| Hochzeit im Herbst |
|
|
1
|
26.02.08 13:45
Izzy 
|
Hochzeit im Herbst
Hallo zusammen
Wir werden am 6. September 2008 heiraten. Mittlerweile sind wir schon ziemlich weit. Die Einladungskarten sind im Druck und wir möchten diese im März versenden. Ansonsten haben wir die "grossen" Sachen alle schon organisiert. Ausser Brautkleid, Anzug etc.
Wie seht ihr das? Sind wir echt sooo früh dran? Die meisten aus unserer Umgebung haben das Gefühl, wir seien doch viel zu früh mit allem und hätten noch lange Zeit. Sicher geht es noch 6 Monate aber das können auch "nur" 6 Monate sein. Oder findet Ihr auch, dass man alles "zu" früh organisieren kann?
Liebe Grüessli
izzy
|
|
|
|
|
|
26.02.08 14:03
Sille
|
Re: Hochzeit im Herbst
@izzy
wir haben den gleichen termin wie ihr  und haben die einladungen bereits zu weihnachten versandt. liegt aber auch daran, dass einige aus D anreisen und wir einfach den termin bei allen fest verankert haben möchten - immerhin gehen da viele noch in die ferien.
ansonsten ist soweit alles fest: kirche, apero, dj, restaurant, schifffahrt, visagistin, sängerin für kirche, gästeanstecker, teil der deko für den festsaal
am samstag besprechen wir das 2.mal unsere ringe und dann werden sie gefertigt und am 5.3. gehts zur kleiderauswahl. andi geht erst im april/mai nach seinen anzügen schauen.
was noch zu erledigen ist: genaue menüwahl im restaurant, deko kirche, gespräch mit pfarrer, termin 4.9. beim zivilstandsamt fixen
öhmm....hab ich was vergessen?????? 
also: ich find nicht, dass ihr zu früh dran seid. wir sind genauso weit, wenn nicht sogar weiter. alle anderen dinge organisieren unsere trauzeugen (transporte, spiele etc.)
irgendwie wollten wir schon noch die "zügel" in der hand behalten und die erfahrung hat gezeigt: je eher man sich kümmert, umso einfacher ists, was passendes zu finden.
kanns nun kaum noch erwarten!!!!!!  
Sille & Andi heiraten am 6. September 2008
www.wirheiraten.ch/SilleundAndi
Editiert 26.02.08
|
|
|
|
26.02.08 14:11
nordliecht
|
Re: Hochzeit im Herbst
hoi izzy
scheen ai en 6.septämber bruit! wo fiirit ihär?
bi dui froh, dass so friäh dra bisch. ich han 10 1/2 mt. vorhär aagfange z'organisiere und bin fascht wahnsinnig wordä, will all meyni wunschpfärrer und location uisbuechet gsi sind. aber zum glick het sich s'einte zum andere gfiägt und jetzt isch absoluit perfekt fir eys.
bi eys nimmts ai langsam gstalt aa. d'charte sind aber nunig verschickt. die werdid mier erscht am 6.mai verschickä. bi eys wissits jedoch alli gladnä gäscht scho und hend ai scho zuegseit  . mier hend de pfarrer, d'kapällä, s'bähndli fir det uifä isch reserviert fir eys, de apero, d'aperolocation, s'hotel wo mier schlafit und fiirit, d'traizigä und de tätschmeischter sind aagfragt (und zuegseit!), d'muisig fir am fäscht, d'visagistin und coiffeuse und bluemedeko macht en befrindeti floristin fir eys.
fählä tuät nu zuesagt vo de chilämuisig (macht mich ganz andersch!!), s'chleid (gahn ich am 7.märz gah uisläsä), de aazug und deko (has aber scho im chopf und weiss i welläm stil s'derhär cho muess), s'gfährt fir zur chilä und zrugg und d'ring wo mier jetzt de bim ne bekannte vo eys lehnt lo machä. im momänt hend mier en chleynä stilstand gha mit vorbereitä, fasnacht und suschtigi fäscht hend ziit beasprucht. jetzt gaht es aber weyter mit de planig, gstaltig und druckä vo de iiladigschartänä.
miär freyid eys uif de 6. septämber 2008 :-)
Editiert 26.02.08
|
|
|
|
26.02.08 14:35
Izzy
|
Re: Hochzeit im Herbst
Hellö hellö
hätt nid dänkt, dass am 6. september doch no so viu hüratet, aber im kollegekreis, hei mir itz ou no grad zwöi im september, schient beliebter z'si aus me meint. bi üs isch ender zufau. da mi schatz hornusset, isch es schwierig gsi, e termin i de warme mönät z'finde...et voilà jetzt isch es dr 6.
ig bi froh, dass es au no anderi git, wo scho voll derbi si.
fürs zivile chöi mir ersch im märz telefoniere, aber da si mir no nid ganz sicher, wenn. z'ersch hei mir grad dr tag vorhär wöue, aber mittlerwile hei mir z'gfüehl es wärdi z'stressig.
mir hei ou so wit aus bis uf d'detail wie bluemeschmuck, besprächig vom abemenu (chöi mir ersch wenn mir wüsse wär aus chunnt).
mis hochzitschleid ga ig am 8. märz ga ussueche, freue mi scho sehr, bi aber ou scho sehr närvös.
mi schatz wird äuä mit em trouzüge ou ersch so im juni ga luege.
üsi ringe hei mir ou scho bstellt. mir chöi se i ca. 6 wuche no einisch ga probiere und när no la graviere.
da ig rächt churzi haar ha, hei mir sogar scho mau brutfrisure mit dr coiffeuse usprobiert zum luege öb mir no öppis müese asetze oder so....
hürate tüe mir in ferebalm das liegt zwüsche bern u murte. mir wohne i dere gmeint und mi schatz isch dert ufgwachse.
wie machet dir das mit em ziviler??? was lueget dir när aus datum a? mir heis äbe nach zäme wöue, damit me z'gfüehl vo eim hochzitstag het, aber äbe wie gseit mir si üs nümm so sicher, öb mirs de när no richtig chöi gniesse oder öb mir de scho sehr närvös si.
am ziivler chöme nur üser trouzüge und d'eltere.
sodeli....
grüessli
izzy
|
|
|
|
26.02.08 20:13
Joesy
|
Re: Hochzeit im Herbst
Hallo zäme
Mir hürote am 27. Sept. I ha grad d 3 Prototype für d Iladigskarte Bastlet jetzt muess mi GG nur no säge welli ihm am Beste gfallt.
Mir hürote "nur" Zivil, aber defür in wiis
Mir hei mis Chleid, d Muusig für de Tag, d Trauzüüge hei zue gseit und s fixe Datum. D Iladige wetti bis Endi März/Afang April verschicke will mir denn au no grad zügle.
Hürote tüen mir in Rhyfälde und fiere tüen mir denn uf de Dütschesiit i de Umgebig das wüsse mir no nid gnau wo. Do hän mir die Dütschisiite vo mim Schatz dinne.
Grüessli
Joesy
|
|
|
|
|
|
|
|
1
|
Anmelden
