Hallo zusammen

Wir haben bis jetzt:

- Kapelle
- Restaurant reserviert
- Brautpaar Fahrzeug reserviert
- Gästetransportreserviert
- Pfarrer angefragt (erwarten nächste Woche Antwort)
- Kleider anprobiert, aber noch keins sicher gefunden

Liebe Grüsse,
Susanna





Wir heiraten am 05.09.2009

Hoi Mettenand

Cool, ich ben grad mini Bruutschue go abhole!! Mega!! I mim Verlobt gfallets au . Mini Bruutfüereri esch au grad nomol metcho, und tatsächlich, hämmer för sie au no grad es Chleid kauft Freut eus jetzt mega!!
Bi eus wösseds jetzt dä glaub au all, au ich han doch mis Glöck müesse met allne Teile aber min Verlobt esch au chli zroghlatender... langsahm chonts met "freiwellig" säge .
Ich studiere scho länger a dä Blueme ome... Händ er do scho idee?? Was mer nochli omestudiered, esch Schlächtwätter Variante vom Apero!! Hoffentlich esch schön !!

Wönsch eu e guete Sonntig und bes gli
Kaz

05.05.09 / 09.05.09 Juhui nömme so lang wie au scho :-)

Hi Karin
Bi dä Zeremonie semmer au no ned wiit, das gömmer dä im Januar a. Aber mer händ afe öberleit, wie mer inelaufed... Das heisst, min Verlobt und sis Mami werded als erst inelaufe, hendenache Trauzüge, und wenn alli defore send und no en churzi Spannigs Minute verbi esch... werd ich met mim Papi inelaufe. Dä Chor hämmer au scho agfragt, und schösch hämmer no nüüt. Es werd uf jedefall sehr klassisch, öpper werd no en Text vorläse und es paar Fürbette werds secher au no gä. Dä rest chunt dä no... DPlanig werd haupstsächlich min Verlobt öbernäh, da er au mol idä Chele gschaffed het.
Vell Spass no und liebs Grüessli
Kaz

05.05.09 / 09.05.09 Juhui nömme so lang wie au scho :-)

Hallo zäme
mir sind,oder besser gseit ich bin au wieder än schritt witter. Bi hüt mit minere Trauzügin go s Brutchleid usläse. ich bin scho vorab go umeluege und ha 2 idi änger Uswahl gno, und hütt han ich mich entschiede. Ich bin richtig glücklich und freu mi scho richtig bis ichs wieder dörf alegge.

i Sache Zeremonie hemmer nonig gross überleit. Min Zuekünftige wird aber sicher idä Chîle vorem Altar uf mich warte und ich lauf mit mim Papi inne.

ä Frog a alli 2009-er Brütlis: wenn machet ihr d Paar-Föteli vor oder noch dä Chile?
Min Wunsch isch äbe noch dä Chile, aber min Zuekünftige hätt Angst das mir kei Zitt hend däzue. Wie machets ihr?
Hüt han i au no am Partyservice aglütet und wart jetzt ufd Offerte.
Jojo äs got öppis.

Fischli

Ä grossi Liäbi - mir hürotet am 20. Juni 2009

Hallo zämme
Wow danke für die Imputs!
D website vo www.kirchenhochzeit.ch/ablauf esc mega guet gsi!

Naja i glaub da chunt scho met de ziit!

I weiss s ine laufe met mem papi isch scho mal klar¨! ben me na chli am ablauf vo de Zeremonie i de chile am hirne, aber vellecht chan mer da au de Pfarrer na tips ge!


@manuela24: I lan d blueme vo de Schwöschter vo mim Schatz mache¨
Sie isch Floristin! han mini idee was i mer vorstelle und de rest lan i ere freie hand!
Lan gad als det mache! Deko i de Chile, Gsteck am Apero, Brutstruss, tisch deko im Restaurant,usw...


@fischli: Mir mached d Föteli nach de Chile! Ich find de partner sött eim ned gseh vorher! isch doch de reiz ide chile, wenn er det vorne wartet, un mer ine lauft! wenn mer enand aber vorher scho gseht isch das doch weg! ich fänd das schad! Nachher gits immer na gnue ziit zum Fötele! d gsellschaft söt ja den au na debi si!
Mir gönd den uf em Wäg is Lokal wo mer am abe hend na z zweite en abstecher ga mache u nd mached dört na allei Föteli¨

Grüessli

Hallo Fischli

Mir gönd am 15:00 id chile!

Den wenn us de chile chunsch Wirsch ja met glückwünsch erscht beschäftigt si!
und a stosse und und und
Nachher s Fötele mit de Gsellschaft wir den nachher wenn e
als chli ruhiger isch. de erschti Rummel dure isch. da gaht öpe halb stund! A hochziite wo i bes jetzt gsi be het da forig glängt! Me mus eifach chli vorbereitet si! s Brutpaar staht den eifach immer det und das rundum wechslet ab je nach dem wer mer i wellere konstelation wet druf ha!
Sött halt viellicht uf me zettel parat sie! Zum Biespiel! Foti mit Trauzüge, den mit Fründe, den nür Familie, ......
Im Summer hesch ja ziit de musch ned pressiere wird ja ned Dunkel! und mir denke jetzt wenn mir uf em wäg sind zum resti werde mir irgenwo ame süesse Waldafangs plätzli ahalte und na in rueh und Idylle na es paar nur vo eus zwei mache!

Wenn hend ihr den d Chile?
Vor was meint din Partner heg er kei Ziit me! ga ässe gasch ja e ersch so 6i oder 7ni!

Grüessli Karin