| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
10.07.2010
 1 2 3 4 5 6
03.07.10 10:59
Julybride 

Re: 10.07.2010

Viel Spass eu allne a de diverse Polteröbig...bi mir is hüt au so wiit! halbi füfi parat stoh..uiuiuiii..


*10.07.2010 - nach 11 Jahren trauen wir uns endlich!
03.07.10 15:15
ManuThom

nicht registriert

 Re: 10.07.2010

... bi mir au, wird so langsam chli nervös. muess no bis am 6i warte!!!

eu au ganz viel spass und blibet suber

lg


Wir heiraten am 7. August 2010 und freuen uns riesig darauf!!!
03.07.10 15:33
Franziska

nicht registriert

 Re: 10.07.2010

Wönsche deer mega vel spass, lg Franziska

26. Juni 2010, der schönste tag....
05.07.10 08:13
cosmologia 

Re: 10.07.2010

Bi mir ischs toll xi. Bi Polterabend isch de Bricht drin (Erdbeeriger Polterabend). Ich hät mrs nöd besser wünsche chöne!!

2 anderi hani xeh ka, isch das öber vo eu xi? Freu mi uf dBrichtlis!!

Grüässli an alli
##Zivil am 10 Juni 2010 -- Trauung am 10 Juli 2010##
06.07.10 18:48
cosmologia 

Re: 10.07.2010

Hüt und gescht simmer recht erfolgriich xi bi de Erledigung vo verschiedene offene Pünkt.

- DLischte vo de Fotogruppene sind gmacht
- mir händ de Taxi für dNacht organisiert,
- es Hotelzimmer isch au reserviert für min Maa am Fritigobig
- mini Schueh bini am iilaufe
- sGschenk für min Maa isch bereitgstellt und versteckt, hihihihihihi
- die verschiedene Aabüter wüssed wänn sie was müend liefere und i wellem Uusmass
- die verschiedene Aafahrtswäge inkl. Parkplatzsuechi hämmer gmacht und werdet hüt no de Gäscht wiitergleitet
- de Rase isch tatsächli gmeiht und je nach Hitz hämmer 2 verschiedene Optione zum dTrauig durezfüehre
- Coiffeurtermin am Samstig vor de Hochziit

Es stönd no es paar Details no uus
- Ziitplan für mich und dBruutjungfere am Samstigmorge wer wänn drachunt für dFrisur und sMake-up
- Bargeld abhebe
- Ziitplan für min Maa, wänn er wo muess sii am Samstig zum dStrüüss abzhole und helfe alles fertig zmache

Lang gohts nümme und ich freu mi würkli sehr uf üsi wiiss Hochziit am Samstig.

Wie xehts bi eu uus?

Lg,
cosmologia


##Zivil am 10 Juni 2010 -- Trauung am 10 Juli 2010##
07.07.10 08:48
Franziska

nicht registriert

 Re: 10.07.2010

Liebi Brütlis,
i, wönsche euch en onvergässleche Tag. Deer händ anschinend s gliche Wätterglöck we meer am 26. Juni gha händ, mega........

WICHTIG: Vergässed ned euch i zgreme, SONNEBRAND- GFOHR!!!!!!
I dänke megafescht a euch ond freue meh of d Brecht ond d Föttelis.....
Lg Franziska
26. Juni 2010,unser schönster tag....
07.07.10 15:03
cosmologia 

Re: 10.07.2010

Danke für de Tipp! Sunnecreme isch natürli ganz wichtig. I dem Sinn hani no e Frog für dich, Franziska: wie häsch du das gmacht mitem Make-up? Häsch du zerscht no Sunnecreme druftue oder nüt is Gsicht tue? Bi gad e chli verwirrt....

Lg

##Zivil am 10 Juni 2010 -- Trauung am 10 Juli 2010##
07.07.10 15:09
sheilyn 

Re: 10.07.2010

i han extra sonnecreme metgnoh ah üsem schöne tag.

aber i han kei ihgstreche. i hasse (sonne-)creme allgemein!
ond han denn kei ihgstreche, de glänzt mer au emmer so doof ond esch so kläbrig. i hasse das.

sonnebrand hani am tag nochär nor werkli ganz miniiiiiiiiim gseh im decolte.
das hani in chauf gnoh. miide t sonne jo söscht emmer :)


gli gli mini 10.07.10 brüt!!!

wönsch üch de schönschti tag öberhaupt!


.oO°Oo..26.06.2010..oO°Oo.
07.07.10 15:46
Franziska

nicht registriert

 Re: 10.07.2010

@cosmolgia, ich habe von der Freundin eine spezielle Sonnencreme mit hohem Schutzfaktor bekommen die wir zuerst aufgetragen haben, danach haben wir ne Kaffepause gemacht und dann machte die Kosmetikerin das make up.
War super, ich hab mich kein bisschen verbrannt. Andere Gäste schon....

Lg Franziska
26. Juni 2010, unser schönste tag.....
07.07.10 15:53
cosmologia 

Re: 10.07.2010

Vile Dank für die wertvolle Tipps. Ich werds nämli gad wiiterleite a mini hübsche Bruutjungfere, demit au sie sich nöd verbrenned. DSunne brennt nämli heiss im Moment

Wenns so schön bliibt wie jetzt, denn werde mr es Plätzli im Schatte sueche für dTrauig. Ich möcht ja selber nöd en Hitzetod erleide und ich möcht au nöd, dass sich dGäscht müend de heisse Sunne uusgsetzt sii. Mir händ gescht die riise Waldliächtig erkundet zur gliiche Ziit, wie dTrauig stattfindet und händ üs dMöglichkeite aaluegt. Ich chans aber nöd gnueg säge, ich freu mi meeeega

##Zivil am 10 Juni 2010 -- Trauung am 10 Juli 2010##
 1 2 3 4 5 6
verantwortliche   Wettervorhersage   wahrscheinlich   Trauung   HOCHZIETSCHLEID   Parkplatzsuechi   koordinationsaufwand   koordinationsufwand   verschiedene   cosmologia   onvergässleche   masterarbeitsstress   3-mol-uf-Holz-chlopfe   optimistisch-bin   kirchenbüchlein   Photogruppenliste   smile-bis-hinder-beidi-Ohre   Congratulations   erinnerungsmail   schlussendlich