@Yasi
Dä Tip betreffend in d'Hocki goh etc. isch wirklich sehr guet. Will meh isch doch rächt lang in däm Kleid und es isch jo au nid ä Alltagskleidig, wo meh sich sunst gwöhnt isch.

Hey mir hän sgliche Flitter-Ziel, mir göhn au uf Kanada. Bis jetzt hän die meiste immer gfunde, ha ihr göhnd nid uf d'Maledive oder uf Maruitius etc. Aber mir chönne au nid soviel mit Meledive etc. afoh. Klar isch es sicher traumhaft die Stränd und das Meer, aber mir sin eher Type zum Umereise. Mir fliege Endi Mai ab und gniesse denn dr Juni in Kanada *freu*. Mir sin s'erst ä paar Täg in Toronto, ä Kollegin isch dört im Sprochufenthalt, und nachher fliege mir richtig Yukon/Alaska. Dört simer denn mitem Camper unterwegs. Bim Zruggfliege mache mir denn no für 4-5 Täg ä Stop in unsere Traumstadt Vancouver. Mir sin vor 2 Johr scho mol gsi und hän uns in das Land total verliebt.

@all
Jupi mir hän unsere "Prototyp" für d'Iladigskärtli gmacht und er gfallt uns beidne superguet. Au s'Namenskärtli für dr Tisch hämer und die passendi Tischdekoration. Mir gstalte dass jo sälber, will mir nid imene Restaurant sin. S'Ganze macht riesige Spass, vorallem will mi Schatz au voll drbi isch, do ha ich riesig Freud. Also so bi Blueme, Frisur etc. isch er au nid so begeisteret, aber das isch jo klar, isch jo nid unbedingt ä Männerthema
Im Härbscht, so ab September, wärde mir uns denn uf d'Suechi mache für Catering Unternehme für dr Apéro und fürs Znacht. Und denn wärde mir au die definitivi Gästeliste festlege.

Ä schöne sunnige (und heisse) Tag....



---------------------------------
16.05.2009 isch unsere Tag

nicht registriert

Hoi zämme

@ bruut2009

Ich bin au immer no unsicher, ob mer doch scho im Juni go flittere wänd. Hans nomal gnauer aglueget. Also Maledive eignet sich anschienend würklich nöd so. Dä Rege seg nöd so s'Problem, aber mer heg denn nur so 5-6 Sunnestund pro Tag. Chan mir das zwar nöd so vorstelle, aber wer weiss. Ha aber Mauritius nomal aglueget und det isch s'Wetter viel besser. Mich reizt Mauritius eh meh. Isch grösser, d.h. chasch meh unternäh und d'Lag gfallt mer au besser. Aber im Moment änder ich mini Meinig ständig. Zum Glück han ich no so lang Ziet zum Bueche.

@ Manu

Cool, mir händ dä Prototyp für d'Kärtli au scho. Freue mich scho uf d'Masseproduktion. Jetzt müend mer nur no d'Tischkärtli richtig aneübercho. Hät am Weekend nöd so guet klappet. Zum Glück sind mer sooo früeh dra. Suscht würd ich jetzt scho nervös werde. *g* D'Deko wird ich wohl erst nächst Jahr mache. Wet vorher mal mit em Restaurant rede. Evtl. bütet sie ja scho einiges und denn müesst ich nüt selber mache.

Lg

Manuela


Mir trauet üs am 29.05.09 & 06.06.09 :-)

bi o eis umhi da...

@manu
i bi gad vornem monet vo canada zrügg cho :-))) isch ächt es hammerland und vancouver en hammerstadt. mini schwes (trouzügin9 isch sit eim jahr mit irem schatz in vancouver am läbe... sicher mal no bis 2010. mier si uf vancouver gfloge und den en rundreis mit em camper gmacht, so richtig banff, jasper, clearwather, wisthler, vancouver... wird sicher scho mega schön wärde zum die ganzi reis plane. Viel spass derbie...
mier wei eher in richtig asie... genaui destination wisse mier no nid.
Wen wärdid ier d iladige verschicke?

@alle
de prototyp vom chärtli hei mier scho es wili. irgendwie fählt eifach no s i tüpfli druffe. bi im momänt jedoch chli rätselhaft und ha kei ahnig was mier chennte mache... naja, kommt zeit kommt rat. irgendwie wird das scho klappe...

