| was söll mä do sägä... |
|
|
1 2
|
13.08.09 11:01
silver83 
|
was söll mä do sägä...
hey ihr, bin gad so öpis vu wüetig, und trurig und überhaupt
han hüt no schnell ä alti schuelfründin troffä und will mier üs so sälte gsehn und sie immer igschnappt isch, wenn sie öpis nid gad sofort erfahrt, han i denkt säg ärä dass mier nechts johr im herbst hüroten. dorufhi hät sie u komisch tue und den hät sie gseid öb ich mier das überleid hegi, schliessli hegen mier jo scho kürotä und das seg doch gar nümmä nötig! (ich findä aber scho!!!)
und den wo ich ihr erklärt han, wiso mier etz nid gad noch em zivilä ghürote hen hät sie gfundä ich mechi en fehler, schlissli chöng mä nu eimol wiis in der chirchä hürotä und da jo min ma der ersti gsi seg (bin mit ihm zämä sit i 16i bin) wöll ich sicher no mol en andärä und scheide seg jo den nid so nä sach... HALLO was lauft!!!
ich han gar nümmä gwüsst was sägä, so öpis han i etz also würkli nid erwartet. bin so enttüscht vu ihrä, am liebstä will i sie gar nümä iladä, was hät den sie? mier kennen üs scho sid 15 johr, han eigentli denkt, dass sie sich für mich freut
sorry, aber was würen ihr machä? ich han gar kei lust meh mit ihrä zredä oder si zgseh
Sid am 13.02.2009 verhürotet und am 02.10.2010 isch üserä grossi tag
|
|
|
|
|
|
|
|
13.08.09 11:31
Sposina
|
Re: was söll mä do sägä...
Hoi Silver
Also ganz ehrlichgseit.. so wis tönt esch sie ja ned en sehr gueti Kollegin vo dir und kennt dich au ned/nöm so guet, schösch wörd sie jo wösse wie gross euchi Liebi isch?
Ich wör glaub nomol met ehre rede, well i dere Situation bisch glaub nor baff gsi und hesch gar ned gross öpis usebrocht! Wenn sie wiiterhen dere Meinig esch und so "blöd" duet, wörd ich säge, wenn sie das ned akzeptiert und sooo schrecklich fendet, muess sie gar ned cho! Und denn wörd ich au de Kontakt abbreche.. aber velech het sie au eifach nor e schlächte Tag gha oder het päch met de Männer, iversöchtig??
|
|
|
|
13.08.09 12:34
Snoopeldy
|
Re: was söll mä do sägä...
ich sag da nur: wer einem kein Glück gönnen kann, ist es nicht wert, deine Freundin zu sein. Ich bin in solchen Sachen ziemlich konsequent, meine Freundeskreis ist deshalb "klein, aber fein".
Warum sich über jemanden Gedanken machen, der etwas schlecht macht, was dir am Herzen liegt? Freundschaftliche Kritik - die sollte erlaubt sein - sieht definitiv anders aus.
*** ~~~ *** ~~~ *** ~~~ *** ~~~ *** ~~~ ***
unsere Geschichte nimmt am 3./5.9.09 eine neue Wendung.
|
|
|
|
13.08.09 13:18
souris
|
Re: was söll mä do sägä...
Oh nei, das sisch ned würklich das, wo mer sich wünscht. Staht dir denn die Person nah? Wenn ja, würd ich onbedingt nomal mit ihre rede ond ihre säge, dass dich das sehr verletzt het. wenn ned, denn lass sie doch eifach rede. Ich würd sie denn aber au ned a s'Hochziit ilade (höchstens für de Apéro) ond de Kontakt au ischlaffe lah. So öppis würd ich ned würklich als Fründin bezeichne, eher als Bekannti, ned??
Verstah scho, dass dich das verletzt het, aber ich würd mich jetzt eifach nor no mit Fründe öber s'Hochziit onterhalte, wo dich guet verstönd.
Ond übrigens, ich finde das uh schön, dass ihr euch nach eme Jahr i de Chile s'Jawort gehnd... 
Liebe Gruess
souris
|
|
|
|
13.08.09 13:30
Dinchen
|
Re: was söll mä do sägä...
Ich weiss, so Sache mached eim alig wahnsinnig veruckt aber probier dier das nid so z Härze z näh. Du wirsch wahrschindlich no es paar Mal bis zum Hochziet ine sone Situation cho wo du vo "Fründe" enttüscht wirsch.
