nicht registriert

Hoi zämme

Unglaublich wie viel in dem Thread lauft - chunt mer ja chum meh nach...

@ trulla

Danke viel mal für Dini Tipps und Dini Hilf.

Ha mich jetzt recht intensiv dämit befasst, ob ich jetzt in dä gliche Chille wie min zuekünftig Schwager wet hürate oder nöd. Ha mich jetzt entschiede, dass ich das glich will. Und zwar us dem eifache Grund, dass es die einzig Kapelle isch, wo ich en Bezug däzue ha. Ich ha sit minere Kommunion nüt meh mit Chille chönne afange und d'Hochziet vom zuekünftige Schwager und Taufi vo sim Sohn hät das unterbroche. Vo dem her ischs sicher es guets Omen.

Ha mit em Schatz jetzt eifach abgmacht, dass mir nöd dä glich Pfarrer, nöd die glich Musik, ganz en andere Bluemeschmuck wänd und vor allem wet ich dä Apéro nöd am gliche Ort. In dä Nächi vo dere Chille häts ebe nur 1 Resti und bis jetzt händ mer denkt, mir chönet dem gar nöd uswieche und jetzt isch üs gestern Abig d'Lösig in Sinn cho. Die Chille staht uf enem Berg und zum go Esse gönd mir nachher eh id Stadt abe, s'Resti liet grad bim Walesee. Und jetzt wänd mer für dä Apéro es Schiff uf em Walesee miete. Freuet üs scho mega!

@ meitli

Das isch scho d'Chille, wo min Fründ ufgwachse isch. Bis er däheime uszoge isch, hät er schön brav mit dä Eltere jede Sunntig id Chille müesse. Vo dem her verstah ich, wieso sowohl sin Brüeder und au er sich zu dere Chille hizoge fühlet.

@ bruut2009

Mir händ scho Trauzüge. Isch s'erste gsi, wo mer organisiert händ. Wieso au immer. Suscht händ mer ja no nüt buechet oder so. Viellicht händ mer üsi Vorfreud eifach mit öperem teile welle.

Liebi Grüess an alli

Manuela

Hallo zäme

bin absoluter Neuling hier...

Heirate auch im 2009 voraussichtlich am 30. Mai 2009 kirchlich und am 27. Mai 2009 Standesamtlich...

Habt ihr schon viel angefangen mit den Vorbereitungen?

Ich geniesse die "Vorhochzeitszeit" in vollen Zügen.

Viele Grüsse
Monika

hoi bruut 2009

ja de name stimmt :-))))

ha vorhär gad di bricht gläse wo du beschribscht wie du dier das vorstellscht we du id chilche chuscht mit em paps am arm u vore der zuekünftig ma gsehscht stah... da gits wirkli nume träne pur. ehrli gseid han i o geng das bild vor mier... äs ischt aber e mega scheni vorstellig :-))))

mier hei is o entschide im 2009 ds hirate, da mier dises jahr am 25. april fir 3 wuche no uf vancouver gä und mier o no gnueg zyt hei zum e grosse batze uf d site tue....

ganz definitiv hei mier no nyt. üses wunschdatum isch äbe de 27. mai standesamtlich und der 30. mai kirchlich. die date hei mier gwählt will mier anem 27. jänner si zäme cho, i am 27. auguscht geburi ha und o am 27. de hiratsatrag ubercho ha. U de 30. hei mier gwällt will mi schatz gäre endi mai wet hirate. Endi März gä mier de ds wunschrestaurant ga agschoue und we das klappet die miers när feschtlege.

mier wisse scho das mier ds standesamt in chlote wärde mache, chirchlich in grindelwald und ds fescht wette mier ir nechi wo thun ha... aber äbe das chunnt no us. d iladigscharte hei mier scho so d prototyp. d ring gä mier nächscht samstig bim goldschmid ga bespräche, respektiv ds muschterexemplar ga agugge, hoffe är het die würkig wien i mier das vorstelle. und äbe suscht o vili idee und vorstellige...


Liebe Gruess u i freue mi scho umhi eppis vo dier ds läse
Monika

Editiert 28.03.08

Hallo Lena
Ich wünsch eu viel spass uf dä Chilä Tour.
Wänn dus schönä Züri Oberland meinsch dänn ja :-)
Mir händ eusi Traumchilä scho gfundä und reserviert. Sie isch ufem schönstä Berg und zwar ufem Sternäberg :-)
Viel Spass
Grüässli Pilz
Mir hüratäd am 20.6.2009 jupi