Wieviel Zit rechnisch denn für dä Apero?

Üse Zitplan gseht im Moment öppe so us:
12.00 Besammlig vo dä Gäscht
12.30 - ca 13.40 Chirche
13.45 - 16.15 Apero mit Fötele vo Vereine etc. Das ganz ebrucht scho mega Ziit, mir rechnet mit mind 120 Aperogäst
16.30 Abfahrt zum Partyruum
Unterwegs machet mir Föteli mit dä gladne Gäst und dä Trauzüge - 17.15
Trauzüge mit dä Gäst gönd witer und mir machet no Paarföteli - 18.30
Gäst holet üs wieder ab und mir fahret zum Ruum
19.15 Akunft im Ruum
19.30 Vorspies...........und so witer

Min Fründ meint eifach das Zit für dä Apero z knapp isch und er findets auch achli dof das mir am Nomitag nöd die ganz Ziit mit dä Gsellschaft verbringed.

Wielang rechnet ihr denn das euchi Chile got?

Fischli
Ä grossi Liäbi - mir hürotet am 20. Juni 2009

Sali zämme

Wie i gseh sind Ihr alli scho mega witt, bi üs haberts no a de Iladig, Obeprogramm und Gästetransport. Zu de Blueme hei mir üs noni so viel Gedanke gmacht.

Mir wärde au d' Föteli vor dr Chile mache und nachher d' Gruppeföteli und di gstellte.

Organisiert hei mir scho:

- Hochzitschleid
- Zivili Hochzit
- Location
- Apero
- Catering
- Pfarrer
- Trauring ( gönd mir am Samschtig goh bstelle)
- Gastgeschenke ( müssen sie noch fertig herstellen)

I ha s' Gfühl i vergisse immer öbis, aber ebe. Am Sunntig hei mir no Tätschmeister und Trauzügeträffe, i freu mi scho uf di viele Ideen!

Liebs Grüssli
Surri

Mir traue üs am 19.12.08 & 22.08.09

Hoi Fischli

Wow hend ihr en dure plante Tag¨

Mer nämed das scho chli wes chunt! eifach met de rahme ziite!

D chile fangt am 15:00 a! gaht öpe e stund!

den de Apero und Föteli chönd bes em 6i ga wenn s gmüetli isch und den sind aber immer all gescht debi! hend öpe glichviel gescht!

den fahred all ab wo met eus am abe gönd ga fiire!
det wartet vor em resti en Apero vor em Ässe! mer chömed den öpe 15 Min später well mer na paar Föteli mached!

Den sobald mer sowiet sind denk mal so halbi achti met ässe afange!

Ich wett eigentli chöne de tag gnüsse und ned müsse di ganz ziit ufd Uhr luege!
Aber so hets jede andersch, die eine brucheds das genau wüsse wenn was chunt!

Grüessli Karin

Wieviel Ziit rechnet euche Fotograf denn für d Paar-Föteli?
Bi üs häts gheisse, dass mir minimum ä Stund (eher 1.5h) müend rechne, wenn nöd eher meh. Und bi mir ischs halt scho so, ich liebes Föteli zmache und noh meh, liebis nocher Föteli azluege.

Ä grossi Liäbi - mir hürotet am 20. Juni 2009

Hallo Karin

I ha mit däm jetztige Zitplan au s gfühl äs chönnti lange. Weisch ich bi uh unsicher gsi, jedem wohni verzellt han, dass ich erscht noch dä Chile möchti fötele, hend gseit, dass da än u Stress seg unds vorher äbe viel gmüetlicher seg. Und min Schatz hätt au gmeint er kenni mich jo und wenn denn d Frisur nüme sitzi oder s Kleid dreckig sege, stinkis mir denn zum Fötele. Aber min gröschte Wunsch isch äb scho ihn s erscht mol idä Chile zgseh.
Sicher chönnt mer säge äs git au anderi Ort für die erst Begegnig aber für mich isch das äbe schönst. Mer cha sich au i dä Chile in Arme neh und sich an Kuss geh. Das ghört jo au dä zue, und muemer halt mitem Pfarrer au so abmache.

Karin, häsch du dis Kleid scho?

Fischli

Ä grossi Liäbi - mir hürotet am 20. Juni 2009

@Karin
Nöd unbedingt, das s Kleid bim Chilegang dreckig wird, aber bim Apero isch das halt scho schnell mögli. Aber weisch mich muesch au nöd überzüge das mer d Föteli noch dä Chile macht. Für mich isch das jo au än riesige Wunsch. Und i glaub gescht han ich min Schatz au scho fascht ganz devo chöne überzüge dass das doch schönste isch, und s jo üse Tag isch, und für üs mue stimme und nöd für d Gäscht falls die öppe ä stund ohni üs wäret.

So i gang jetzt au, ab id Federe, go träume vo mim Kleid. Guet han i no äs Föteli gmacht so chan is immer wieder aluege. Schwärm.....
I meld mi suscht gern mol per Mail, denn chömmer üs immer mol wieder ustusche wa bi dä jewilige lauft.
Fischli

Ä grossi Liäbi - mir hürotet am 20. Juni 2009