| Bräute aus dem Kanton Bern....?? |
|
|
1 2 3 4 5
|
21.01.08 15:43
arinas 
|
Re: Bräute aus dem Kanton Bern....??
Hallo zäme
Ig bi letschts Wucheänd ar MariNatal in Basel gsi. Mir hei vor allem für Ringe welle luege und üs süsch chli lah inspiriere. Alles in allem ischs nid schlächt gsi, aber het nid so viel Ussteller gha, wie ni mir das vorgstellt ha. Bi gspannt, wie dir d Usstellig findet.
LG, arinas
|
|
|
|
|
|
21.01.08 20:15
muuus
|
Re: Bräute aus dem Kanton Bern....??
Hoi zäme..
Das erstunt mi jetzt das in Basel nid so viel Ussteller het gha. So wie ig im Internet gseh ha, gits in Bern doch no rächt viel Ussteller, und vorallem viel verschiednigs... lömer üs la überrasche, wird sicher interessant zum verglich... Ig ga am Samschtig mit mim Schatz, är lädelet ou nid so super gärn, aber so für Hochzyt het bis jetzt ging viel Geduld zeigt...
Bi üs wird Hochzyt öpe im gliche Rahme si, mir gö ines Schützehuus ga fiire, mit Grillplausch, Salatbuffet usw. Tüe aber alles sälber organisiere, Partyservice heimer zersch ou welle, aber da heimer glich no nid rächt das gfunde wo üs zueseit, drum machemer öpe grad alles sälber...
Findes no cool nid ging ines Rest sondern ou mal ame andere ort ufene anderi Art...
Mir si vo Interlaken....und dir?
Uh ja für ä passendi Bluemedeko muessi ouno luege, öpis eifachs und glich söts würkig ha. Was hesch so für Idee füre Brutstruss?
Machet dir ou es Ballonwettfliegen?
|
|
|
|
22.01.08 06:59
arinas
|
Re: Bräute aus dem Kanton Bern....??
Hallo muuus
Muesch de i däm Fall verzelle, wie du d MariNatal gfunge hesch und ob's vorem Rhomberg-Stand ou so ne riese Schlange het gha...:-). Dr Kurz het ou wunderschöni Ringe, vorallem die us Platin (wird denn aber sofort tüür...).
I bi vo Burgdorf, aber hürate nid da...
Würd ou gärn öppis mit Ballön mache, müesse das de mal mit üsne Trouzüge bespräche.
Liebe Gruess
arinas
|
|
|
|
22.01.08 08:06
Sibylle
|
Re: Bräute aus dem Kanton Bern....??
puh, no 137 tag bis zum grosse tag:-)
chas chum erwarte und glich bruchemer dje zyt no zum vorbereite bis denn!
mir wohe z unterramsern im bucheggberg kanton solothurn, i bi z bätterkinden ufgwachse dasch öppe ir nächi womä kennt kanton BE.
bügle z burgdorf, arinas wo hüratet dir de?
si jitz am fotograf luege und wunschbuech umegäh, und vorallem flitterwuche ussueche, heit dir öich scho entschiede?
lg
daniel & sibylle 19.01.01= 30.05.2008 / 07.06.2008
|
|
|
|
22.01.08 08:13
arinas
|
Re: Bräute aus dem Kanton Bern....??
Ciao Sybille
Wo schaffsch de du? Mir hürate im Fricktal, im ne chline härzige Ort und vor allem ire mega schöne Chile.
Fotograf hei mir shco sit lengerer Zyt buecht, ha mi da relativ schwierig ta und es hätt es paar gäh, die si scho usbuecht gsi. Aber denn ha ni e super Fotografin gfunde, mir träffe se nächscht Wuche grad, zum Mal Probefotos mache (wo mer denn grad für d Iladigschärtli chöi bruche).
Hochzytsreis hei mir ou scho buecht, es geit uf Safari und anschliessend Badeferie...fröie mi mega!! Und dir, wo göht dir ane?
LG arinas
|
|
|
|
22.01.08 08:25
Sibylle
|
Re: Bräute aus dem Kanton Bern....??
Guete morge arinas!
Bi MPA ir praxis vom dr. künzle und dr. odermatt.
schaffisch du ou z burgdorf?
fricktal isch sicher ou schön!
mir si am katalög und internetsite vo dä maledive am aluege, i dänke da mir när familiplän hei machemer dje reis besser jitz wiu mit chind isch das gloub nid e gäbigi destination.
uf safari simer mau im 2003 in kenya gsi mit badeferien isch es erlebniswärt uf au fäu!
sy am luege mitere fotografin vo fraubrunne und dir?
daniel & sibylle 19.01.01= 30.05.2008 / 07.06.2008
|
|
|
|
22.01.08 08:38
arinas
|
Re: Bräute aus dem Kanton Bern....??
Guete Morge
Neinei, i bi scho lenger nüm z Burgdorf, wohne in Rhifälde.
