liebe 2010-er brüüt

sisch für eus alli es üsserscht spannends jahr mit vielne höchts und tüüfs i de vorbereitigsphase, und eme krönende abschluss am hochziit sälber gsi!

shänd alli brav ja gseit und sind jetzt (hoffentlich) überglücklichi ehefraue. die meischte vo eus händ au scho gflittered und sicher ganz viel zverzelle drum find ich, isches a de ziit nomal es träffe z'organisiere! (natürlich sind pix herzlich willkomme)

en teil vo eus, hät sich ja endi 2009 schomal troffe gha und ich fändis schön, wämmer da wür achnüpfe...

ich weiss nid was jetzt besser isch, wämmer scho en ort vorgit oder das no offe laht... drum wür ich eifach vorschlah, dasmer eus wieder in winterthur würdet träffe, date wür ich folgendi vorschlah:

http://www.doodle.com/tazk3ybxxb5923c8

a dem datum, wo die meischte iitreit sind, werdemers umsetze. ich wär froh, wänn alli wo interesse händ, sich bis endi januar würdet iiträge (wägem reserviere). die wo mit brüüt kontakt händ, wo nüme regelmässig im forum sind, bitt' ich, diesi doch über de thread z'informiere... (oder die wo im facebook sind, über eui gruppe z'poste)

thanx und en guete rutsch ines spannends 2011

°oO°oo° ... WEIL ES LIEBE IST ... °oo°Oo°

Zuletzt bearbeitet am 30.12.2010

Hallo calla

Finde ich eine super Idee... muss aber noch mein Kalender für das 2011 aktualisieren. Trage mich ein, sobald ich es geschafft habe.

Ich werde es mal Prisi weiterleiten, damit sie's im Facebook postet.

en guete Rutsch!

_____________________________________
Wir heirateten kirchlich am 4. September 2010

schade, ich hätte euch so gerne mal persönlich kennengelernt, aber wir sind noch bis ende april im honeymoon!

wünsche euch viel spass!

grüessli
nimbini

das wäre mega, dänn fände ich bestimmt auch ein paar daten, und wenns halt dann vorher schon klappt, wars dann halt pech.... weil viele vermutlich nicht so weit im voraus planen möchten....

suuper sach, danke calla. han mi gad im neue itreit und hoffe sehr, dass er amene datum isch wo i chan. will mer im märz no züglet (yippieee,gad hüt de vertrag unterschribe) und i deno gschäftlich viel unterwegs bin, wirds chli schwierig. mai gönd mer evtl. id ferie. feb. wär mer jetzt gad am liebste gsi, chönti wähle.

national winti? das tönt doch guet. isch scho fast echli e tradition :-)

hesch de bruttreff eigentlich für all die denkt wo scho ghürote hend oder au für di wos dene no bevorstoht? villiht wärs au witzig zum sich mit dene treffe wo me jetzt scho länger kennt und wie du schribsch, wo scho verhürotet sind bzw. ghürote hend im 2010 (damit au du speedy däbi si chasch :-)).

grüesslis

Hoi zäme

Yepp, Speedy het ebe rundumme gspeedet, isch nach eme halbe Johr wieder uszoge und het in guet zwei Mönet ihri Scheidig dure zoge.
Isch für euch aber überhaupt kein Grund zum irgendwie truurig si soder so. Mängmol macht me Fähler, wenn me Schwein het bemerkt me si bevor grössere Schade entstoht. Und denn isch es Ändi mit Schrecke gschider wie - ähm, wie isch jetz das scho wieder gange?
Nei ehrlich, ich freu mich eifach druf, euch möglichscht alli wieder z gseh und wird au an däm Oobe d Stimmig ganz sicher nid versaue, mir gohts nämmlich ächt guet.

Liebs Grüessli
Speedy