nicht registriert

hello swissmiss
herzlich willkomme

denn gahts dier genau glich wie mier...han mengisch scho so die schnautze voll!! vorallem immer all mit ihrem spruch: das gaht ja na mmeeegggaaa lang und so bla bla bla
handkerum seged all bekannte wo in letschter ziit ghürate hend, das d ziit uh mega schnell verbii gaht!!!
und de vo de apero location isch na de oberhammer...zerst het er immer gseit er müsi na abkläre obs würklich frei segi denn und wo ich denn wieder aglütet han zum fräge wie wo was...het de mich doch knall hert usglachet und gmeint das heg er jetzt au na nie erlebt das öpert so früeh planet!!!! aber hallo...er isch ja de wo scho gmeint het das denn s lokal evtl. scho vermietet het!! nei ich seg der da chum ich doch grad wieder en wuetafall über!!!
bisch denn nu eifacht zumene florist gange und hesch chli gfräget was sie so empfehled...
muess das jetzt denn au mal mache....gange am beste mal i de stadt zh go luege...bi de tüüre denn chan ich mal chli idee sammle

hallöli zäme

es isch so spannend, z läse, wo dir si dranne sit. anschiinend geits allne chli ähnlich. sobald me ds hochzitsdatum het, möcht me am liebste alles fix und fertig planet und organisiert ha :-)

mir hei itz no es zwöits resti für am aabe aagluegt und das gfallt üs seeehr guet. mau go test-ässe... :-)
und am letzte sunntig hei mir doch tatsächlech dr prototyp vo üsne tisch"kärtli" gmacht (si äbe steimannli, nid kärtli)

usserdäm si mir am überlege, wär vo üsne fründe dass mir für bestimmti sache frage - also mithilf bim dekoriere, apero ufstelle und abboue, musik, ev. hett o öpper es schöns alts outo etc. mir hoffe, dass mir so einersitts es sehr persönlechs fest chöi ha und zwöitens hätte mir o nid ds budget, für alles vo profis la z mache. drfür hilf i sälber itz grad a 2 hochzitte bir deko mit.

heit dir öii trauzüge scho gfragt?

grüessli, meitli

nicht registriert

Hey SwissMiss

üs gots ähnlich wie eu.... fühled üs genau glich... irgendwie passts bis etz eifach no nöd.... I hoff, da wörd sich no füege... Händ eifach no nöd da perfekt Rahme gfunde....

Mör hürotet im Juli 09

nicht registriert

Kaz, do muesch glaub kei Angscht ha, dass du dis Traumkleid nöd wörsch finde.... Du häsch jo no so lang da Zit und i glaub wennt gosch go aprobiere, gfalled der viellicht no ganz anderi Kleider. I wünsch der uf allfäll viel Glück dabi! I sälber bi no nöd sowit... i dänk, i wör im Herbscht emol go ineluege ine Brutmodegschäft... uf da freui mi etz scho

meitli: mer frogid d'Tauzüge da Wuchenend. Bi gspannt, wies wörid reagiere

Liebe Gruess

hallo zäme

auso bi üs gitts o sache, won i ganz bewusst no muess warte - z.B. äbe miter Bluemedeko. Sit mir üs verlobt hei, hett mini "Traum-Deko" sicher scho 5 mal gänderet und i dänke, das wird si o witterhin, o wenn i scho so e Idee hätt

@kaz: i spekuliere im Herbst uf abegschribeni Kleider, drum isches ja gar nid so schlimm, we me no nid genau weiss, was me möcht... u ar "normale Frau" gseh si eh nomal anders us als im Katalog - drum fröi i mi ufs Probiere!

so, und itz isches scho wider so spät, i sött eigentlech uf grossi Prüefige lere und nid duurend am Hochzit umestudiere - aber es isch so viu spannender Lere...

Grüessli, Meitli

Guete morge

@Manuela: ich weiss mir sin frieh dra mit de Blueme, ich möcht jo au gar nid scho genau wüsse wie's zämmegstellt wird sondern nur was möglich isch. Ich ha ebbe e rächt konkreti Vorstellig gha, aber irgendwie het das denn eifach nid funktioniert. Mini Lieblingsblueme isch Pfingstrose, die gits in dr Schwiz aber nüm ändi Juli. Ich weiss aber, dass in Ängland jetzt grad Hochsaison für die Blueme isch, aber hesch s'Gfühl irgendeine isch gwillt wenigstens zluege öb me die könnt importiere........ Jo, isch jo glich mir hän jetzt alles gänderet und hän jetzt e Kompromiss gfunde.

@Kaz: Mis Problem isch glaub ehnder, dass mir so vieli Kleider gfalle. Und vor allem ganz verschiedenigi Stil. Weiss gar nid wie me sich do denn söll entscheide.

Göhnd dir scho go Flitterwuche bueche? Ich ha gmeint das könn me erscht viil spöter mache. Es git jo so Agebot wo d'Bruut weniger zahlt aber do muess me denn jo s'Ufgebot zeige. Oder nid?

Griessli