Mir göh nach Tanzania und Sansibar, das isch äbe ou nid grad öppis, wo me när mit Ching macht. Die ganzi Impferei isch allerdings chli doof, aber jänu..
Üsi Fotografin isch vo Züri, ha se im Internet gfunge. Wie viel bisch denn bereit uszlege?
LG
|
|
|
|
22.01.08 08:43
Sibylle
|
Re: Bräute aus dem Kanton Bern....??
i ha ebe da absolut no nid würklech ahnig, wemä dje priese ghört dje schwanke ja um 1000.- me oder weniger zum teil?
mir wei gloub nur öpper für vor dr chiuche, während nach und bis und mir apero, am abe gits de anderei wo fötele?
lg
daniel & sibylle 19.01.01= 30.05.2008 / 07.06.2008
|
|
|
|
22.01.08 08:52
Sibylle
|
Re: Bräute aus dem Kanton Bern....??
hoi muus, du no wägem fotograf!
mi schatz het zersch ou uf das bestande dasmer üs ersch i der chiuche würde träffe!
woni aber när am tagesplan bi gsi u mir das eso vorgsteut ha und ou nach ustusch mit scho verhüratete päärli, het er sich de la überzüge dasmer üs vorher träffe ou so richtig romantisch und dä ougeblick nume z zwöit und mit dä trouzüge düe gniesse wüu aui säge es sig e sehr intime momänt womä mit zueschauer nid würklech so chönn gniesse wie nur s 2te (+trouzüge)! und mi cha i auer rueh dje fotos zäme und mit dä trouzüge fang mache, und het dje sorg weniger und me zyt für d gäst nach dr trouig!!
für mi isches ou e riese beruhigig wenn ig mi schatz scho cha bimer ha wüu i bi jitz scho am hypere weni dra dänke a dä momänt woni id chiuche loufe mit mim papi zäme!
i gloub i bruche das unbedingt für mini närve, und när hesch dje wichtigste fotos im chaste und chaschs fescht gniesse!
lg
daniel & sibylle 19.01.01= 30.05.2008 / 07.06.2008
|
|
|
|
24.01.08 18:59
muuus
|
Re: Bräute aus dem Kanton Bern....??
Hallo zäme
Tönt super öii Fliterwuche.. Mir gö nid gross i Flitterwuche, resp. mir gö scho 2 Wuche wäg, aber nid mitem Flüger ame schöne Ort häre. Da mi Schatz vo Italie chunt und är viel Verwandti derte het, gömer nach dr Hochzyt i sis Dorf hei, chöi derte im Huus vo sire Grosmam läbe. Derte isches sehr ländlich, isch eher chlin und ohni Outo ischme total ufgschmisse. Für zum Meer hetme drüviertustd.Isch aber keis Problem. Es isch mega schön derte und mir het das so guet gfaue dasi gad derte würd ga wohne...drum isches ä Wunsch vor mir gsi, üsi "Fliterwuche" derte verbringe. Mau wäg vo stress und Hektik und däm ganze Luxus womer da hei..:-)
Nimmt mi de ou wunder wiel lang mir warte vorem Rhomberg stand. Mir müesse unbedingt derte häre, wäge de Ringe. Wete drum de gad bstelle...hoffe es het nid zviel Lüt...bi nähmlich nid so geduldig...und scho gar nid a so Mässe.
Wägem Fotograf, mir hei bime Fotogschäft us dr Gägend ä Fotograf arangiert. Ig wet uf kei Fall, würklich nid das Gfüehl, Gsichtsusdrück und alles verpasse wenni i Chile chume und mi Schatz derte wartet. Wenn är mi vorher gseht isch doch alles verbi, eifach das überraschigsgfüehl, das chribble...wäg.. Chani mir gar nid vorstelle. Ig dänke, dassi vor dr Trauuig so mega närvös bi, dassi nid chönt Fötele... Nach dr Trauuig isch scho viel wäg...eifach spannig chli weniger, und vorallem ischme doch überglücklich nä mitem Ring ar Hand chöne Föteli zmache. Mi lachet isch nüme so fescht närvös, eifach glöster. Ig verzichte uf kei Fall uf dä Moment woni i Chile chume und är mi gseht...überleg Dir das guet ob würklich vor dr Trauuig wotsch ga Fötele...Wüll mir hei nach dr Chile es Apéro, chöme zur Chile us, nä gits Glückwünsch, Gratulatione etc. nacher es Gruppefoto mite Gladnegäst und eis mite Apérogäst, när Familiefotos und wenn nä die düre si, und aui am Apéro gö mir nä mit de Trauzüge für ca. 1 Std hinter dr Chile und näbe dranne wo kei Lüt si im Hof ga Fötele... so simer ungstört und verpasse kei Moment....
Heiter ou Gastgschänk?
|
|
|
|
|
|
1 2 3 4 5
|
Anmelden
