@Frettina: ja mengmol hät mer s Gfühl d Welt seg extrem chlii...

@Kia28: tönt aber sehr gmüetlich... wünsch Euch jetzt scho ganz ä tolls Fescht...

@cuenca: Du störsch also überhaupt nöd.
mir händ au 4 offerte i gholt. es hät extreeemi priisunterschiede geh. au ca 2000.- vom tüürste bis zum günstigste. aber chunt halt immer druf a was du wetsch. mir händ üs entschiede, das es meterbrot wird geh. halt ganz eifach. det wird mit 3-5 cm pro person grechnet. üsen apero gaht au ca. 90 minute und mir händ guet 100 lüüt. bidä häppli (spiessli) sinds glaub mit 3 pro person offeriert wordä.


<3 Unsere Grossen Tage: zivil 10.09.2010 und kirchlich 11.09.2010 <3

http://hochzeitscountdown.com/"][/url]

Merci für oi Antworte. Die wo so tür isch, det händs 9 Häppchen grächnet und das find ich au mega vil, abgseh devo, dass alles so exklusivs züg gnoh händ. Debi händ mir extra gseit, mir welled lieber meh masse als exklusivität.

Ich bin mir ebe nid ganz sicher, ob 5 häppchen pro Person langed... aber defall liht mini Ischetzig nid ganz denäbed...

_____________________________________
Wir heiraten kirchlich am 4. September 2010

Hallo Malu,

Ich han au am 11. Sept. 2010 de grossi Tag. Wohnä öbrigens au i de Zentralschwiz, also gnauer Kanton Luzern.

@Tropicana: Cool! Mir wohned vermuetlich chli höcher obe, nähmlich in Engelberg
Mir fiired oises Hochzit aber i de Ostschwiz, das hani zumindescht here brocht. Defür bini do here
zoge, mim Schatz zlieb. Aber gfallt mer jo ganz guet do i de Urschwiz! Wo hüroted ihr denn?

@Kia28: Witzig! Ich will au M&M's beschrifte und sie den id Tischdeko iwirke lo. Weiss nur no nüd genau wie. Bruch no e zündendi Idee. Ich finde es passt so guet, will üsi Näme beidi mit M afanged und üses Baby au Malea heisst
Was machsch du us de bunte M&M's (gwunderig). Wie verpacksches und was schribsch?




Das Ja-Wort fällt am 11-09-10 !!!

@ Malu Hehe, esch jo loschtig, min Zuekünftigä chonnt au us de Ostschwiz ond esch de zu mir id Zentralschwiz züglet.
Ich wohnä eigentli grad emenä Dorf wo ad Stadt Lozärn agränzt ond mer hürotet au be eus im Dorf, inerä Kapelle.

@Malu: Mir werdat d'M&M's für üsi Tischordnig und Gastgschänk i einam macha.
Mir händ Reagenzgläsli mit Naturkorka bschtellt und füllat si mit da M&M's. Mir händ si in gelb und rot gmacht, well da so üsi Farba sind am Hochzit. Druf stoht uf da einta Sita: Maria & Kevin und uf da andara: 10.09.2010
Dänn bindat mir um da Korka an Bast (in rot und gelb, je noch Gschlächt) und hänkat döt as Härz us Holz ana wo mir dänn d'Näma vu da Gäscht druf schribat.

Wäg am Menu, mir händ do so nas Package wo üs CHF 153.00 pro Person choschtat.
Döt isch aber folgendes dabi:

- Probeässa für's Brutpaar
- Schaumwein-Aperitif mit Knabbergebäck
- 4-Gang-Menu
- Hochzitstorta
- Menukarta
- Rot- und Wisswi, Biar, alkoholfreii Getränk, Tee und Kaffii (vu allna Getränk sovil mer will)
- Blumadeko für da Obig
- Übernachtig für's Brutpaar
- Guatschi für's Brutpaar zum i da Kuschelsuite übernachta

Zuletzt bearbeitet am 18.06.2010