Hee Bruut2009 das isch ja en zuefall. Mir hüratet ja vermuetlich (wän alles klapped das dä termin no frei isch und ich hoffes sooo) am 09.05.09. Gseit hanis im gschäft es paarne und mini familie weises, aber susch nanig sooo viel lüüt. Mir wänd au grad aschlüüsend id ferie, Bahamas oder Maledive , und da sich nachher au evt scho es zwergli achündet, wetti nöd zwiit flüüge..isch no schwierig hihi.

hallo liebi 2009er brüüt!

wägem termin vom zivilstandsamt isches sehr verschiede!
bi üs (SO) chame bereits 6 monet vorher reserviere und für d samschitgstrouuige sogar 12 monet im vorus! :-)

lg

daniel & sibylle 19.01.01= 30.05.2008 / 07.06.2008

Hoi

Ja ich bin au 25gi (innere Wuche ) und min Schatz wird 31 das jahr. Zäme simmer sit 6 Jahr und mir sind au us Züri. (Züri-Unterland)

Wo hüratet ihr, im grosse Rahme?

nicht registriert

hallo ihr liebe....

mier hend eus am weekend für e lokation entschiede und mal prov. reseviert....
aber bi eus tüend sich scho di erst problem uf betreffend apero-lokation...und ich han immer denkt ich bin verruckt jetzt scho sache reserviere!!!
die lokation isch denn evtl. scho bsetzt und heti inedra für so viel lüüt (100-120 persone) gar kei platz...
mach mer jetzt scho en riese stress um de tag!!! grgrgrgrgrgrgrg
mier chönd erst am 15.00uhr id chile will vorher scho öpis stattfindet...denn hend mer denkt apero vo 16.00uhr bis ca. 18.30uhr bi de kirche..bi de kirche hets e fantastischi ussicht über zürich und en schöne garte zum fötele...denn chented mer (s bruutpaar) mal so ca. 30min abschlieche zum föteli mache und nachher na mit allne es paar gruppefotis mache.
nur isch jetzt s problem wenn mer nöd chönd dete de apero mache münd mer ja nach de kirche mit de autos irgendwo anne...
und wenn mier denn na weted föteli mache nach de kirche siitzed d lüüt blöd ume und münd uf eus warte...oder sind scho allei bi de apero lokation ohni bruutpaar!!!???? ich wet ebe das min amore mich erst i de kirche gseht...suscht chönted mer ja d fotene vorher mache....mmmhhhh
...so um 18.30uhr würdet mer denn ca. 10min fahre ad lokation wo s fest (50persone) isch....

@ stupsi

hey mier sind au us em züri unterland....
mier hüürated am 03.06.09 zivil und mached aschlüssend es ungezwungnigs grillfestli mit apero...chan cho wer will...
sicher eusi eltere, brüedere und trauzüüge

und am 06.06.09 denn i de kirche..mit ca. 120 persone bim apero und ca. 50 persone bim esse nachher...

nicht registriert

Hallo Pilz

Vielen Dank für din Biitrag...und ich gibe Dier total recht...
Wenn mer vor de Chilä s Shooting scho macht het mer das erledigt und mer chan gmüetlich mit de Fründe und Familie an Apero...
Handumkehrt wet ich würklich nöd das min Fründ mich vorher scho gseht...und da mier eifacht es paar gueti Fotene vor de Chilä wend sööted mer sicher 30min entbeerbar sii (falls de Apero jetzt gliich dete isch) oder d Gäste chönd nach em gratuliere au na 20min warte bis mer vor de Chile (bzw. dete im Garte) es paar Fotis gmacht hend und denn all mitenand zu de Apero Lokation gönd.....
Chönted ja evtl. Champagner, Osaft und Wasser usschenke vor de Chile währed em warte....
Da mer nachher (dete wos Fest isch) au anere schöne Loaktion sind chönd mer immerna vor em Esse namal 20-30min Föteli mache....
Mir sind die gstellte Fotene nöd so wichtig...Natürlich wet ich es paar aber ich han denn lieber momentufnahme vom Fest oder em Apero vo Eus....
Was ich na muen abkläre ob euse Pfarrer s Fötele i de Chile erlaubt...
Im Vertrag staht es isch verbote und viel hend mer jetzt aber gseit das es Pfarrer abhängig isch....falls nöd gseht die Gschicht au wieder andersch us...!! Will denn bruchts sicher chli meh Ziit zum au i de Chile inne z fötele und denn muen ich evtl. gliich uf de MOMENT verzichte wo d Chiletüüre ufgaht und min Maa mich s erstmal gseht....
Vo dem MOMENT träum ich scho spoo lang das ich würklich wert lege druf...

hallo zäme

ja, manuela, das han ich zersch au dänkt... mir hüratet im juni 09, dänn simmer scho über 5 jahr zäme... bin aber mit mine 23gi (nächscht jahr) eini vo de jüngschte i dem forum... aber min schatz isch halt au 6 jahr älter als ich...

wo hüratet ihr so?

liebi grüessli