli gmüetlich nä, und am sa hemer die wiess hochzit

Heiraten am 20.08.2009 & 22.08.2009
09.04.09 10:22
dodo1 

Re: Tag vor der Hochzeit

Hallo Schoseli

Ich bin würkli mega froh, dass mers mit dä Freitäg so hend chöne mache
Mir hends Hochziit i volle Züg chöne gnüsse, will mer natürli 3 Täg vorher hend chöne usschlafe Vorallem dä Fritig hät eus guet tue....Nach em zivile dä ersti Täg offiziell Ma und Frau und eifach nur mir zwei zäme....Es isch genial gsi...

Gnüsses, die täg gönd vill zschnell verbi und so gli hät di dä Alltag wieder!

Grüessli dodo1

glücklich verhüratet sit em 14. Juni 2008
 1
Hochzeit   verhüratet   Zusammensein   Florischtin   kirchliche   Einstimmung   Kosmetikerin   Vorbereitungen   gmüetlich   Verschönerungen   tischkärtli   Tischtücher   neverending   Paartnermassage   hochziit   Flitterwuche   Hochzigsturte   Tischchärtli   gmüetliche   gemütliches