Hallo zäme

Jetzt möcht ich mi au no mälde. Bis jetzt ha ich nur gläse, aber jetzt möcht ich au gärn mitschriebe. Ich wird immer ganz kribbelig, wenn ich so Sache am läse bi. Mir hürote au im 2009 und zwar am 16.05.08. Mir hürote denn Zivil und will mir nid in d'Chirche göhn, hämer uns ä Schloss für d'Trrauig usgsuecht
Sin au scho ä chli in dä Vorbereitige. Afangs Johr hämer einige Sache gmacht und überlegt, die letzte paar Wuche hämers wieder ä chli uf Site glegt, will sunst soviel los gsi isch. Aber wenn ich do so am läse bi, chum ich grad wieder in Stimmig zum witermache. Bis jetzt hämer dr Trauigsort und sLokal zum Ässe reserviert. Trauzüge hämer grfogt und beidi hän mit grosser Freud zuegseit. Dr Transport zwische Apéro und Ässe wird als Überraschig vo mim Mami organisiert. Am Samschtig gömer s'Material für d'Kärtli und evt. au Tischkärtli goh hole. Hän do scho ä Idee. Endi Monet lömer denn vonere Fründin, wo au Hochzytsföteli macht, Föteli mache, wo mir für d’Kärtli bruche. Freu mi scho riesig
Was mir au gli emol möchte bestimme isch dr Fotograf und d’Musik. Do tendiere mir zumene DJ, aber evt. au ä guete Alleiunterhalter chunnt in Frog. Wegem Ässe und Apéro hämer uns bis jetzt noni soviel Gedanke gmacht. Mit minere Schwester, wo Trauzügin isch, gang ich denn im September wege Kleider goh luegge. Ich freu mi scho riesig do druf. „Obwohl“ mir nur Zivil hürote, möcht ich ä Brutkleid azieh.

@monikaroland: mir freue und bibbere uf dr glich Tag hi

So das wärs als erst emol gsi vo mir.

Griessli
Manu

---------------------------------
16.05.2009 isch unsere Tag

hallo zäme,
i mäude mi o wider mau...

mir hürate im oktober 09 u hei scho gaaanz viu vorstellige und idee... wiu i aber weiss, dass i nächst jahr sehr sträng wirde ha bim schaffe, möcht i müglechst viu früeh organisiere und dr räste delegiere.

auso üsi idee bis itz...
- iiladigskärtli: mit sälbergmachte fötteli (div. stein-herzen, eis schöns fötteli vo üs), ev. mit sälber gstalteter brifefmarke
- kirche hei mir 2 in ängerer uswahl und wärde äuä im herbst mal reserviere. entscheidend wird äuä si, wo dr apero praktischer z mache isch
- ds restaurant isch o so guet wie usgsuecht
- fötteli macht äuä e kolleg vo üs, wo fotograf isch und üs e guete priis macht. dr ort, wo mir wei go föttele, isch no nid klar, aber da hei mir ja no guet zit
- ds menu.... wüsse mir nonid so genau, chunnt no chli ufs rästleche budget aa (üs isch fein ässe wichtig, muess aber kes 5-gang menu si, lieber es eifachs ässe und es rächts dessertbuffet mit schöner torte :-) )
- d tischdeko plane mir mit steine und rose in pastelltön - ev. wäre o orchidee schön. wahrschiinlech frage mir e kollegin fürs dekoriere und säge ihre es paar "rahmebedingige" - und löh üs de la überrasche :-) ... i fänds romantisch, wenns viiiu kerzli uf de tische hätt...
- als platzkärtli mache mir sälber chliini steimannli u si itz am schöni steine sammle (mir si äbe gärn verusse...)
- e erste tanzkurs si mir itz grad am mache, meh mau zum plausch

s macht eifach meeeeega fröid, sich so chönne uf e gross tag z fröie!!
... muess aber o chli ufpasse, dass i no es paar anderi sache im kopf ha...

@monikaroland: du hesch gschribe, du überlegsch dir, mitem mueti go z luege fürs kleid. i ha zersch o dänkt, dass i eifach mit 2 fründinne gah und itz o gmerkt, dass mis mueti äuä am meiste fröid vo allne hätt, wenn si chönnt mitcho. also wird i ihre (und mir!) die fröid mache. isch schliesslech für si o es einmaligs ereignis.

so, itz wünsch i öich allne es schöns wuchenänd!
grüessli
meitli

Ehr sind glich wiit!! Mer händ so knapp dLocation reserviert! Kei Ahnig was mer ässed und no kei Ahnig... ec.
Ich muen aber ebe au chli vorsechtig si... Glaube min Verlobt muen sich zerst no an gedanke gwöhne, dass mer gli Hürated Und ebe d`Euro esch im gang...
Good ding will ja bekantlich weile haben Hoffentlich ned zlang.
Ich han mer scho alles hundermol dor dä chopf go loh und vorgstellt Und läbe mini Vorfreud bi mim Mami us und au chli im Froum (be vell am läse, fend e cools Froum!!)