Ich würd sie "nur" a Apéro ilade. Es isch natürlich schwierig abzschätze wie vill sie dier bedüted. Ich würd d Energie nidemal verschwende um mit ihre z Gspräch z sueche, sondern würd sie eifach sie lah. Aber schlussendlich machsch eifach am Beschte das wo dier s Buchgfühl seid... chund scho guet. 
Zivil 09.09.09 - Kirchlich 12.09.09
|
|
|
|
13.08.09 15:00
silver83
|
Re: was söll mä do sägä...
dankä für euri antwortä. ich etz mol drübert "gässä"obwohl mier nid so derno gsi sich... und han mier au no so mini gedankä gmacht. ich werd si etz eifach lo si. mier tüen im februar diladigä usälo und wen sie sich bis den meldet und entschuldigt den chan sie cho, wenn sie meind ich lauf ihrä nomol no, den ischs das gsi. ich han kein fehler gmacht, ämel nid dass i wüsst.
@Piglet
di meistä wüssen scho, dass mier no vor hen wiis zhürotä. nu dä termin hen mier nu nid bekannt ge. sie hät das au gwüsst ka, dass ich no gärn wür in der chirchä hürotä. ja, das mit em scheidä isch au so en riesä brockä gsi, an denkt mä jo nid wen mä hürotä will
mier sind etz den 10 johr zämä und ich findä au nid, dass ich mich in irgenteinärä form muess rächtferigä. aber ich probiers etz mol zvergässä und sie eifach machä zlo.
@Sposina
ja, mier hen sid öpä 2 johr nümmä so viel kontakt. aber sie sött mich jo kennä und wüssä, dass mier nid nu so hüroten.
@Snoopeldy
ja, mit kritik hät i au keis problem. aber das isch echt zwit gangä, drum söll sie sich etz mäldä, han suscht au kei lust meh uf fründschaft mit ihrä. han au nid so en risä fründeskreis, eigentli nu lüt wo mier richtig am härzä liggen, sie isch sid längerem nümmä so wichtig gsi für mich, aber glich han i si no gern und hett nid denkt dass sie so tuet
@Souris
früener isch si mier scho sehr nöch gsi, aber zitä endern sich und mier hen nümmä söviel mitänand gmacht und ich han ihrä au nümä alles gad wöllä verzellä. den isch sie amigs igschnapt gsi und drum han is ihrä hüt gseid, dass sie sich nid wieder "verstossä" fühlt.
mier findes au u schön das mier nomol hüroten, den sind di chlinä 2 au scho grösser und chön chli meh vum fäst ha.
@Dinchen
es got mier etz scho chli besser, dä ersti schock isch verbi. ich denkä mier werdes etz au nümmä bsunders guet ha mitänand, denn wie chan sie so nes verhaltä erklärä...ich lon sie au lo si, mol luegä öb öpis chund
Dankä viel mol, hät nu scho guet tue dä frust wägzschribä
Sid am 13.02.2009 verhürotet und am 02.10.2010 isch üserä grossi tag
|
|
|
|
15.08.09 21:03
Schaninicht registriert
|
Re: was söll mä do sägä...
tha, also die wär mer grad rechtig cho. fröndin hi oder här, vo mer wörd die kei iladig becho, das esch secher!
verliebt 23.04.06/verlobt 14.02.09/verheiratet 10.07.10
|
|
|
|
|
|
15.08.09 21:19
Schaninicht registriert
|
Re: was söll mä do sägä...
ech ben zwar scho deför, das mer gradus sini meinig seid, au wenns halt mängisch verletztend esch. aber mer sött halt au chönne abwäge, öbs ombendegt eso wechtig esch sini meinig z'chond tue. ond wenn mer lediglich us ifersocht (chan ehres verhalte nor eso beschriebe) eso reagiert, sött mer wenigschtens en aständige ton preiche, ond sini gedanke au agmässe chönne usdütsche ond erchläre.
silver, du machsch da scho rechtig. wenn dis härz ond dini gfühl säged nöö, die sell bliebe wo sie esch, denn werd sie ned iglade ond söscht chasch ehre emmer no es apero-chärtli schecke.
oder im nochhinein: wir haben geheiratet.... 
verliebt 23.04.06/verlobt 14.02.09/verheiratet 10.07.10
|
|
|
|
|
|
1 2
|
Anmelden
