Hallo Zäme

Nei ebe schösch lauft ned so vell bi eus... Mer händ efang, dLocation, dChele, dä Pfarrer, und dä ungefähri Ziitplan... Fotograf, ja hämmer eus glaub au geiniget. Ah ebe, Standesamt hämmer au scho Reserviert. Aber schösch... ah ja, dä Imarsch vo dä Chele Komischi reiefolg eusi Planig
Mis Chleid hani scho lang, aber mini Schue gangi ändlich no go hole am Samstig!! "Freumimega"!!
Ich han ergendwie sgfühl es Chlöpft plötzlich und es esch Mai und nüüt Organisiert!! Händ er das gfühl au? Jetzt womer no es paar Sache id Händ vodä Trauzüge gä händ, chonts mer sowiso so komisch vor!! Händ er dBlueme scho Organisiert?? Wenn düend er die Organisiere? Ich han no öberhaupt kei Ahnig was för Blueme!! Er??

Liebs Grüessli Kaz

05.05.09 / 09.05.09 Juhui nömme so lang wie au scho :-)

Hoi zäme

gad lescht weekend han i deicht, jetz miesst de im forum eis umhi eppis loife :-)))))

Mier si o fortloifend am plane und o scho umhi e bits wyter. Lescht samstig bin i ganz sponti ines brutmodegschäft gange und ha tatsächlich gad mis chleid gfunde :-))))) ha mega freid dranne. ga hyt am abe nois verbi zum no es föteli mache. mi schatz weiss aber no nid, dass i eis gfunde ha.

suscht hei mir d iladigscharte fertig, also so wie mier si wei mache. ds material isch jetz o daheime, jetz heissts de bastle. freu mi

im momänt si mier gad ade flitterwuche plane. respektiv macht das voll und ganz mi zuekünftig. u chunnt mi de eifach albe umhi cho update :-))) mier hei is fir indonesie und bali entschiede.

den hei mier:
d chilcha
d pfarrer meh oder weniger
d location
e filmer
d turtemacher
d ring
s ringchüsi
u no es paar chlini sache

wie gsehts bi eu mit em budget us? überall ighalte oder erhöht? ;-)))

mal no e andri frag: hed eue arbeitgäber o so doof da won ier d ferie fir nächscht jahr heid igäh... bi mier im gschäft git das mega diskussione ob i jetz die 4 wuche ferie darf näh oder nid. gä gad nach em hochzyt id flitterwuche... bis jetz han i geng no kei bscheid ubercho.

freue mi scho uf witeri bricht vo ech

grüessli
monika

Mier hirate am 16. Mai 2009

Hoi zämä!

D Ziit vergaht eifach fascht e chli z schnell, weni dänkä, was alles no uf üs zuechunnd!
Aber es isch e tolli Ziit ! (muess aso au gseit si!)
Mich nimmts wunder, ob iehr alli üchi "Verwandte", Kollegä und so scho igweiht hend - oder ob iehr eifach s Ganze drum herum reglet und denn allne Bscheid gäbed...?
Mier sind drum so langsam am verzellä, was mier nöchscht Summer vorhend. Obwohl ich irgendwie s Gfühl ha, dass mier rächt früeh dra sind.. Üsi Eltärä wüsseds, e Teil vo de Gschwüstertä und es paar engi Fründe. Möched jetzt chli so wiiter bis Wiehnachte.
Die letschtä Lüüt erfahreds denn im Früehlig dur s Chärtli..

Wie gsehts bi üch us?

Liebi Grüess

Sheila


..... Es ist wie es ist, sagt die Liebe......

Miär freuid üs uf e 8. Auguscht 2009

Editiert 01.10.08

nicht registriert

Hoi zämme

Hey cool, dass ihr mal wieder in dem Thread schriebet. Da ich im Kt. Züri wohne und im Kt. St. Galle hürate, chan ich bi dä Brüt us Basel, Bern usw. halt nöd mitschriebe.

Also bi üs wüssets ca. d'Hälfti vo dä Lüt. Da ich mis Glück mit allne teile muen wüssets scho alli. Min Schatz isch chli zrugghaltender. Sini Eltere und sin Brüeder wüssets. Dä anderne Verwandte seit ers an Wiehnachte und sini Arbeitskolege erfahrets erst mit em Kärtli.

Wenn ich so eui ufzählige gseh, sind mer fast chli hinnedri. Als nächsts werdet mer üs mit dä Trauzüge treffe, dä Fotograf no def. bueche, mal mit dene vom Restaurant es paar Frage kläre und no en Saal sueche für dä Apéro nach em Zivile.

Es paar Sache, wo ihr scho erledigt händ, werdet mer aber erst nächst Jahr mache, z.B.:

- Hochzietsturte inkl. Figure
- Ringchüsi
- Esse am Apéro und dä z'Nacht
- Strumpfband
- Flitterwuche bestimme
- Iladige und Homepage fertig stelle
- Probefrisur und Make-up

Lg

Manuela

Mir trauet üs am 29.05.09 & 06.06.09

Editiert 01.10.08

Hallo mitenand

Möcht mich au zu eu gselle, und mich mit eu ustusche.

Mir hürotet au nöchst Johr. Am 12.6.09 zivil und am 20.6.09 chirchlich.
Mir hend bis jetzt
-Standesamt
-Chirche
-Pfarrer
-Schönwetteraperoort
-Partyruum
-Iladigschärtli sind bastlet und textet

Im Moment simmer gad am Wunschbuech, Partyservice, Musik am Obig, Schlechtwetteraperoort.

Fischli

Hallihallooo!

Langsam aber sicher tuet sech öppis :-D

Mir hei ou fängs d Chiuche reserviert (bim Formular usfülle heimer xeh, dass mer äuä mau für ne Pfarrer sötte luege.) Das het när ou grad supergäbig klappet.
Z Restaurant hei mir ou scho reserviert.

Mir hei im Juni "Safe-the-Date-Chärtli" verschickt, d.h. üsi gladne Gescht wüsse itz scho alli das mer hürate. So chöi mer üs ou gäbig Zit bis im Jäner-Februar-März la mit de definitive Iiladige.

Schüsch hei mer eigentlech no nid viu.. mir tüe ou sehr viu üsne Trouzüge überla (Apéro, Unterhaltig, etc.)

Aus nächschts wei mer de provisorisch d Zimmer im Hotel reserviere.
Und natürlech im Novämber ga luege für nes Brutchleid

Liebi Grüess


Mir troue üs am 06.06.2009