Mini Liebe

bi eus het de Endspurt agfange (am 29.8. isch es sowiit) ond ich brücht no euri Hilf. Mir werdet während em Ringtuusch öppis zonenand säge. Ich weiss eigentlich scho was, nor fehlt mer no de richtig Wortluut.

Im Grundsatz wett ich so öppis säge wie: Du bisch für mich wie XXX, drum...

Ond genau mit dem XXX hani nochli müeh. Kännet ihr irgendwelchi Metaphere, wo mer da chönt bruuche? S'eine wär Fels i de Brandig, aber das isch mer chli z'abgriffe. Händ ihr en Idee??

Danke villmal!

Grüessli
Souris

Mer hend s Thema Boum för üsi Trouig ond det gods drom, de Boum met de Liebi z vergliche. Wenn er naturverbonde send, gieng das velecht ou före Rengtusch.
Du besch de Boum
...wo mer Schatte spändet wenns heiss esch
...wo sech im Storm biegt, aber ned brecht
...wo ech mech cha aläne, weni nömme mag
...wo mech schötzt wenns rägnet
...wo met mer wachst ond sech veränderet

Velecht chasches bruche

Merci, aber muesch jo ned alles säge. Eis wörd jo scho länge. ond dine maa seit ou ein, denn sends scho zwöi ond de pfarrer echa jo ou no eis säge, denn sends scho drü

Zom Glöck hend mer ned planet, so öpis bim Rengtuusch z säge, söscht wörde 2010 alli s giliche säge Mer hend de Sproch i dere Rechtig of üsem Chärtli ond wärde während de Trouig dra aläne, aber bim Rengtusch sägemer gloub öpis anders.