| hochzeit 2009... |
|
|
1 .. 7 .. 11 12 13 14 15 .. 22 .. 29
|
02.06.08 11:01
NaRu 
|
Re: hochzeit 2009...
Hy Manuela24
Ou ja, das wär super...... I ha beschlosse, dasi im Mitti Septämber mau ga ga luege für nes Chleid. Dä mit der Brüni isch ja sone Sach - so chli ä gsundi Farb wär ja de ke Seich... Wenns vo "natur" uus nüt wird blibt haut de no z Solarium....
Nächscht Samschti gani no anes Hochzyt... bi scho henne gspannt (lueges mit ganz angerne Ouge aa, sitti weis dasi de das imene Jahr ou erläbe)
Liebi Grüesslis
Mir troue üs am 06.06.2009
|
|
|
|
|
|
02.06.08 20:26
monikaroland
|
Re: hochzeit 2009...
Gugus zäme
bi o wieder zrugg us de Ferie... bi in Canada gsi, mit brüni ischt dert äbe nid ds welle... Mini Schwes wohnt sit eim Jahr in Vancouver....Si wird mini Trouzügin si! Da i si erscht am Hochzyt umhi gseh, han i es Strumpfband vo ire gschenkt ubercho. Hällblau mit Rüscheli, u härzig :-) Has de gad im Resti uber d Hose probiert obs geit 
Mier hirate jetz definitiv am 16. Mai 2009 Ui das geid nidemal meh es Jahr.
Ha o vor im Herbscht uf d Suechi nach em Chleid ds mache. Wär nämid ier mit zum ga Chleid poschte? Bi mier nid sicher....
Also bi scho gspannt uf News.
Liebe Griess a alli 2009er Brüütlis
Monika
|
|
|
|
03.06.08 20:12
Manuela24nicht registriert
|
Re: hochzeit 2009...
Hoi zämme
@ bruut2009
Gedanke mach ich mir au. An dä Hochziet vom Brüeder vo mim Verlobte isch Pan- und Querflöte gspielt worde. Han das no schön gfunde. Viellicht machet mer s'gliche. Ja so es Striech-Quartett isch sicher tür. Aber eu chunt sicher no ä gueti Idee in Sinn. Und suscht wenn ihr en guete Orgel-Spieler händ bruchts gar nöd unbedingt no meh. Also das isch mini Meinig. 
@ NaRu
Ja Solarium isch au ä Möglichkeit. Ich persönlich gange aber nöd so gern. Aber da ich halt eher en bleiche Mensch bin wär z'viel Brüni vermuetlich eh unnatürlich. Denn würdet mich ja d'Lüt gar nümme kenne. 
Viel Spass an dä Hochziet! Mir gönd das Jahr au no an eini im September. Die wird no speziell sie, will üse Trauzüg hüratet. Wenn das denn verbie isch, chönet mer mit ihm mal zämme sitze und chli plane.
@ monikaroland
Super, dass ihr es Datum händ. Du wirsch sicher eini vo dä erste Brüt nächst Jahr sie!
Lg
Manuela
Mir trauet üs am 29.05.09 & 06.06.09 :-)
|
|
|
|
04.06.08 08:06
bruut2009nicht registriert
|
Re: hochzeit 2009...
uhi uhi uhi....bi eus gahts siit hüüt weniger als eis jahr bis zum standesamt!!!!bibber bibber!!!
und am samstig imene jahr isch den s kirchliche 
hoffe nur das mer denn imene jahr bessers wetter hend!!!!
ich denke ich wirde scho au nachli is solarium gah...suscht bin ich denn ton in ton mit em kleid...das wer nöd grad soo vorteilhaft!!!
mier lueged jetzt zerst mal was die vo de chile meined...
wenn ich de pfarrer recht verstande han wird er so ca. august / september mit eus kontakt ufnäh!!
mier gönd au na a 2 hochziit i dem summer...aber bi beidne jewils nur zum apero....ohni standesamt und chile!!! freu mich glich chli inputs z sammle....
was hend ihr so für idee bzw. wünsch betreffend em kirchliche hochziig??
|
|
|
|
|
|
04.06.08 22:56
bruut2009nicht registriert
|
Re: hochzeit 2009...
also ich stelle mier das so vor, dass mer vor de chile werdet d föteli mache und min daddy mich denn an altar ane füehrt...wenn ich bis denn na chan schnufe und s ganze augen make up nöd am bagge klebed bin ich schomal recht stolz uf mich!!!!
tja und denn au en grosse apero mit vilne gäst und denn na es tolls fest mit de enge bekannte und verwandte....eifacht nöd zu hochgstoche...sondern chli legere...
