hallo zäme

wow, da si ja scho richtig viu 2009-brüt! so schön!
mir si im momänt am umeluege fürne homepage z gstalte, hei o scho öppis usprobiert. macht mega spass :-)
kennt öpper vo öich e gratis-homepage, wo me gliichzittig es wunschbüechli cha ufschalte (so dass automatisch aazeigt wird, weli artikel scho verschenkt / no offe si?

üsi chiuche hei mir o scho fasch definitiv, dummerwiis cha me dert, wo üsi 1. wahl wär gsi nume am morge vor 11.00 oder am nami ab 15.00 hürate. passt üs beides nid, will üsi gäst z.t. vo wit här aareise und mir anderersitts im herbst wärde hürate unds schad wär, wenns scho fasch dunkel wird, we me zur chiuche use chunnt...
hei üs o no überleit, dr apero eifach VOR er trouig z mache. find i aber irgendwie o schad...
itz hei mir e anderi gfunde, wo chli abglägener ligt, aber o sehr schön isch. gfallt mir o guet, wil i sälber vom land chume und gärn ime chliine dörfli hochzit fiire.

@manuela24: für wie vil lüt suechet dir e chiuche? wünsche dir viu erfolg bim wittersueche. cha verstah, dass du nid unbedingt dert möchtsch, wo di zuekünftig schwager het ghürate. wenns nid grad i däm dorf isch, wo öpper vom brutpaar ufgwachse isch, find is o irgendwie komisch, wenn scho öpper vo de verwandte dert het ghürate.

grüessli und öich allne e schöne aabe!
meitli

nicht registriert

hallo ihr liebe 2009-brüüt...

au ich bin wiedermal vom fieber agsteckt...
han immer so phase...ziitewiis chan ich de ganz tag a nüüt anders denke und denn chan ich wieder wuche-wiis nöd dra umestudiere

het öpert vo eu en guete fotograf/-in im ruum züri wo guet aber nöd so tüür isch...
das isch s nächste wo mier agönd....hend denkt, dass mer für d chile, s fotoshooting und de apero (ca. 3 1/2h) en rechte fotograf nämed und nachher für s fest 2 kolleg wo hobbyfotografe sind afräged....

ich hoffe es gaht eu allne guet...

@ manuela

mier hend e page bi www.wirheiraten.ch und euses wunschbuech uf www.hochzeitswunschliste.ch verlinkt mit de page...die wunschliste isch würklich super!!

grüessli a eu alli und bi eus gahts hüüt genau na 1jahr und 3 mönät...jjjuuuhhhhuuuuiiiii

nicht registriert

hey bettina,

danke viel viel mal!!! du bisch jetzt grad es gschenk vom himmel gsi...
das isch ja genial...ich kenne die sogar und die sind grad es dorf nebed dem wo mier hüürated...
ich han immer denkt das die mega tüür sind aber das isch ja no en priis wo mer chan zahle!!!
denn mached ihr das zimlich änlich wie mier...
wenn düen ihr genau hüürate?

nicht registriert

oh sorry bettina

du hesch es ja une gschriebe...am 20. juni...schön...
bisch au scho so ungeduldig wie ich??

at bruut2009
mier hend uis em ruim züri (wädenswil), chemit aber uberall idä schwiiz, folgendi:
www.bildmacher.ch

sind ziemlich günstig. vom 12.00 uhr bis open end (ca 02.00) netto 1800.-. bis und mit em apero sind zwei fotigrafä vor ort. dezu nehmit mier aber nu s'album und d'mitternachts-dia show. das chostet natürlich äxtra.

sind aber tolli type und die detailfotoart vo ihne gfallt mier mega.

griässli
nordliecht


miär freyid eys uif de 6. septämber 2008 :-)

nicht registriert

han der es mail gschriebe bettina...

ich freue mich ja soooo fest das ich jede tag euse ticker muen studiere und mim schatz jedetag chan sege wie lang das es na gaht!!¨tststststts

weg em fotograf bin ich s jetzt grad mal am abkläre...
muen denn deheime na i mine unterlage luege...han ebe scho verschiedeni offerte deheime...

die vo de bildmacher übrigens au...aber die art ag isch mer tatsächlich nöd vorher in sinn cho...dadezue han ich d bettina brucht...;o)