Ich glaube för eusi Mamis esches scho öppis speziells wenn Tochter Hürated! Ich han mis Mami metgno zom luege wägem Chleid...das heisst, sie het wälle go

Schöns Weekend allne

Wir Heiraten am 09.05.09

@monikaroland
Mir wohne im Baselland und werde au dört hürote. Und du? Für was für ä Musik händ ihr euch entschiede? DJ oder Band? Bi dä Ring hämer au scho ä Favorit, sin im Jan. scho anere Hochzytmäss gsi und hän dört öppis gseh. Bis jetzt hämer uns aber noni definitiv entschiede.

Betreffend wer mitnäh zum Kleider goh probiere, isch das halt so ne Sach. Ich ha im März scho mol 3 probiert und das isch ganz spontan passiert. Mini Muetter het mir eigentlich ä Kleid welle zeige, wo sie evt. für d'Hochzyt will azieh. Und denn hämer halt au no ä chli in dä Brutkleider umeglueggt und wies so cho isch, hets uns grad packt und ich ha probiert. Sie isch ganz baff gsi, wo sie mi im erste Kleid gseh het. Isch glaubs für Müttere ischs scho öppis sehr speziells, wenn sie ihri Tochter im Brutkleid gseht. S'Problem nachher isch eifach gsi, dass mini Schwester (d'Trauzügin) ganz enttüscht gsi isch, dass sie nid drbi gsi isch . Mis Mami het denn gmeint, dass sie bim definitive Ussueche nid mitchunnt und sie sich loht loh überrasche. Jetzt gang ich mit minere Schwester und dr beschte Fründin goh luegge.

Mi zuekünftige Ma (muess mi s'erst no an das gwöhne ) isch bi dä Planige voll drbi. Find das voll genial und total herzig . Er het scho einigi gueti Idee brocht und mir sueche und plane eigentlich fast alles zäme. Also ich bi eifach die vo d'Infos usem Internet etc. sammelt und denn luegge mirs zäme a.

Wenn ich s'Wort Flitterwuche ghör, wird ich scho ganz kribbelig. Mir werde am Dunnschtig oder Fritig nach dr Trauig in d'Flitterwuche fliege und zwar für 6 Wuche in unseri Traumdestination Kanada/Alaska. D'Ferie sin zum Glück bi beidne bewillgt worde und au do simer scho ä chli am Route plane .

So jetzt muess ich höre, mir göhn jetzt goh Material fürs Iladigskärtli goh poschte.

Liebs Griessli und allne ä schöns Weekend
Manu
---------------------------------
16.05.2009 isch unsere Tag

Ja da met dä Fliterwoche esch jo so en Sach! Ich wör au gern grad nacher gah, aber min Zuekönftig weiss nonig öb er cha frei näh, er Schaffed adä Uni und wör gern ab em Juli (halt semesterferie) id Fliterwoche. Wobie ich fende ebe Fliterwoche müend nachem Hochziit si, ned erst 2 oder 3mt. nacher! Has gfühl denn esch dä altag scho weder ikehrt und ja öb mer sich dä no so fliiterig fühlt? Oder währ weiss, vellecht chont jo das gfühl weder??

Ich han mer jetzt ufä Geburi (am 20.6.) chli meh Motivation gwönscht, und dass er au mol met em Thema Hochziit afoht, ned nor emmer ich Er het emel gmeint, das loht sich iirechte Schauemer dä mol...

Ich han die Nacht vomenen Hochziitchleid träumt, woni bereits mol Probiert han.
Ben ebe met mim Mami scho mol go luege so us neugier , i 2 Läde, und han prompt ebe 2 Chleider womer wöred gfalle! Vo dämm woni jetzt träumt han esch s2. gi im 2te Lade also aus sletschtere woni agha han... Händ er euches Chleid scho? Wie händers gfonde? Händer euch eifach i eis Verliebt und keis Anders? Wör mi wundernäh wie ehr das so erläbed!

Grüessli

Wir Heiraten am 09.05.09

nicht registriert

weg em chleid bin ich nanig go luege...han irgendwie sgfühl das die im lade mich voll schräge würdet aluege wenn ich würd sege mier hüürated erst immene jahr...

mal luege im herbst wirds mich denn sicher au na packe zum go gügsle..
ich gange ganz sicher mit mim mami und de trauzüügin und denn zum definitiv entscheide oder vorsondiere (weiss nanig genau was) gang ich denn na mitere andere guete fründin!!!
han scho ghört das mer max. 2 persone därf mitnäh zum kleideraprobiere!!!

ich denke bi eus bliibt s scho alles chli a mier hange und wo ich ihn hüüt chli ironisch azündet han; du freusch dich gar nöd,...het er denn nur gmeint...es gaht ja na sooo lang und die freud chunt denn schona!!!!
er schwätzed uf jedefall au immer meh devo und vorallem eusi kollege (uh herzig) hend nur na eis gsprächsthema...*hihihihi*
mier sind ebe die erst vom kollegekreis und au i eusne beide familie wo hüürated und denn isch s natürlich für all öpis bsunders. all chömed mit idee und vorschläg...muens amel zwüsched dure chli bremse