Was hesch de für nes Heftli kouft? Weiso meinsch isch es für nüt gsi...

Speziell Dis Kleid

Swisswedding? Auso s isch es guets heftli, aber i ha ds meischte haut scho mau gseh gha... Isch haut, wenn me geng alli heftli chouft...

Auso ds chleid uf de föteli im internet isch no mit bolero, so gfauts mr nid eso, eich isches schulterfrei....

site 24 genau, das, wo "ein Sommernachtstraum, Elfen-Hochzeit" vorne druffe steit

ize wotti äbe de no uf Dütschland ga das Ian Stuart Chleid probiere, und när weissi ou nid so gnau, weisch, vo dene 10 chleider geschter hätti mindestens 2 chönne choufe, u wär sicher glücklech gsi dermit, aber wot unbedingt no chli meh ga ume luege. ha zwar bi eim es aha-gfüehl gha, aber das isch würklech so nes Ballchleid, weisch mega wit unde, und i bi no nid grad sicher, obi das würklech wot... usserdäm wotti de sicher no mau mit de richtige Schueh ha luege...

aber nachem höch vo geschter bini hüt grad chli im fruscht, ha mini mueter gfragt geschter, ob si am Mäntig wetti mit uf lörrach cho, und si het eifach jedi entschuldigung bracht, wo me cha, wüus se wahrschinlech eifach aschisst so wit ds fahre, und eine vo mine trouzüginne hätti am mäntig frei, wot aber nid mitcho, mit dr ussag: wenns dr nid ds viel usmacht, chumi nid mit...

Guet mini schwoscht chunnt mit, da freui mi ou sehr, aber i frage mi eifach grad chli, wo ig bi trouzügin und mueter uf dr prioritätelischte stah, schliesslech isch ds chleid ja scho rächt wichtig. oder bini da falsch? Auso di anderi Trouzügin muess schaffe, isch ja logisch, dass si ir 2. Wuche nachem mueterschaftsurloub nid cha frei näh, aber di andere zwöi hei frei, si weis eifach nur nid chönne irichte...

Anderersits gangi villecht gschider mit dene ga luege, wo sech ou freue, und di andere söues haut la si?

@ arwen.. bi de gspannt uf dis chleid..
mir hei ja lustigerwiis o die passt woni nie dänkt hätt.. und i hätt locker äuä 3 chönne choufe.. das vo "das isches" und herzli i de ouge het me bi mir o nid chönne erwarte.. bi ja geng soooo kritisch und unsicher..

i weiss genau was du meinsch... i bi ja schlussendlich o nid mit de trauzüge gange. aber weisch, wie du schriebsch, es isch villecht o gschider mit öpperem z gah wo u motiviert isch und mega freud het.. klar wärs schön, wenn das mama und tz si, aber wenn nid, voilà.. die fründin wo ig mitgno ha het uuu freud gha und isch so richtig mit herze bir sach gsi und das wär villecht süsch nid so der fau gsi..
also nur nid d freud und dr muet verlüre aber i verstah di sehr guet, isch chly frustierend weme z gfüehl het mi sig di einzigi wo sech uf so öppis freut und genau für das het me d tz ja o.. ? (klar chames nid immer irichte, aber es isch eher d istellig derhinger, oder nid..?)
aber i fiebere de ganz fescht mit dir mit, ok?

und merci für di ufmunterig.. ja isch würklech es schön.. sötts villecht wieder mau live gseh..

arwen_1984:

---

I ha bi eim chleid im Mery's würklech ds grinse nümme wäg bracht, bi däm mega üppige, dasch eifach so es chleid, da würd d hälfi vo de gäscht säge, meine güte, dass die sech das trout, und di anderi hälfti würd sicher no nach 20 jahr vo däm chleid schwärme...
hihi andrersits wär das ou chli mi charakter, i polarisiere ou meischtens ;-)