| hochzeit 2009... |
|
|
1 .. 5 6 7 8 9 .. 19 .. 29
|
26.02.08 23:02
Pilz 
|
Re: hochzeit 2009...
hallo ihr,
ich finds mega cool das ihr au scho so am planä sind.ich hans amigs gfüll das ich sfest stress.aber ich bin glaub nid diä einzig wo so am umäfreudälä isch 
Aber ich glaub ich bin diä jünst mit 21gi. Mir hüratäd im Züri Oberland und ich freu mich mega.
Liebs Grüässli und viel spass a dä vorbereitigä. Und gnüssäd ganz fest ich duäs ämel ;-)
Pilz
Mir hüratäd am 20.6.2009 jupi
|
|
|
|
|
|
29.02.08 08:28
trulla09
|
Re: hochzeit 2009...
Hey, pilz
ich bin 22gi, hürated au am 20.6.09 und sind au usem zürcher oberland.
wo hürated ihr dänn?
lg trulla
|
|
|
|
|
|
29.02.08 19:10
Pilz
|
Re: hochzeit 2009...
Hey Trulla
Mir hüratäd ufem Sternäberg, das isch ä hammer Kappälä.Und Ihr?
Liebs Grüässli
Pilz
Mir hüratäd am 20.6.2009 jupi
|
|
|
|
01.03.08 12:08
Manuela24nicht registriert
|
Re: hochzeit 2009...
Hoi zämme
Ui da sind ja einigi scho mega guet vorbereitet. Mir händ no überhaupt nüt buechet oder üs detailliert überleit. Ich weiss erst, an wellne Date ich gern hürate würd.
Isch leider au chli kompliziert wegem 'Wo'. Mir wohnet am linke Züriseeufer, aber das erst sit em Herbst. Händ dementsprechend gar kein Bezug zu dä Kirche vor Ort oder dä Gmeind. 
Drum sind mer am überlege, ob mer in dä Gmeind, wo min Fründ schaffet wänd hürate. Er isch ebe det Polizist und hät drum au en Bezug zu dere Gmeind. Und wege dä Kirche sind mer am drüber nachdenke, ob mer in Walestadt (SG) hürate wänd. Det isch min Schatz ufgwachse und tauft etc. worde.
Hüratet ihr all in euere Gmeind/Stadt oder wie händ ihr eu entschiede?
Liebi Grüess
Manuela
|
|
|
|
02.03.08 12:54
Pilz
|
Re: hochzeit 2009...
Hoi Manuela,
nei mir hüratäd nir i därä Gmeind wo mir wohnäd au nid i der ä Gmeind wo mir id Chilä gönd.
Das isch duäm Grund will mir mal äs Weekend gha händ in Sternäberg und mir am So im Godi gsi sind i derä Chilä. Und mir irgen döpis düf im Herzä hät gseit i derä Chilä wirsch du hüratä. Ich han dänn min Schatz gfrögäd was er meint. Und erhät gfundä moll i derä Chile will er au hüratä.
So isch das bi eus gangä.
Ich find das chönd ihr eui würklich Ziet la und vielicht au mal chli go Chilä aulägä. Wänn ihr voll überwältigt sind vo "därä" Chilä dänn wirds diä si. So is ämel bi eus gsi :-) Viel vergnüägä bim Chiläentdeckä. Und lah dich nid stressä wäg dä vorbereitig ich find mer sölls eifch so näh wiäs chunt. Und swichtigst isch das mer eifach mega chan gnüssä egal was mer am vorbereitä isch.
Viel Spass schönä Sunntig
Pilz
Mir hüratäd am 20.6.2009 jupi
|
|
|
|
02.03.08 16:24
trulla09
|
Re: hochzeit 2009...
hallo manuela und pilz
ja, bi eus isches so, dass mir eus für savognin zum fiire entschiede händ, will min grosspapi en kolleg hät, wo det es hotel füehrt. die händ en wunderschöne saal und drum hämer eus für s bündnerland entschiede. d chile hämer ersch nachher gsuecht. de kolleg vo mim grosspapi hät eus dänn paar schöni ufgschriebe und mir händ amene wunderschöne sunntig im letschte september en chile-tour gmacht und händ eus für en wunderschöni alti chile miteme herrliche uusblick in salouf entschiede.....
de aatrag ufem sässeli vo mim schatz isch übrigens oberhalb savognin gsi, womer letscht wuche zwei ski-täg verbracht händ- und während em aatrag hämmer usblick uf *euses* chileli gha... (han gar nöd gwüsst, dass min schatz so romantisch sii chan...) uf jede fall isch er jetzt au voll im hochziits-fieber...
also, manuela, d pilz hät recht: euches gfüehl wird euch scho as richtige ort bringe! am beschte möched ihr mal en uusflug... oder viellicht händer au en ort, wo für euch sehr viel bedüütet...
wo wohned ihr dänn?
liebi grüessli
trulla
|
|
|
|
02.03.08 16:45
Yasi
|
Re: hochzeit 2009...
Hoi zäme,
also min Liebschte und ich wärdet im Juli 09 hürote. s'Datum isch nonig fescht. mir sind schochli am umeluege wäge Chile und en Ort womer chönd esse. aber es isch no recht schwierig. mir finded, dass mir z'erscht d'Chile müend ha und denn quasi chönd drumumeplane. allerdings simmer recht frisch an Bodesee zoge und wüssed nonig so, wo dases schöni Plätzli hät. will mir keis Auto händ, tüemer jetzt amel langi Spaziergäng mit Chile-aaluege verbinde. das isch au no schön.
die einte Päärli sind jo scho mega wiit mit Plane. mir machts au mega Spass nume fählt mir Zyyt oft echli dezue.
liebi Grüess
Yasi
|
|
|
|
03.03.08 21:00
Manuela24nicht registriert
|
Re: hochzeit 2009...
Hoi trulla
Mir wohnet in Adliswil, das isch in dä Nächi vo Züri (linki Seesiete). Mini Verwandte/Bekannte chömet vo Züri, sini alli vo St. Galle. Dä Ort vo dä Hochziet chunt also nöd würklich druf ah, irgendöpert muen eh immer ume reise. 
Mir würd ebe die Chille wo mim Fründ so gfallt au gfalle. Aber im Herbst 06 hät det sin Brüeder ghüratet und irgendwie han ich eifach bendenke, dass sini Verwandte, wo det ja au all däbi gsi sind, denn verglichet oders langwielig findet. 
Wie händ ihr das denn mit em Pfarrer gmacht? Chunt dä us euere Wohngmeind mit oder händ ihr vor Ort eine gsuecht?
Liebi Grüess
Manuela
|
|
|
|
|
|
|
|
1 .. 5 6 7 8 9 .. 19 .. 29
|
Anmelden
und mis brutchleid han ich au scho .. han zwar nume mal welä goge luege aber das chleid isch wie für mich gmacht gsi 
)