|
|
|
|
05.06.08 00:06
meitli
|
Re: hochzeit 2009...
hallo mitenand
da bin i o wider mau...
bi üs wirds dr 10.10.09 oder dr 17.10.09. d datums-wahl isch meh us praktische gründ z stand cho, aber 10.10. isch no schön. vilech chönnt me ja zivil am 20.09.2009, mau luege...
i däm summer bin i no zimlech mitem hochzit vore guete fründin beschäftiget und überchume so scho mau zimlech alles "hutnach" mit. und ehrlech gseit gniess i s, no chli zit z ha für alli tröimereie und idee, d zit geit eh meeega schnäu.
trotzdäm mache mir itz mau üse erst walzer-tanzkurs und si scho diversi chiuche und restaurants go luege.
ja und z kleid... hoff i ganz fest, dass das, wo mir gfaut, im herbst de chli billiger isch :-)
grüessli und witterhin vil spass bi de hochzitströimereie
meitli
|
|
|
|
05.06.08 06:41
monikaroland
|
Re: hochzeit 2009...
@mauela24
eigentlich hätte mier äbe am 30. Mai welle chrichlich hirate. den isch aber eventuell die ganz chilche no vo de konf här dekoriert und das chennt allefalls bedüte, dass Lintüecher mit Grafitis wärde ufgheicht si. Drum hei mier is när fr e 16.Mai entschiede.
@meitli
bischt de ds chleid scho mal ga probiere? oder hesches eifach inem katalog gseh?
@bruut2009
bir chirchliche trouig stell i mier vor, dass mi zuekünftig ma und i üs erscht i der chilche wärde gseh. mi ätti begleitet mi de zum altar (uberchume gad gänsehuut wen i mier das vorstelle) und den gseh mier üs ds erschtmal i de hochzytchleider. de hei mier scho e musig gfunde (duo), die studiere üse song i und dä wird de irgendwenn gsunge (vilicht nach em ja-wort ). wie die ganzi trouig wird abloife han i no kei ahnig. weis erscht im herbscht ob üse wunschpfarrer zyt het.
Wie machet iers mit de arbeitskollege? Ladet ier die zum ganze fescht i oder nur zur trouig und apero? uf e eint wäg wett i äbe zwei zum ganze fescht ilade u d räscht "nur" zur trouig und apero. Weiss aber nid ob das de misstimmig im büro git. Was deichit ier?
Liebs grüessli
monika
|
|
|
|
05.06.08 09:35
bruut2009nicht registriert
|
Re: hochzeit 2009...
hallo monika...
min traum wer au gsi das mer üs erst i de chile gsehnd...nur aber hend mer jetzt scho diversi fotografe gseit das mer das unbedinngt vor der trauuig seled mache..mier gönd erst am 15.00uhr id chile und das weri denn fast zu knapp nach de trauuig na gratulatione, fötele und apero...
bi eus isch das mit em gschäft chli e sach...
min fründ schaffet uf em bau...d.h. er het praktisch nie mit dene lüüt vo sim gschäft öpis z tue...jede isch immer neumed anderscht...
vilicht werdet mer dete de einti oder ander ilade...de chef vo ihm ladet mer uf jedefall ih zum apero...mit dem hend mer au es guets verhältniss...
denn zu mim gschäft...
ich han e furchtbars team...eine schlimmer als der ander (vorallem was d chleider und co agaht!!) de kolleg het im 07 ghürate vom gschäf und dete han ich die truppe chli chöne beobachte!!! ggrgrgrgr aber garantiert nöd a mim schönste tag!!!!...ich han mit einere es super verhältniss...und sie werdet mer au an apero und s fest ilade...
de momentani punkt isch so das mer nur sie iladet und die andere gar nöd...
mis mami seit mer immer das das mega stress chan gäh und so....
aber ich muen doch für mich luege und wenn ich sie nöd ilade denn münds das doch akzeptiere....
ich glaube da muen mer absolut egoistisch si und die lüüt ilade wo mer gern wet debi ha und de rest nur an apero bzw. gar nöd!!! das muen jede akzeptiere!!!
han mer a scho überleit das mer zsbp. mit em maa denn im büro en chline apero macht und mer denn chli mit de lüüt vom gschäft chan fiire...!?!?
|
|
|
|
|
|
|
|
1 .. 7 .. 11 12 13 14 15 .. 22 .. 29
|
Anmelden
). Ich han au 2 vom Gschäft womer Privat sogar nochli Kontakt händ mettenand. Die zwei werde mer iilade met Partner, die andere mag ich au sehr guet und send herzlich an Apero und id Chele iglade... resp. ich hoffe sie chömed go Spalier stoh