BRUTSCHUEH
vorewäg, s chleid han i no nid...
ha lescht week no es luschtigs erläbnis käbe... i bi mal so chli ga surfe wäge bruutschueh.. u ha de mit stune feschtgstellt, dass die no zimlich tür si... uf jede fall bin i de es mal ir stadt gsi und per zuefall is schuhparadies gange.... die hei dert im fall e chlini kollektion a brutschueh. Spasseshalber han i de eine aprobiert, (ganz schlicht, chli absatz, chli spitzig und kei schniggschnagg, mit nem schöne glanz u nid schneewies) Uf jede fall han i de gad ds gfiehl käbe i heig finke ane. de ha mi de entschiede dass i dä gad mitnime... klar theoretisch choift me ds chleid zerscht, aber irgendwie het gad alles super passt. Also wen ier o kei schueh weit wo weis o nid wieviel choschtet und sehr schlicht ischt, de empfihl i eu gäd mal is schuhparadies ga güxle!

winsche eu allne e schena summertag und viel spass bim schwitze.... hoffe mr mal die summerwälle ischt im 2009 de im Mai und Juni :-)))


Mier hirate am 16. Mai 2009

@Chärtli
Dä Prototyp hani au scho, zwei Verschedni (Apero und Gäst) aber ich weiss ehrlichgseit gar nonig konkert öbs mim Zuekönftig au gfalled Nahmesscheltli hingäge hämmer au schomal zäme agluegt. Ergendwie vercherti wält! Druckti Chärtli send för mich gar nie in Frog cho... passt ebe au ned zo mer. DIdee hani mer au us Bastelbüechli gholt und eifach au mol chli sache kauft und usprobiert...
Verschecke werde mer eusi Chärtli glaub so vor Weihnachte, so es halbs Johr vorher?

@Schueh!
Esch ja spannend.... öb dä dis Chleid zo dä Schue passet oder ugekehrt Han mal en bruut gseh, die het Roti Schueh zom wiise Chleid agha vo dämm her... Danke, gange dä au mol is Schueparadis go gügsle...

@Fliiterwoche
Mauritius, Ja das wör mich au no reize, wobi aus chli umereise in Australien... da mer jo vor händ gli Schwanger zwärde, weiss i ned wie lang mer dä no zom Reise und wiiteweg id Ferie goh chömed... Mis Problem send au nochli mini Ferie! Ich han dKollegin (woni dStell teile), womi duet stellverträte, nur het die ebe scho en sprössling und müesst schösch en ergendwie 4 Woche weggeh oder öpper oranisiere... För sie chli doof. Mer händ eus aber au gar nonig öber dFliiterwoche underhalte...

@Fotograf
Das hämmer eus glaub druf chönne einige, dass mer zwei werded ha. Min zuekönftig Schwoger foht dLehr a uf dämm Bruef, ich wöt en aber ned för die gstellte Fötelis (da mer dFöteli sehr wechtig send,und ich ned weiss wie guet er bess dänn scho esch, und wie vell erfahrig er im Hochziitsfötele bes dänn scho metbrengt)... Ich känn no en Fotograf (Schwoger vo minere Schwö) und froge dä en mol a, öb för en das ok währ, so zteile, halb halb... oder vellecht am morge sogar nochli "unterrecht" zgä.

@alle
Jeee. Min Verlobt hät höt dChele Reserviert! Cool! Es Högli meh!

Wir Heiraten am 09.05.09

nicht registriert

Hoi zämme

@ bruut2009

Ich ha gar nöd gmerkt, dass Mauritius türer isch als Maledive. Aber mir gönd vermuetlich eh mit Direktreisen. Das isch zwar nöd en absolute Luxus-Reise-Abüter aber ich find Pries und Leistig stimmet.

Ihr sind ja scho mega wiet bzgl. Tisch und Gästeliste. Mir verschicket so im Januar mal d'Iladigskärtli. Denn gönd mer mal ins Resti und redet mit dene über d'Möglichkeite, wie mir d'Tisch chöntet stelle. So bis März / April wänd mer denn vo dä Gäst die definitiv Ameldig und denn werdet mer mal luege, wer wo sitze chönt.

@ alli

Mir händ dä Fotograf bzw. d'Fotografe (isch es Pärli) au scho. Wie lang buechet ihr sie? Mir händ mal für 6 Stund denkt. D.h. vor dä Kirche so es Vorshooting, denn wärend dä Trauig und em Apéro und am Abig nümme. Am Abig chan ja min Papi oder suscht öpert us dä Verwandschaft fötele. Det ischs mer nümme so wichtig. Also ussert Fotis vom Hochzietstorte aschniede wet ich natürlich scho.

Lg

Manuela

Mir trauet üs am 29.05.09 & 06.06.09 :-)

hallo zämme
Ich ha dänkt stattnur mitläse schrib i jetzt au mol öbbis.
Mir hürote am 27.06.09 und hän jetzt d'Kirche, Apéro und REstaurant reserviert. Aber irgendwie goht mir das hochzytszügs e bitz uf dr "närv" und drby bin ich no nid halb so lang wie die meischte do inne am plane. Es goht eifach nüd so wie ich will. Überall han i miesse 2. oder 3. Wahl neh und jetzt simmer sit Ewigkeite wäge de Blueme und Deko am hin und här mache. Mir wächsle unseri Meinig allbott und sin jetzt komplett vo unserer erschte Idee wägcho. Leider sin au die Floriste wo mir sin go froge komplett unnützlich gsi. Alles wo die z'sage gha hän isch: Es isch no viiiiiel z'frieh zum sich um so öbbis sorge mache. Mir mächte aber d"Hauptblueme" uf d'iladigskärtli lo drugge und mien drum jetzt scho Bscheid wüsse. NERV.

Wenigstens isch mi Verlobte voll drby bim plane und überlege.

Lg