Hoi zäme!

Das chunt mer alles so bekannt vor....

Mir hend au so kollege gha (jetzt ebe nüme kollege....). Mir hend euses Hochzitsdatum au über es Jahr vorher bekannt gä und d'Iladige hemer au zimli gli verschickt. Dänn häts doch tatsächlich so "kollege" gä wo sich weder a- no abgmäldet hend....Womer nachgfröget hend, häts dänn plötzli gheisse, "oh tschuldigung bi im wk drum chömed mer nöd" oder "oh ich wot unbedingt a nes hochziit wo 2 wuche vor euem isch, drum muesi a euem hochziit ferie näh, wills nacher nüme gaht", etc. Hät mi au mega ufgregt. Klar das andere Hochzit isch au vomene Päärli gsi, vo dä entsprechende Clique gsi, wo mir aber sowieso nöd iglade hend, will mer einfach zwenig kontakt gha hend. Und usserdem hend die ihres Hochzit lang nach eus bekannt gä.

Es regt mi jetzt na uf, will ich dänkt ha, das siged würkli gueti kollege und dänn das....

Sit eusem Hochziit hemer praktisch kei Kontakt meh mit der Clique....Ich finds schad, aber ebe es nützt eh nüt....

Ich chan eu drum nur zu guet verstah....

Da mir ebe na es sehr ziitufwändigs Hobby hend, isch euse Fründeschreis eh zimli chli....
Jänu, jetzt isch er halt na chliner worde, defür chömer eus uf die Fründe verlah....

es grüessli
dodo1

glücklich verhüratet sit em 14. Juni 2008

Mer wösse noni wemmer zivil hürote. Aber mer dänke au e Wuche vorhär, well 1 Tag vorher fendi chli schad, wel i be so altmodisch dass mer d Nacht vorem krichliche Hochziit getrennt verbringe, de chömmers ned richtig gnüsse! :-)

Ja das Forum esch wörkli genial!! Bin scho süchtig :-)

hallo liebi fraue

ich hoffe ich mach mich jetzt nid grad unbeliebt...
ich verstahne dproblematik irgendwie nid so ganz... schlussendlich isch jedes päärli sich selber am nöchschte und entscheidet weniger oder meh spontan das hürate wänd und i dem moment suecht sich jedes paar es geeignets datum us, wänn anderi päärli hüratet, babys überchömed usw. isch doch bi säbere entscheidig absolut zweitrangig,.. oder händ ihr all eui hochziitsdate nach *de andere* bekannte/no unbekannte events grichtet ? (rundi geburtstäg, anderi hochziite, geburte, verlobige...???)
ich säge, irgendöppis isch immer, plötzli isch trauzügin schwanger, oder de brüeder/d'schwöschter hüratet no oder was au immer. ich persönlich (tschuldigung möcht niemert agriffe) findes bitzli e egoistischi ussag zsäge *es isch euses jahr* und nacher gärgered drüber zsi wänns für anderi au *dene ihres jahr isch*. schlussendlich hät jedes päärli i jedem jahr sini eigete *spezielle date/fäschtli* oder so und dänn find ichs bitz befremdend wämmer das sini kollege/bekannte nid au mag gönne...? ich weiss nid, viellicht gsehn ich das eifach zu locker aber schlussendlich isches *euse tag* und nüt anders und wär vorher oder nacher hüratet tangiert doch mis hochziit nid im gringschte...?

viellicht händ ja anderi päärli scho viel früener wie ihr afange plane händs aber halt erscht nach eu bekannt geh willses no chli als süesses gheimnis aglueged händ...?

was ich hingege chan navollzieh isch das biespiel (glaub vo de surri gsi) das dkollegin am gliche ort hüratet... aber au nur insofern will ich pers. nie e location gwählt hett wo bereits öpper usem fründes-chreis ghürate/gfiired hät.. anderschtume dänkich aber das du dich eher chöntisch geehrt fühle für die guet wahl wo du troffe häsch.. und schäme (sofern sich überhaupt öpper muess) müsst sich ja dänn eher dini kollegin wänn sie dich kopiert... oder?

sorry für die direkte wort aber ich han dänkt ich duen mal de ander blickwinkel probiere ufzzeige.. ich findes nid schlimm teiled mir euses hochziitsjahr no mit andere, im gägeteil - mer händ en tolle ustusch zwüsched enand und freued eus gägesiitig fürenand.. eusi hochziits-hochsaison chan cho...

hy surri

...ich chan en gwüsse teil sehr nahvollzieh das eim das mag, vorallem wills für dich e bedütig hät aber ich denke glich, das du dich würklich chasch geehrt fühle und ich chan dir schwöre, au wänn sie dich probiert zkopiere, ihr werdet um 360° es anders hochziit ha.. eues blibt ja trotzdem einzigartig und de unterschiid, mached eui gescht, eues ässe etc. sgaht wiiter das ihr es anders päärli sind, en andere tagesablauf, anderi trauzüüge und nid zletscht du es anders chleid wirsch ha... drum... probiers easy zgseh, au ihr werdet ja nid die erschte sii wo die location gwählt händ...
wasi chli denäbed finde sind die blöde kommentär vonere, aber da wür i uf durchzug stelle au wänns viellicht weh macht wänn sie so sache seit... du machsches richtig wänn ihre usem wäg gahsch....

liebi grüessli calla