hi schani

jo gäll es goht immer schneller ume dzit. häsch es mengisch au dass dusse umelaufsch und am liebste de ganze welt würdsch sägä dass hürotisch und sherz fast en luftsprung macht :-)?

glichzitig regt me sich au viel me uf wie wenn me nöd ide vorbereitige steckt.

du häsch zivile am nögste mi? denn denki a di, i hans am do.

wiiterfieber ;-))

lach, carmile, ganz genau eso gohts mer mängisch au.
ech ben jetzt grad vorhähr mis chleid go abhole, ond denn no schnell uf d'poscht. hät am liebschte dere dame bim schalter gseid: wössed sie was ech im auto han? MIS HOCHZIETSCHLEID! *big smile*

Es passt wie en zwöiti huut, es esch eifach perfekt.
momentan beni nonig eso ufgregt ond nervös. oder besser gseid nömme!
das lieht aber do dra, dass ech no so vell im gschäft muess mache, well ech jo denn zwe woche ferie han.

momentan esch es eifach eso: ech freu mech wie es chlises chend uf wiehnachte, gebortstag ond oschtere. eifach alles zäme. wahnsenns, schöns gfühl!

jo ganz genau am mettwoch händ mer s'zivilische. das wärded mer aber im ganz chline rahme phalte. lediglech d'famelie werd debi si. aschliessend gönd mer be üs deheime go grilliere.
ben scho rächt gspannt druf, wie das werd ablaufe. mer händ weder musig no söscht öppis agäh, was mer gärn hättid. mer lönd üs eifach loh öberrasche. mer hätted alles welle ganz leger mache, well mer jo denn de samschtig druf s'grosse fäscht händ.

verliebt 23.04.2006/verlobt 14.02.2009/verheiratet 10.07.2010

Hey liebi Brüütlis

i bi ou na so eini wo am 10.7.2010 hüratet! aber im momänt hani absolut kei ziit zum nervös si, ha nämli grad en schlimmi angina i ligge im näschtli! zum glück hei mir s zivile scho hinder üs, siit letscht friitig si mir jetz offiziell verhüratet! aber s grosse fescht (u für üs de wichtigeri teil) steit üs ja na bevor! mir freued üs so riisig! hoffe nume, dass i jetz na a aues dänke!!

Grüessli au aui 10.7.10 brüütlis u hey, i gloube immer na dra, dass für üs d sunne schiint!!!!

Es isch würkli so, dass dZiit unglaublich schnell vorbiigoht. DVerlobigsziit gnüssi au in volle Züüg :)

Mis Chleid hanget bi de Trauzügin dehei und mir händ no es paar Sache besproche, was no muess entschide werde und was no gmacht werde muess. Leider hani im Gschäft recht vil ztue und da min Maa die Wuche in Norwege xi isch, hani au nöd sehr vil Ziit für mich ka. Hüt Obig chunt er aber wieder zrugg und denn muessi nur no bis nächschte Mäntig schaffe (die händ mr no dringendi Sitzige ineghaue, wo nöd die Wuche dureführbar xi sind ) Nocher hani au 4 Täg Ferie und mir chönd di letschte paar Sache erledige
Nervös bini au nöd. Es isch alles so surreal im Moment, ich glaub es wird mi erscht verwütsche, wenni am Trauort stand, wo min Maa uf mich wartet.
Apropos Trauort: mim Maa wird e verdunkleti Brille ufgsetzt, bisi bim Gang aachume, wils so en wiite Wäg isch bis zu de Gsellschaft. Erscht, wenn mir parat sind und dBruutführer aafanget laufe, wird ihm dBrülle entfernt. Und, er weiss vo dem nüt hihihihihi *freu*

##Zivil am 10 Juni 2010 -- Trauung am 10 Juli 2010##

morning zeme

ui hüt morge bini jetzt gad chli nervös worde. mis kleid fürs zivil, wo schatzi scho kennt, hangt dusse und i han gseit..wow, hüt inere wuche isch üses zivile. gad chli en emotionale lied gsi, do chunt im radio no sones dusel-lied und i han denkt, läck, i bin denn sicher unendlich nervös.

gest hend mer glaub um di drü stund alles üsne helferlis abgeh, erkklärt. sind 10 blätter worde mit materialliste, plän etc. mer hend soviel chlini sächelis am hochzit dass ifroh bin dass mer soviel helfer a dem tag hend, sus hettets kei chance. isch nur scho en riese koordinationsufwand zum sganz technische equipment, kerzeständer, dekozügs döt uebringe, will alles soviel platz brucht.

hüt kümmere i mi mol ums gschenkli für min liebste wo er am hochzit krieg und denn muesi no e rundi abschlussarbet investiere, möcht bis zum hochzit di erst etappe ha und mol chönne sägä über was i schrib.

schös tägli eu allne, grüesslis

So liäbi Mädels

Ich warte ez uf min Polterobig, kei Ahnig wenn sie chömed. Min Maa seit immer er weiss nöd, öb er das verrote darf. Uusgschlofe hani, aber bi immerno kaputt vo de ganze Wuche und chli Chopfweh hani au. DHitz chönt drum es Problem sii... Jänu, do hoffi eifach, dass dMädels an alles denkt händ und denn chunts guet :)

Grüässli an alli und i meld mi ab für hüt. Morn chunt denn de Bricht :)

##Zivil am 10 Juni 2010 -- Trauung am 10 Juli 2010##