Us Wirtschafleche Gründ, Schwangerschaft, Chind oder eifach wils Liebi isch u ihr öich sicher sit?

Das würd mi mal interessiere!

Also mir hei ja scho zwöi Chind si läbe aber ersch 3 1/2 Jahr zäme. Vili i üsem Umfäld finde Hürate unsinnig oder maches nume wäg de Stüre...... einigi belächles o das mir üs 2 jahr zyt näme üsi Hochzyt z'plane. Aber i finde grad di Vorbereitigs zyt u schön u füehle mi grad widr wi frisch verliebt :-)

Mir hürate nume wäg dr Liebi u sicher o wäg de Chind?

lg Bluemefee

nicht registriert

Also mir hürate au us Liebi und will mir sicher i dä nächschte 2-3 Jahr au Chind wänd wo dä gliich Name träged wie mir beidi. Bin da na rächt konservativ igstellt...


unser Liebesglück wird am 04. September 2010 gekrönt...

Mer hürote natürlech us Liebi ond well mer das Verspräche, för emmer zäme z blibe ond enand z onderstötze ond z liebe för alli wend sechtbar mache (indem mer hürote). Das met de Stüre esch debi eifach en guete Näbeeffekt. Mer wörde aber ou hürot, wenn sech das stürtechnisch voll schlächt wörd uswerke. De Zitponkt hemmer jetzt gwählt, wel mer üs ab jetzt en Fameli chönd vorstelle. Ond zom dä Schrett i üsem Läbe gebührend z eröffne, startemer met de Hochzit
I fends voll onverständlech, wemmer en Hochzit ond d Freud druf he belächlet! Das esch doch eifach öpis mega schöns womer jedem muess gönne! Ech cha aber ou alli die ned so versto, wo nor wäg de Stüre hürote. Das set doch ned de primäri Grond si. So wie en Schwangerschaft ned set de Grond för ne Ehe si.