Hallo zäme

Gits Brüt die wie ich im 2009 hürote und in dr Region Basel wohne? Ich närv ebe glaub scho dr ganz Fründeskreis und würd mi freue, über ä glichgsinnti us dr Region. Mir sin ebe die erste wo hürote und es isch im Moment au bi niemertem plant.

Griessli
Manu

---------------------------------
16.05.2009 isch unsere Tag

Hallo Manu

Ich kumm au us dr Region Basel und ich ha mi scho gfrogt öb z'Basel überhaupt öbber hürotet. Bi mir sin glaub au alli scho e bitzli gnärvt . Wär au froh, wenn imi mit öbberem könnt ustusche wo in der gliche Situation isch wie ich.
Ich find dass me in Basel un Umgäbig rächt wenig finde duet wo mit Hürote ztue het (Brutläde, etc.)
Wüsset dir scho, wo dir hürote dien?

Liebi Griessli


Editiert 21.07.08

Hallo Sylvie

Super freu mi, dass es doch no öpper git. Mir sin halt scho no ä chli früeh dra, wills jo erst näggst Johr isch, aber bi mir gohts doch nüm ganz 10 Mönet und do dörf meh glaubs scho am plane si. Ich ha ebe au chli sGfüehl gha, dass es niemerts us dr Region git.
So Brutläde etc. gits nid wirklich viel. Ich gang denn evt. mol in Domino Brautmode in Lörrach. Ä Kollegin het vo dort ä Hammerkleid gha, wo au zahlbar gsi isch.

Mir hürote zivil ufem Schloss Angenstein. Wenn und wo hürotet ihr?

@arinas
Ich wünsch euch jetzt scho am 16.08.08 ä traumhafte Tag.

---------------------------------
16.05.2009 isch unsere Tag

Guete Morge

Bi mir gohts no e bitz länger als bi dr Manu. mir hürote am 27.06.09 kirchlich in Schönebuech und s'Fest hämmer in Bad Schaueburg.
Schön, Schloss Angestein. Das wär au no e Option gsi, isch aber scho usbuecht gsi.

Ha au scho dänkt, dass i mol nach Dütschland es Kleid gang go sueche. Am liebste würd i jo jetzt scho go, aber das isch doch glaub e bitzli frieh. Mulhouse wär sunsch ev. au no e Option. D'Ring bstelle mir über e amerikanischi Sitte im Internet. Ha vo dört scho dr Verlobigsring. Lohnt sich mit em Dollarkurs wirklich.

Mir sin ebbe mit em plane scho rächt wit. über d'hälfti vo de Gäst kunnt us em Usland, und die miesse das natürlich rächtzittig wüsse.

Hey, arinas, bi dir gohts jo nümme lang. Hän dir scho alles fertig organisiert? Hän dir e Hochzytstorte? Wenn jo, wo hän der die lo mache? Ich ha mi mol so erkundigt aber irgendiewie überzügt mi nüd so rächt.

LG

Hallo zämme

I wohne zwar nümmi im Ruum Basel aber au nit so wit weg! Mir hürote aber au im Ruum Basel und zwar i Bubendorf! Ihr sit jo scho richtig witt. Mir händ efangs d' Location und s' Catering.
Wägem Brutchleid, i gang endi August i Münchenstein goh luege dört cha me se au miete. ( Cinderella)

Kennet ihr e freie Theolog?
E gueti Sängerin?

Wär mega froh um Hilf!

Liebs Grüssli

nicht registriert

Hallo Zämme

I bi au ä Brut usem Rum BL/BS. hürote duen i dä Oktober.

@ surri
wo i gseh ha, dass Du is Cinderella willsch go, han i dängt, jetzt muess i mi amälde.
Wenn i Di wär, würd i das nid mache. und au nach Lörrach go luege.
i bi ebe ändi März mis Chleid go ussueche. Has ebe vom Cinderella. d Verkäuferin isch zwar sehr nätt gsi, aber i ha mi Chleid bis hüt nonig. Obwohl s gheisse het, es gechi nur 3 Mönet.
Am Tel. düen sie mi immer um 2 Wuche vertröschte...

Ha eifach dängt, i due dir das mol mitteile...i mein es muess jo nid bi allne glich laufe......